لقاء كارثي

لقاء كارثي
أميره أسامه
صاحبة البطل الواحد

. البارت الثامن والثمانين .

………………………

بعد ما خلصوا لعبتهم و اتجنن مصطفي معاهم شويه اتفرقوا اللي قعدوا مجموعه صغيره واللي مل اتنين مع بعض و اللي قاموا يتمشوا بين الڤلتين قام عدي بهدوء هو و تقي و راحوا في الزاويه اللي جنب الڤيلا بتاعت البنات كانو جزء من الجنينه و بعدوا شويه عن الدوشه.

اما ايمي و رشيد و عشري و ليله و ريهام و محمود و عسال و نادين فضلوا قاعدين مع بعض.

عسال….بهمس قومي نقعد شويه بعيد

نادين….لا

عسال….بابتسامه هو ايه اللي لا

نادين…..يعني مش عايزه اقوم

عسال….طب ليه هنروح نقعد هناك

نادين…..روح انت

عسال….بضحكه جميله هو القمر مقموص مني و لا ايه

نادين….والله أسأل نفسك

عسال….الله ده طلع مقموص بجد طب ليه طيب عملت ايه

نادين…..معرفش قولتلك اسأل نفسك

عسال…..بضحك سألت والله و مش عارف اوعي تكوني مقموصه من حوار ريهام

بصتلوا نادين بطرف عينها و بعدين بصت بعيد

عسال…..اااااه قولتيلي بقي طب قومي خلينا نتكلم

نادين….مش عايزه

عسال….وحياتي

نادين….قولتلك مش عايزه

عسال….طيب زي ما تحبي

قام عسال خرج بره القاعده بتاعتهم ولع سيجاره و مشي ناحيه الڤيلا بتاعت البنات بصت نادين عليه و سابته.

ريهام…..بضحك والله مش كده بس خدي بالك هما معاهم حق في جزء يعني انا واخده طبع من ماما شويه اني بتوتر و مش بعرف اتعامل اوي يمكن عشان احنا طول عمرنا عايشين لوحدنا يعني خدي بالك يا ليله انا معرفش حد مليش غير ماما و اخواتي يعني بابا ربنا يديه الصحه بس هو بردوا مش موجود اوي مفيش اهل قرايب مفيش معارف جيران ماما من النوع الخجول اوي اوي بتتكسف مش بتعرف تختلط يعني انا كنت مبسوطه بمعرفتنا بيكم لان ده زود شويه دايره معارفهم يمكن عشري عارف ان هو و الشباب اقرب حد لينا و لولا اصلا ان سلامه و ميدو بيثقوا فينا مكناش شوفناهم ولا جم عندنا فهماني

ليله….فهماكي طبعاً بصي انا شويه دنيتي شبهك كده قبل ما اتعرف عليكم و علي الشباب مكانش في حد في حياتي غير البنات و اخواتي و طبعاً اهل ايمي اهل نعيمه اهل سلمي و ايه اكيد كان عندي دايرة علاقات بحكم شغلي بس كمان علاقاتي القريبه اوي هي مش كبيره فهماني عيله ابويا ملناش علاقه بيهم اصلاً امي ملهاش اخوات فا كانت علاقاتي محكومه فا انا حاسه بيكي بس الفرق بينا اني طول عمري بشتغل و بتعامل وفي الشارع قابلت وحش يا ريهام بعدد شعر راسك و قابلت بردوا حلو و قابلت الوسط اللي بين الحلو والوحش يعني فيهم صفات حلوه و فيهم صفات وحشه و انتي بقي و طريقتك هتتقبلي الحلو اللي فيهم و تتغاضي عن الوحش و لا مش هتقدري فا كنت ديماً بختار

اكيد مفيش حد كامل عشان كده كنت بقدر اتعامل مع الوسط دول زي ما بيقولوا صاحبك علي عيبه بس دول مكانوش صحاب بالنسبالي هما معارف و ده مش معناه اني حد كامل او البنات كاملين بالعكس كلنا عيوب و طباع مختلفه بس في النهايه شبه بعض بنعرف نتعامل

محمود…..كل بني ادم فينا فيه الحلو والوحش بس في وحش نقدر نتحملوا و وحش لا

ليله…..بالظبط و عايزه اقولك علي حاجه ريهام يمكن انا طلعت في عسال و سلامه لانهم استفزوني بس خليني اقولك انهم في النهايه خايفين عليكي

ريهام…..انا عارفه والله طبعاً

عشري….عسال و سلامه شايفين ان ريهام البنت الوحيده هنا كمان ادري بطبعها و طريقتها و عارفين انها من جوه بيضا اوي فا طبيعي بيحاولوا يحموها بطريقتهم و عايز اقولك يا ليله ان هما مش قافلين علي ريهام زي ما وصلك من هزارهم و كلامهم

هما ماشاء الله علاقتهم بريهام تجنن

ريهام…..بصراحه اه احنا في العموم بنتناقش و بنتكلم طيبين جداً خوفهم عليا ظاهر في كل رد فعل

ليله…..انا عارفه بصي اللي خلاني اتكلم في الموضوع حسيتك من ردك علي ايمي انك مخنوقه من طريقتهم

ريهام…..بصي مش قصه مخنوقه بس انتي قولتي يا ليله ان مامتك قفلت عليكي اوي عشان خافت عليكي و عشان يعني اسفه بباكي مكانش موجود و يمكن ده اللي انا بعاني منه و دي الحاجه اللي ممكن تكون خنقاني اكتر مش العلاقه والله ولا اني احب او ارتبط انا بتكلم عن اسلوب الحياه عموما زي ما قولتلك احنا ملناش غير بعض احنا الخمسه فا هما شايفين ان دي الطريقه اللي بيحموني بيها من العالم الخارجي اه بخرج و بسافر و بعمل شوبينج و اللي بحتاجه بيجي بس من خلالهم

انا كان عندي صحاب كتير طول فتره الدراسه سواء في المدرسه او الجامعه بس بعد كده قعدت في منهم اللي اتجوز و ركز في حياته و انعزل تماماً و انشغل بحياته و في منهم اشتغل و بردوا الحياه خدتهم و جزء تاني بمجرد ما الدراسه خلصت كنا بنسأل شويه و بعد كده اختفينا عن بعض فا اصبح ان معنديش صحاب مفيش اهل مفيش قرايب و معارف حياتي انحصرت

و بصراحه انا يعني مليش في الشغل اوي اه عارفه انه حاجه مهمه و بيسلي و بيضيع الوقت بس انا في العموم اصلا مش من البنات اللي بتحب تخرج كتير بحب البيت اكتر بس كمان بزهق عارفه انتي لما تحتاجي انك تتكلمي مع حد من سنك و تكون بنت بتفرق كتير

ليله….اكيد طبعاً

ريهام….انا مش قادره اعبرلك عن فرحتي لما ميدو و سلامه حكولنا عنكم في الاول و بعدها بقي في ارتباط رسمي و بقيت اشوفهم و اكلمهم و اتعرفت عليكم انتوا كمان بدأت احس ان ايه ده ده في حياه جميله كنت مفتقداها و خدي بالك مش معني كلامي ده ان حياتنا في البيت ممله بالعكس خالص احنا طولوالوقت هزار و ضحك و لعب و جنان بس مش عارفه هتفهموني ولا لا التغيير مطلوب الحياه لما بتبقي محصوره في عدد اشخاص معينه مرهقه جداً

ليله…..طبعاً فهماكي و مهما كان اللي معاكي بتحبيه لازم تحسي ان في تغيير لازم تشوفي و شوش كتي رتتعاملي تختلطي تتعرفي علي ناس جديده تسمعي حكايات جديده تاخدي حكمه من حياه حد حتي لو رجعتي مع نفس الاشخاص اخر اليوم بس بتحسي براحه

ريهام….انا لما بخرج اشتري حاجه او نتفسح برجع نفسياً متغيره جداً اني شوفت ناس يعني اه مش بكلمهم ولا اعرفهم بس اني امشي و اشوف ناس بتفرق حقيقي في النفسيه

عشري….طيب ليه يا ريهام مفكرتيش تشتغلي و ده مش عشان العلاقه عموماً لأ عشان زي ما بتقولي كده تغيري الروتين ده

ريهام…..ماهو انا يا عشري من بعد ما خلصت جامعه بصراحه حاولت مره بس سلامه رفض قالي شوفي هتاخدي كام في شغلك ده و انا هديهولك حاولت افهموا ان الموضوع مش فلوس بس هو فضل بقي يقولي مش هتقدري الحياه بره مش زي ما انتي متخيله هتقابلي ناس كتير مش كويسين ممكن تتعرضي لمواقف من شباب و رجاله مش حلوه و مش هتقدري تتصرفي فيها و بيني وبينك وقتها كان سني صغير يعني كنت 21 سنه لسه متخرجه جديد فا سمعت كلامه و اقنعني بصراحه يمكن لو عقليتي في التوقيت ده كانت زي الوقت كنت رفضت تفكيره ده بس انا كنت صغيره كملت بضحك و بيني وبينك كان قد كلمته و حقيقي اداني الفلوس دي و انا فرحت بيها كنت كمان لسه متخرجه و لسه قريبه من الناس و صحابي فكان الموضوع بالنسبالي مش فارق اوي و مكنتش لسه قعدت بقي في البيت و حسيت بالروتين ده بس طبعاً الوقت فات عشان اشتغل في سني ده مش هلاقي شغل مناسب ده اولاً ثانياً انا عشان اشتغل شغل مناسب لا يكون بتاعي و دي مستحيل لاني بصراحه معنديش شغف لحاجه معينه احولها مشروع خاص مفيش افكار مفيش مثلا حلم معين

ليله…..انا اكتر كلمه بتعصبني شوفب هتاخدي كام من شغلك و انا اديهولك عارفه يا امنيه انا اشتغلت و انا 14 او 15 سنه كنت في ثالثه اعدادي و من وقتها موقفتش شغل بس قبل ما اشتغل امي كانت رافضه تماماً و كمان مقالتليش ازود مصروفك دي لان وضعنا وقتها كان ماشي بالظبط يعني مكانش في زياده اللي قالي كده وليد اخويا قالي هزود مصروفك كان فاكر ان الموضوع معايا فلوس بس صممت لحد ما اقنعت وليد و هو اللي اقنع امي و قالها الشغل جنبنا في نفس المكان سيبيها و بدأت بجد اشتغل يمكن كنت باخد فلوس متذكرش اساساً بس كنت مبسوطه اولا بتخرجي طاقه مش بتفكري في اي حاجه سلبيه طول اليوم انتي مشغوله و عقلك في الشغل والناس و حكاياتهم بترجعي تعبانه و انا وقتها كنت محتاجه اوي ان عقلي يتشتت للاسف اغلب الاهالي و حتي الشخص اللي ممكن نرتبط بيه بيبقوا فاكرين ان الموضوع فلوس

ريهام…..انا كان معايا بنات صحابي والله يا ليله بيشتغلوا في اماكن كويسه جداً اللي اتخطبت و خطيبها قالها نفس الكلام واللي قبل الجواز جوزها شرطت عليها متشتغلش و هنا واقفوا مع انهم لو مانوا استمروا كانوا وصلوا لسني ده الوقت و هما ماسكين مناصب كويسه جداً في شغلهم

ليله….ده اللي بقولوا الموضوع مش فلوس والله يا ريهام هو كيان و شخصيه بتتبني بتحسي انك ناجحه و محققه نفسك

عشري….بس خلينا متفقين ان في بنات لو مش قد حالها في اماكن مينفعش يشتغلوا فيها لان حقيقي الناس مش كلها كويسه

محمود….بص يا عشري يمكن معاك بس خليني اقول اني مع ليله بصراحه اه الحياه بره كبيره و مخيفه و الناس مش زي الاول بس كمان انا بشوف ان البنت لازم تتعامل و تواجه و تتعرض لمواقف صعبه تقويها يعني ليله مثلاً انا اسف والله يا ليله في اللي هقولوا

ليله….لا قول عادي

محمود….ليله لو مكانتش اشتغلت زمان بعد المواقف اللي اتعرضتلها و اضطهاد زمايلها و الناس ليها و اتقفل عليها كانت هتبقي شخصيه مختلفه و مش بعيد تكون سايكو و ده بجد الاختلاط قواها و خلاها عرفت تتعامل كمان يا ريهام انتي والدك مش معاك بس بيتهيالي علاقتك بيه احسن بكتير من علاقه ليله بوالدها يعني انا متفق جدا ان وجود الاب بيخلي البنت تكتسب شخصيه تخليها قويه من غير ما حتي تتعامل مع العالم الخارجي و يوم ما بتتعامل في وجود والدها بتبقي ليها شخصيه و حاسه بالامان علي عكس ليله هي كانت لوحدها و ابوها كان عايش و مش موجود في حياتها يعني بجد شابو ان ليله قدرت تكون بالشخصيه دي

ريهام….صراحه بعيداً عن ظروف حياتنا مع بابا بس هو كا اب اه في حاله و اه ملهوش دور بس احنا علي علاقه بيه بنكلموا و بيكلمنا بنشوفوا يعني في علاقه عموما

ليله…..انا مكانش فيه يا ريهام و انا متفقه مع محمود يمكن لو مكنتش عافرت شويه مع نفسي و فضلت الطش رايح جاي في الدنيا و هي تلطش فيا كنت اتجننت كنت بقيت عنيفه كنت بقيت شخصيه وحشه اوي علي نفسي وعلي غيري خدي بالك هو اه الدنيا بره مش احسن حاجه بس بتعلم كتير اوي و بعدين انتي مش كبيره يا ريهام انتي لسه صغيره حتي لو في فرص ضاعت عليكي في اماكن بتطلب سن اصغر بس تقدري تشتغلي اي حاجه و مش لازم تعملي حاجه خاصه يعني مثلا عندك تقي و نسمه بيشتغلوا ايه هما مش موظفين و لا عندهم شغل خاص و لا بيشتغلوا في اماكن كبيره مع انهم لسه سنهم مطلوب و يقدروا ينزلوا يتدربوا في اماكن بشهادتهم يعني ماشاء الله تقي في السن و نسمه كمبيوتر ساينس يعني دراستهم مطلوبه في اي شركه بس هما قرروا ينزلوا و يشتغلوا لحد ما ربنا يكرمهم و يحددوا بقي هما مصيرهم و انتي علي فكره تقدري تشتغلي حاجه زي دي ممكن لو حابه مثلا اشتغلي مع نادين و نعيمه في شغلهم الخاص بتاع البراندات بتاعتهم اوقات كتير مش بيلاحقوا علي شغلهم لوحدهم و انا والبنات بنساعدهم عادي كمان تقدري تشتغلي مع ايمي مثلا و سلمي في المطعم الفكره من الشغل يا ريهام مش بس انك تلاقي نصيبك يمكن انا قفشت عليهم في الموضوع ده بس بينا و بين بعض العلاقه هتيجي هتيجي هي اصلا نصيب بس فكرة الشغل نفسه بتحسن المزاج بتخليكي واثقه بتتعاملي بتشوفي ناس الاحتكاك مطلوب عموماً

عشري….بابتسامه قصدك ايه يعني سيبك من العلاقه

ليله….بابتسامه مش قصدي انها مش مهمه بس هي مش نهايه الحياه يا عشري يعني البنت تقدر تقف علي رجلها مش بس عشان تلاقي راجل لا هي بتقف عشان نفسها يعني انت متخيل انها بتقولك من وهي 21 سنه بطلت يكون ليها علاقات خارجيه صعبه اوي

محمود…..انتي عندك كام سنه يا ريهام