لقاء كارثي

تقي…..ممكن بس كمان هحترم رأيهم و هبعد و اظن انا كنت بسألك انت كمان عن حبيبتك عشان نفس السبب لاني كنت عايزه اعرف لو بتضايق ولا لا عشان اعرف حدودي كويس و مضايقهاش و لا اوتر علاقتكم

عدي…..بضحكه جميله صح و حسيت انا و احترمت النقطه دي فيكي بس بردوا انا كلامي صح ان الصحاب ممكن يغيروا علي بعض و بيتهيألي يعني العبيطه حست بالغيره دي

تقي…..بابتسامه لغبطه و احراج اناااا ااا لا خالص

عدي….اممم طيب افكرك في نفس اليوم ده لما كنتي هتقومي لما جاتلي المكالمه شوفتي الاسم مكتوب عليه حبيبتي ملامحك اتغيرت و قومتي ووانتي متلغبطه ومرتبكه و لما مسكت ايدك و قولت ايوه يا امي قعدتي و ملامحك رجعت تاني و في نفس اليوم ده بردوا علي ما افتكر كده لما قولتلك اني خارج بكره معاها رجعت ملامحك تاني اتغيرت و بالاماره قولتيلي انك عايزه تروحي

ابتسمت تقي و هي بصاله و عينها رايحه جايه

عدي…..بضحكه جميله يومها فضلت اسالك مالك و فيكي ايه و ليه قلبتي فجأه قولتي مش قادره و عايزه انام والحو برد و المطر نازل

ضحكت تقي و فضلت باصه بعيد عنه

عدي…..بضحك حتي انا عملت مصدق و وصلتك و لحد قبل ما تطلعي بحاول انكشك بس انتي كنتي قفلتي خالص و بان عليكي انك مش طبيعيه و افتكر كمان اني قولتلك قبل ما تطلعي لما اتصل عليكي تردي قولتي حاضر بس من وقتها انتي مردتيش يا تقي ولا سمعت صوتك و لا شوفتك كنتي بتشوفي رسايلي و مترديش تسمعي اتصالاتي و متكنسليش حتي و لما كنت بتصل و انتي معاكي اتصال اكيد كنتي بتشوفي بس لما كنتي بتققلي مكنتيش بترجعي تتصلي

و مش بس كده خدتي قرار حاااازم انك مش هتيجي الكافيهات عندنا تاني توصلي الشغل كمل بضحك و مش بس كده مكنتيش عايزه تيجي السفريه دي عشان عارفه اني هكون موجود و كلامي طلع صح الصحاب بيغيروا علي بعض صح ولا ايه

تقي كانت عماله تبتسم و تعض في شفايفها و مش عارفه ترد و طلع فاهم كل تصرفاتها و سببها

عدي…..بضحكه جميله ايه ساكته ليه مش ده اللي حصل لما عرفتي اني خارج

تقي….ااااا احم ااا لا انت بتأڤور علي فكره

عدي…..بضحك ماشي خليني بأڤور المهم يعني بينك و بين نفسك عارفه اني شايف الموضوع صح

تقي…..اااا طيب سؤال أخير

عدي….بضحك اتفضلي

تقي….يعني لما هو الموضوع كده و مفيش ريم و في سرحان بعقلي ليه مجاوبتش علي السؤال و قولت مين اخر اتصال و اخترت انك تشرب حاجه مش بتحبها و ممكن تتعبك علي انك تقول ابتسمت بهدوء ايه هتكدب في دي كمان

عدي…..بضحك لا واكدب ليه حلوه التكنولوچيا بردوا الموبايل اهو في ايدك هايت كده لحظه

مسك الموبايل و جاب الاتصالات و قرب الموبايل بأبتسامه

عدي…..بصي كده مش ده رقمك اتصلت بيكي لما صحينا انهارده التوقيت كام كان علي اربعه و من وقتها متصلتش بأي حد و اكيد يعني انا فضلت اشرب حاجه مش بحبها علي اني اقول اني اتصلت بيكي و صحيتك و محبتش انك تتفهمي غلط او يحفلوا عليكي واديكي شايفه مجانين و بيطلعوا الكل مسرح و انا محبتش احطك في الحته دي لو عليا عادي هقول بس حسيت انها ممكن متبقاش حلوه ليكي لانهم مش عارفين اننا قريبن من بعض و بقينا صحااااااب ضحك و بصلها و هي ضحكت اااا يعني مش هيفهموا

تقي…..ااااا ماشي

عدي….بضحك ماشي ايه اقتنعتي ولا لسه

تقي…..بضحك اااا اه تمام

عدي….عندك اي سؤال تاني

تقي….اممم لا مفيش

عدي…..تمام و الله العظيم يا تقي لو في اي وقت بعد كده اتصلت عليكي او بعتلك مسدچ و مردتيش

تقي….بابتسامه هتعمل ايه

عدي….بضحك لا خليها مفجأه بقي بس يعني بما اني صارحتك ما تخليكي صريحه معايا و تقوليلي ليه مكنتيش بتردي عليا الكام يوم اللي فاتوا ليه قررتي متجيش الشغل ليه شوفتي رسايلي و تجاهلتيها ومتقوليس كنتي تعبانه و مضغوطه في المذاكره و الهبل ده

تقي…بابتسامه ااا ماشي مش هقول و معترفه اني كدبت وزي ما قولتلك انا عادي اوقات ممكن اكدب كدبه بسيطه ودي كانت كدبه بسيطه بس عشان اصارحك يعني بيتهيألي انت فهمت السبب و لسه قايله اني محبتش اكون سبب في مشكله يعني من الاول حضرتك لو كنت صريح معايا مكنتش خدت الموقف ده و بعدت

عدي….ماشي تمام بس بردوا بعدتي ليه انا مش فاهم يعني هبقي معاكي جداً لو مثلا جيت قولتلك كا صحااااب ان حبيبتي غيرانه منك فا وقتها هفهم انك محبتيش تكوني سبب في مشكله و خدتي جنب عشان متبوظيش علاقه بس انا لا قولت ولا انتي تعرفي حبيبتي دي فا ليه بعدتي

تقي…..ااا بص انا هقولك بصراحه

عدي….ايوه قولي بصراحه

تقي…..يعني ااااا احممم ضحكت و هي متوتره اااا طيب انا بردانه اوي

عدي….بابتسامه قلع الچاكت و حطه علي كتفها يلا الحجه خلصت قولي بقي

تقي…..بضحكه جميله يعني انا محبتش اني اخد من وقت بنت غيري في حياتك حسيت انك قربت مني و بنخرج و بنضحك بناكل و نشرب بنروح مشاوير مع بعض فا خوفت اكون باخدك منها خصوصا ان انت قولت علاقتك بيها مش مستقره فا حبيت اني اخد جنب عشان وقتك ده تديه ليها مش اكتر

ااااا يعني اقصد اوقات علاقات الصداقه بتبقي واخده مساحه كبيره انا ممكن اتسحل مع صحابي و اديهم وقتي كله وانا مبسوطه و مش حاسه بملل بس لو في حد في حياتي اكيد هيبدأ يضايق و يغير و بصراحه انا لما حسيت بده محبتش ابداً ان هي تضايق و كان هيبقي حقها

عدي…..بابتسامه تمام واهي طلعت مش موجوده اصلاً لا في علاقه و لا في حبيبه و لا في اتصالات و خروجات و حياتي فاضيه خالص ممكن بقي اخد مساحه بسيطه و نرجع زي ما كنا و لا العبيطه هتفضل واخده جنب و هتفضل غيرانه

تقي….بابتسامه بس متقولش غيرانه

عدي…..بضحك مااااشي انا اللي غيران حلو كده

تقي…..بضحك لا مش حلو لا انت المفروض تغير احنا صحاب

عدي…..بضحك ماشي بس احنا اتفقنا ان الصحاب بيغيروا علي بعض بردوا

تقي…..بابتسامه امممم ماشي افهم من كده يعني بما اننا صحاب و رجعنا تاني صحاب و نسينا اللي حصل ان ممكن حضرتك بصفتك صاحبي تغير عليا

عدي…..بابتسامه اه طبعاً و بيتهيألي هي حصلت علي فكره

تقي…..يعني ايه حصلت ازاي اااااه حدوته

عدي…..بأبتسامه لا حدوته ده قصه لوحده هنبقي نشوف حكياته بعدين لما نرجع

تقي….امال تقصد مين

عدي….اقصد مصطفي اللي كان عمال يعاكس فيكي

تقي….بضحك امممم قولتلي بس لذيذ مصطفي

ابتسم و رفع حاجبه و جززعلي سنانه

عدي…..لذيذ ااااه بجد

تقي…..بضحك ايه بذمتك مش لذيذ

عدي….لذيذ بس لنفسه

تقي…..بأبتسامه اممم طيب وانت ايه اللي مزعلك في انه يعاكسني و بعدين يعني ماهو قال ان هو مش بيفكر في الموضوع عشان شغله بس يعني ميمنعش نخليه يفكر و نغير رايه

عدي…..والله يفكر و يغير رأيه طب حلو الكلام ده

تقي…..بضحك ايه مالك

عدي…..ولا حاجه زي الفل بس نظبط شويه هاااا احنا قولنا في دراسه و مستقبل و المواضيع دي هتعطلنا

تقي….بضحك لا بقولك ايه خليك في حالك يعني مش عشان احنا صحاب هتدخل في حياتي هنا الصحاب اه ممكن يغيروا علي بعض بس مش بيتدخلوا في حياة بعض

عدي…..لا بيدخلوا و لو مش بيدخلوا انا هتدخل هاااا ركزي في مذاكرتك و بلاش عبط تمام

تقي…..بضحك و سعاده ملهاش وصف اااا ماشي هفكر

عدي….لا هتنفذي و خدي بالك بقي عشان نبقي متفقين انا صاحب رخم و رخم اوي يعني نسمع الكلام كده عشان في وش تاني مش حلو