لقاء كارثي

سلامه…..لا والله ايه بقي بلاش كدب هزرتي و ضحكتي و قومتي عملتي فيها ممثله انتي والهبله اللي هناك والوقت بتعيطي و عقلك مسوحك هرمونات صدقيني بس قوليلي بتقعد كام يوم

ايه…..بضحك من بين دموعها بطل قلة ادب

ضحك سلامه و ضمها تاني لحضنه و بمجرد ما ضمها ابتسامته اختفت و غمض عينه اوي فضل حاضنها شويه و بعدين بعدت عنه و رجع ابتسم تاني ابتسامه واسعه

سلامه…..رعبتيني عليكي و موتيني من الخوف .

ايه…..حقك عليا بس والله كنت حاسه ان في حمل كبير علي قلبي مره واحده و عقلي في لحظه وانا جوه بشرب فضل يخليني افكر بطريقه غلط و بقيت افتكر اللي حصل و كلام تامر بره و نظراتكم لبعض

حسيت اني اتخنقت و خوفت اوي يا سلامه و كمان انا من وقت اللي حصل بحاول والله اكون طبيعيه بس مش عارفه و مضايقه من شعور عدم الراحه اللي بحسه من تامر مع انه والله ما عمل اي حاجه و بيتعامل معايا زي ما كان بالظبط مخنوقه من نفسي عشان علاقتي بيه مش زي الاول وحشني احساس اني اتكلم معاك اضحك اهزر نتخانق علي حاجه عبيطه و يرجع يصالحني اضايقه وارجع اصالحه كل ده مبقاش موجود يا سلامه بهرب منه و من الكلام معاه طول الوقت

سلامه….حبيبي ده طبيعي يعني لما مثلاً تشكي في اي حاجه حتي لو اللي قدامك ثبت ليكي العكس غصب عنك بتفضلي تشكي و ده اللي حصل معاكي انتي فهمتي قصدي بس الموضوع اثر عليكي و بقيتي تركزي فيه زياده عن اللزوم و مبقتيش مرتاحه و يمكن كمان عشان خايفه تعملي اي تصرف انا ازعل منه بس انا بقولك اهو خليكي براحتك انا بثق فيكي و عارف ان قلبك مفيش زيه خالص انتي جميله يا ايه و طفله من جواكي و عشان كده الموضوع اثر عليكي اتعاملي بطبعيتك يا عمري و انا اوعدك مش هزعل انا عارف انك بردوا هتاخدي بالك من هزارك بس كمان ده اخوكي يا ايه و يمكن انا اللي غلطت واڤورت زي ما قولتلك من حبي فيكي يعني كان طبيعي والراجل غير الست يا حبيبي يعني ممكن لو انا اللي في نفس الموقف و ريهام دي بنت خالتي جايز مكنتيش انتي ركزتي زي ما انا ركزت بس خلاص ملحوقه هننسي كل اللي حصل و انسي اي حاجه قولتها قبل كده كأن محصلش بينا مشكله اصلاً و ارجعي لطبيعتك و حياتك و انا مش هركز تاني في حاجه زي دي ماشي يا عمري.

ايه….خليك جنبي يا سلامه انا بجد محتجالك اوي

سلامه….مسك وشها بحي انا جنبك يا عمري و عمري ما هسيبك و بردوا هنتجوز مش عشان اللي حصل لا عشان انا بجد محتاجك اكتر و مبقتش عايز الوقت يطول و ابقي من غيرك

قربت منه ايه و لفت ايدها علي وسطه ضمتوا جامد

ايه…..وانا كمان يا سلامه عايزه ابقي معاك عايزه نتجوز

حضنها سلامه و فضل يطبطب علي راسها وضهرها و هو في دنيا تانيه خالص …

سلامه…..في اقرب وقت يا عمري في اقرب وقت والله

……………

بص عدي علي تقي كانت باصه عليهم من بعيد

عدي….ايه هتفضلي مركزه معاهم كده كتير

تقي….لا بس قلقانه عليها اوي و معرفش ايه اللي حصلها مره واحده

عدي….هتبقي كويسه ان شاء الله يمكن في حاجه مضيقاها

تقي…..كانت كويسه و بتضحك

عدي….عادي احياناً الواحد ممكن يضحك و يهزر بس من جواه بيكون مضغوط و بيبقي في تراكمات كتير بتوصل لكده هي واضح انها احسن لو في حاجه كان سلامه هيقول

تقي…..خير ان شاء الله

عدي…..بأبتسامه طيب اااا كنا بنقول ايه بقي لاننا ملحقناش نتكلم

تقي…..مممم مش فاكره اه اه كنت بقولك انت كويس ولا تعبان عشان البيض ده اللي شربته

عدي…..لا تمام بصلها و ضحك بهدوء

تقي…..بابتسامه خير بتضحك علي ايه

عدي…..عينك فيها أسئله كتير مستنيكي تسألي

تقي…..سيبك من الاسئله اللي في عيني انت واضح ان عندك كلام كتير

عدي….اه عندي بس كله معتمد علي الأسئله اللي هتسأليها بس الاول خليني اعتذر تاني عن اللي حصل و احنا جايين في الطريق انا مكانش قصدي أزعلك و لا اقول كلمه بايخه تضايقك و الله بس انا فهمتك انا كنت مضايق ليه

تقي….انا مش زعلانه منك يا عدي و لا زعلت من كلامك اينعم يعني انا مش قليله الذوق بس صدقني انا كمان مكنتش اقصد اضايقك و اي حاجه كنت بمر بيها بعيده عنك خالص

عدي…..بأبتسامخ ااااا ماشي خليني اعمل نفسي مصدق بس انا واثق ان ليا دعوه بيها عشان هعيدهالك تاني لو انا مليش علاقه بيها كنتي رديتي عليا زي ما رديتي علي كل الناس عادي

ابتسمت تقي و بصت بعيد

عدي…..هاااا قولتي ان في كلام عايزه تتكلمي معايا فيه خير

تقي….اااا يعني هو مش كلام تقدر تقول مجرد سؤال فضولي شويه و بيتهيألي لما كنا جايبن في الطريق قولتلي المفروض ان احنا صحاب و ممكن تحكيلي اللي مضايق صح

عدي….حصل

تقي….اممم يعني بما اننا صحاب فا حق الصحوبيه دي اني اسأل سؤال فضولي شويه ولا ايه

عدي….طبعاً

تقي….ليه كدبت و قولت انك مش مرتبط و لا في حد في حياتك من سنه

عدي….بضحكه جميله بص لبعيد و بعدين بصلها بنظره وترتها و خلتها ابتسمت انا مكدبتش

تقي….لا يا شيخ امممم نسيت اننا صحاب و خرجنا مع بعض كام مره و اتكلمنا و حكيتلي صح نسيت اني شوفتك بتكلمها مرتين مره واحنا خارجين و مره و انت بتوصلني بص هو انت حر يعني تقدر تقولي عادي انك محبتش تتكلم في حاجه شخصيه قدامهم و انا هفهم ده بس متكدبش عليا انا الوقت و تقولي انك مكدبتش

عدي…..طيب و هو انا لما اتسأل سؤال زي ده شايفه اني مضطر اكدب

تقي…..مش تكدب بالمعني الحرفي بس جايز تكون مش حابب تتكلم في حاجه تخصك

عدي….ممكن متكلمش في تفاصيل بس لما اتسأل مرتبط ولا لا عادي اني اقول دي مفيهاش فضيحه لحياتي الشخصيه بس انا قولت الحقيقه انا مش مرتبط

تقي….يعني ايه سيبتوا بعض ؟

عدي…..امممم يعني تقدري تقولي حاجه زي دي بس الكلام ده من اكتر من سنه و بعدها دخلت في علاقه اللي قولت عليها و قعدت اسبوعين و من سنه بالظبط انا مفيش اي حد في حياتي

تقي…..بابتسامه أستغراب ضحكت ضحكة عدم تصديق لا استني انا مش فاهمه امال انت كنت بتحكيلي عن مين ايه اخترعت حكايه و انت معايا

عدي بضحكه نجنن بص لبعيد و هو بيولع سيجاره

تقي…..بأبتسامه لا بصلي و قول انت كنت بتسرح بيا

عدي….بضحك يعني تقدري تقولي اه و لأ

تقي….دي فزوره يعني

عدي……لا بس مخترعتش حاجه دي كامت حقيقه بس سرحت بيكي في موضوع التوقيت ده هي حكايتها خلصت من سنه و كام شهر زي ما قولت بس مش هنكر اني سرحت بيكي شويه و قولتلك اني مرتبط

تقي…..عدي انت بتكدب علي فكره و الوقت كده بتسرح بيا

عدي….والله العظيم ابداً لما اتسألت و احنا بنلعب اتكلمت عن علاقه دامت كام شهر و كنت قاصد بالعلاقه دي ريم و قولت ان اخر علاقه ليا استمرت حوالي اسبوعين ثلاثه و سيبتها لان عقلها كان صغير و بس ده اللي حصل يعني علاقه ريم كانت حقيقي موجوده و خلصت من زمان

تقي…..طب لما هو كده ليه قولتلي انك مرتبط و كنت بتكلم مين اصلاً و وو سكتت شويه اااااه انت قولت انك هتخرج معاها كمان صح

عدي…..بابتسامه امممم فارق معاكي الموضوع ده

تقي…بابتسامه و توتر اااا لا اااا انا مالي هيفرق معايا ليه بس احنا صحاب و الصحاب مش مضطرين يكدبوا علي بعض

عدي……بضحك صح بس يعني تقدري تعتبريها مش كدبه

تقي….لا كدبه علي فكره

عدي…..طيب بما انهم بيقولوا عنك ليله الصغيره انتي رد فعلك علي الكدب زي ليله بردوا يعني ممكن تزعلي مني

تقي….اااا بص يا عدي انا اكيد مش هزعل منك بس اكيد بردوا محتاجه افهم السبب و بعدين ليله لما زعلت بسبب كدبه كان حقها يعني عشري ده حبيبها و خطيبها و حقها تزعل من كدبته انما انا اكيد مش هاخد نفس رد الفعل اولاً لاننا صحاب و كدبتك دي مش هتأذيني ثانياً انا اه مش بحب الكدب بس كمان رد فعلي مختلف عن ليله يعني ليله ليها تفكيرها و دناغها و ظروفها اللي تخلي رد فعلها يكون بالشكل ده بس انا لا يعني اه مش بحب الكدب بس احياناً ممكن اكدب كدبه بسيطه او اسامح في كدبه بسيطه كملت بصحك بس انا الوقت محتاجه افهم مش اخد رد فعل

عدي…بضحك امممم طيب تقدري تقولي اني كدبت عليكي بس مش بهدف الكدب لان مفيش حاجه تخليني اضطر اكدب عليكي احما صحاب بس تقدري تقولي كمان اني كنت حابب اشتغلك شويه اسرح بيكي اتأكد من حاجه معينه

تقي…..بابتسامه ااا احممم حاجه ايه

عدي….بضحكه و نظره جميله يعني

تقي….ااا طيب سؤال لو فعلاً اللي بتقولوا ده صح كنت بتكلم مين و كنت هتخرج مع مين يوم ما قولتلي

عدي…..بابتسامه اولاً انا مخرجتش مع حد و مكنتش هخرج اصلا بعني تقدري تعتبري دي كمان من ضمن السرحان بيكي بس العبيطه لو كانت فكرت ثواني اليوم اللي قولتلك هخرج فيه ده انا كنت طول اليوم بحاول اكلمك من اول اليوم لاخره و اكيد يعني لو كنت خرجت او هخرج او في حد اصلاً مكنتش هقضي يومي اتصال و رسايل بيكي دي حاجه

تاني حاجه خليكي معايا لحظه.

قام وقف و طلع الموبايل من جيبه جاب الصور و قلب فيها شويه و بعدين جاب صوره كان واخدها اسكرين شوت و مد ايده ليها بالموبايل مسكتوا منه و بصت

عدي…..بصي علي الاسم ده نفس الاسم اللي شوفتيه يوم ما خرجنا بس التاريخ ده مش عارف انتي فكراه ولا لا ده كان اليوم اللي كنتي متعصبه فيه بسبب موضوع ليله و عشري يوم ما شوفتك و وصلتك انا وسليم و كان معانا نسمه و لو العبيطه ركزت شويه في الساعه هتلاقي كان الساعه وقتها قدامك اهي ثلاثه الا ربع يومها كنا واقفين قدام باب البيت عندك و داخلين عشان نركب الاسانسير و وقتها كان معايا المكالمه دي طبعاً انا خدتها اسكرين في يومها و معرفش ليه عملت كده او عارف بس مش وقته

المهم يعني اني حبيت اخد اسكرين بالتوقيت و التاريخ و الاسم اللي اتصل بيا و نفس الاسم ده اتصل عليا يوم ما خرجنا و روحنا للدكتور يوم الزلزال و علي ما افتكر العبيطه قررت تقوم عشان تدخل التويلت

وانا قعدتها و رديت علي امي قدامها

تقي…..بنظره صدمه و ابتسامه و سعاده داخليه عينها كانت بتقول كلام كتير وفيهم لمعه تجنن و قلبها عمال يدق بسرعه اااا يعني دي كانت مامتك

عدي…..اه مش رديت عليها قدامك و قولتلها ايوه يا امي

تقي…..يعني مامتك هي اللي كلمتك يوم ما كنت بتوصلني اول مره

عدي….اه نفس الرقم قدامك اهو بنفس التوقيت و التاريخ و في اسكرين كمان اهي بنفس الاتصال يوم ما خرجنا و كلمتها قدامك

تقي….اااا احمممم ضحكه ضحكه هاديه و بصتلوا طيب ليه يعني كدبت من الاول

عدي…..والله انا مكدبتش او مكنتش ناوي اكيد كل الحكايه يعني هحكيلك اللي حصل يوم ما وصلتلك و طلعت معاكي لوليد لما سمعتيني بتكلم قولتيلي دي الجو بتاعك سرحت بيكي قولتلك اه يومها اصلا مكنتش طايقك بسبب اللي عملتيه معايا فا كنت باخدك علي قد عقلك

بس يعني مش هكدب عليكي حبيت امشي معاكي علي نفس الخط و لما سألتيني عن حبيبتي كنت حاسس ان سؤالك فضولي شويه فا رديت عليكي و قولتلك قصه ريم دي عشان اشوف سبب سؤالك ده خصوصا اني حسيت انك بتلحي كتير في السؤال ده و كان مضايقك شويه اني بخرج معاكي بتصل عليكي بقابلك و هي مش موجوده او مش بتتصل

تقي….لا لحظه هو مكانش فضول ولا حاجه كل الحكياه اننا كنا بنتكلم انت سألتني لو في حد في حياتي قولتلك لا و سألت طيب عمرك ما حبيتي حكيتلك حكايه المسيو بتاع الفرنساوي و بس بعدها سألتك يعني نوع من انواع الرغي العادي جداً و يمكن اه كان معاك حق في ان الموضوع فارق لاني قولتلك انا لو مرتبطه اكيد هضايق ان الشخص اللي في حياتي ده مهتم بصحابه اكتر مني فا مكنتش حابه اكون سبب في اني اعمل مشكله بينكم بس سؤالي هنا يعني ماشي سرحت بيا و خدتني علي قد عقلي بس انت ليه خدت اسكرين

عدي….اممم مش عارف صدقيني بس كان عندي احساس قوي ان هيجي وقت و هقولك ان مفيش حد في حياتي و طبعاً مش هتصدقي فا كنت حابب يكون معايا اثبات لكلامي ده و انا تقدري تقولي كده شخص بيتبع احساسه و اهو اللي حسبته لاقيته احتاجت للاثبات ده

تقي…..بأبتسامه بصت لبعيد و بعدين بصتلوا ااا ايوه يعني انت ايه اللي يخليك مضطر انك تثبت ليا يعني عادي كنت هصدقك و حتي لو مصدقتكش ايه المشكله كان هيفرق معاك يعني

عدي….اه يا تقي كان هيفرق معايا انك تصدقيني

تقي…..ليه

عدي….بضحكه جميله عشان الصحاب لازم يصدقوا بعض صح

تقي…..بضحكه جميله اااا اه صح

عدي….امممم عندك أسئله تاني

تقي….بضحك و هي قلبها عمال يدق لا بس يعني انا مش مستوعبه خالص و تقدر تقول اني في صدمه

عدي…..بابتسامه و هو بينفخ الدخان بس واضح انها صدمه حلوه لانك مبسوطه

تقي….اااا انا لا عادي يعني هبقي مبسوطه ليه

عدي….اني مطلعتش مرتبط مثلا

تقي….بضحك وانا مالي يعني انك ترتبط او لا

عدي…..يعني الصحاب بردوا بيغيروا علي بعض واوقات بيحبوا ان صاحبهم ميبقاش في حد في حياته عشان مثلا متغيرش حبيبته من صاحبته و تببعدهم عن بعض مش كده ولا ايه

تقي….بضحكه جميله اااا يعني اه بس مش ديماً

عدي….بابتسامه بس بتحصل صح

تقي….اممم يعني اوقات بس يعني انا عندي صحاب و مرتبطين و مش بضايق زي حدوته وادهم صحابي و مش بغير و لا بضايق انهم في علاقه

عدي…..بس لو هما صحابك اوي و تمارا مثلا او حبيبه حدوته بتغير منك و الشباب حبوا انهم يرضوا البنات اكيد هتضايقي من التغير لو هما قريبين منك