لقاء كارثي
لقاء كارثي
عدي…..طيب امسكيها كويس
تقي…..طيب طيب روح بسرعه والنبي
خرج عدي بسرعه و راح علي بره و قرب بهدوء من سلامه.
عدي….بهمس سلامه تعالي معايا عايزك
سلامه…..في ايه ؟
عدي…..مفيش تعالي بس عايزك جوه شويه
مشي سلامه معاه و بعدوا حبه
سلامه…..في ايه ياض
عدي…ايه شكلها تعبانه و فيها حاجه غريبه
سلامه….تعبانه مشي بسرعه علي جوه هو وعدي و اول ما لمحها جري عليها و مسك ايدها في ايه يا ايه
مسكت ايه في ايده و هي بتعيط و كأنها بتطلع في الروح
تقي…..سلامه احنا مش عارفين مالها كنا قاعدين و دخلت علينا بالشكل ده
سلامه…..حاسه بأيه خلينا نروح المستشفي
مسكت ايده و بصتلوا و هزت راسها بلأ
تقي…..ايه مالك طيب ؟
عدي…..ايه فيكي ايه ايه اللي بيوجعك
ايه…..معرفش معرفش
سلامه….طب حاسه بايه يا قلبي خلينا نروح المستشفي طيب
عدي….اقول لعشري يتصل علي السواق بسرعه
سلامه…..اه اه بسرعه
ايه…..انا مش تعبانه انا مخنوقه انا قلبي مقبوض في حاجه فيا يا سلامه
تقي….طب من ايه في حاجه حصلت
ايه…لا لا
تقي…..طب انتي كويسه هو حصل حاجه يا سلامه احنا لسه سايبينكم
سلامه….محصلش كانت واقفه معانا و دخلت جوه تشرب في ايه يا ايه متقلقنيش عليكي طيق حد ضايقك او قالك حاجه؟
ايه…..مفيش مفيش سلامه انا مخنوقه
تقي….قلبها بيضق بسرعه اوي
سلامه…..ايه طب انتي حبيبتي كنتي كويسه ايه اللي حصل لما دخلتي
ايه….بدموع فظيعه معرفش معرفش في حاجه خنقاني
سلامه…..لازم نروح المستشفي نادي حد يا عدي
ايه….لا لا والنبي يا سلامه انا مش تعبانه صدقني
سلامه….طب مااااالك عامله كده ليه؟
عدي…..براحه يا سلامه اهدي هي بخير
ايه….سلامه انا عايزه اخرج بره خالص خرجني بره الڤيلا من غير ما حد يحس اني فيا حاجه ممكن
سلامه….حاضر ياعمري طب ايه قوليلي فيكي ايه عشان خاطري ايه في حد قالك حاجه او عملك حاجه ضايقتك
ايه….مسكت ايده مفيش والله مفيش انا بس مخنوقه و معرفش في ايه انا قلبي مقبوض اوي والله مافي حد عملي حاجه بس انا مش فاهمه
تقي…..ايه طب انادي علي سلمي او تامر او اي حد.
ايه….لا لا مش عايزه حد انا مخنوقه
عدي….طيب اهدي اهدي بتحصل عادي تراكمات او خنقه بسيطه من اي حاجه خير والله انتي كويسه متقلقيش بص يا سلامه تعالي طيب نخرج مع بعض يعني عشان لو مش عايز تخرج قدام اخواتها يعني كأننا خارجين سوا عادي
سلامه….بنبره حاده شويه لا هخرج عادي لا اخواتها ولا غيرهم
تقي….طيب خلينا معاكم بردوا و انت ابقي خدها بعيد و اتكلم معاها
ايه….اااا مش عايزه حد يشوفني كده
تقي…. النضاره معايا خدي البسيها عادي و خليكي طبيعيه البسي الكاب بتاع الهودي ده و يلا كأننا خارجين نتسلي مع بعض شويه عدي يعني لو حد سأل انت قول هنتمشي مع بعض شويه
عدي….ماشي ماشي يلا
حطتلها تقي الكاب علي راسها و لبستها النضاره و خرجوا بهدوء
تقي….خليها معايا وانت خليك مع عدي
خرجوا بهدوء و مشيوا ناحيه الباب
فضل….من بعيد علي فييييين
عدي….بضحكه جميله راجعين عندنا مقلب كده هنتفق عليه مع بعض
فضل….بضحك ما بلاش
سليم…..اجي معاكم ولا المقلب فيا انا كمان
عدي…..بأبتسامه لا هنعمل فيك انت كمان خليك متجيش
تامر كان عينه عليهم و الكل تقريباً سمعهم بس مركزوش و فكروا انه مقلب بجد
خرج سلامه بيها و فضلوا يمشوا بعيد شويه عن الڤيلا و الثلاثه باصين عليها بقلق كانت ماشيه بتاخد نفسها و دموعها نازله.
تقي…..ايه يا قلبي حاسه بأيه ؟
ايه…..بدموع انا مخنوقه اوي قلبي مقبوض
تقي…..طب تعالي خدتها في حضنها كانت عامله زي اللي بتطلع في الروح عماله تتحرك في حضن تقي وبعدين بتدت عنها
سلامه…..ايه انتي كنتي بتخوفيني بجد
تقي…..ااااا سلامه يعني متفهمنيش غلط بس ممكن تحضنها انت
بصلها سلامه و عدي
تقي…..احضنها بجد هي شكلها مضايق من حاجه و بيتهيألي محتجاك هي قالت انها عيزاك انت بس
قري سلامه منها وخدها في حضنه من غير تردد هو اصلاً كان عايز يعمل ده و مش عايز يحرجهم او يحرجها كان باصصلهم و مش فاهم حاجه بس عقلوا في اللحظه دي راح مكان تاني خالص عينه كانت زي عين أيه رايحه جايه في كل مكان و عقلوا مش معاه
فضلت ايه تعيط في حضنه بس اللي خلاه حس ان ايه فيها حاجه مسكتها فيه كأنها خايفه من حاجه بعدها عنه و بص في عينها و هو بيمسح دموعها
تقي…..ايه هو انتي شوفتي عفريت طيب؟
ضحك عدي و ضحكت ايه غصب عنها وفضل سلامه باصص عليها بابتسامه شبه معدومه
عدي….بضحك عفريت ايه ياتقي بجد
تقي….بابتسامه وانا ايش عرفني ما هي بتقولك مش تعبانه و كانت كويسه و بتضحك و بتهزر و يادوب دخلت جوه لوحدها وسيبناها خمس دقايق بس يبقي اكيد شافت عفريت
عدي….بضحك شوفتي عفريت يا ايه
ايه…بدموع ابتسمت لا والله انا كنت بشرب عادي و فجأه حسيت ان ضربات قلبي سريعه و حسيت ان قلبي مقبوض و اتخنقت اوي
تقي….طيب في حاجه ضايقتك؟
ايه….بدموع لا مفيش
سلامه….حد عملك حاجه يا ايه حد ضايقك
تقي…..هي كانت جوه لوحدها و لما سباتنا كنا بنهزر
عدي….طيب يلا يا سلامه اتمشوا كده و احنا بعيد عنكم خدها بعيد و اتكلم معاها براحتكم واحنا وراكم
سلامه….طيب خليكم قريبن متبعدوش وخد بالك من تقي
عدي….متخافش احنا وراكم تعالوا نروح نقعد هناك كده شويه
سلامه…..طيب تمام لف ايده علي كتفها و ضمها لصدره ومشي بيها
و مشيوا جنب بعض بس بعيد شويه و كل واحد فيهم راح قعد في مكان بعيد عن التاني .
تقي….ايه انا جنبك هنا ماشي اهدي بقي والنبي
هزت ايه راسها وراحت مع سلامه قعدها علي سور كده و وقق ثدامها وبصلها
سلامه….في ايه يا ماما مالك يا حبيبتي
دموعها نزلت اكتر و فضلت تمسح دموعها بكفها و رجعت نزلت تاني من علي السور
سلامه….رايحه فين
ايه….بدموع مش عايزه اقعد
سلامه….طيب عايزه ايه قوليلي ايه انا كنت اتوترت ليه العياط ده كله و ليه عامله كده انتي شكلك تعبان
ايه…..بدموع مش تعبانه والله بس حسيت فجأه بخنقه
سلامه….بس انتي كنتي كويسه حصل ايه
ايه….معررررفش معررررفش
سلامه….طب ايه انتي كنتي لوحدك في المبطخ
هزت راسها بأيوه
سلامه….طيب بره حصل حاجه حد قالك كلمه او عمل حاجه ايه حدددد جه جنبك
ايه….اسسسسكت بقي اسكت مفيش و الله مافيش انا مخنوقه
بصلها بتأثر و خوف و بعدين شدها لحضنه حضنها جامد فضلت تعيط في حضنه وهي حضناه اوي
سلامه…..اسف و الله اسف حقك عليا انا عارف انك مش كويسه يا ايه عارف انك مضغوطه جامد بس غصب عني انا كمان حقك عليا
ايه….سلامه انا تعبانه اوي و الله تعبانه و مش عارفه فيا ايه بقيت بفكر في حجات كتير بركز في حجات اكتر حاسه اني خايفه حاسه اني مش مرتاحه قلبي واجعني يا سلامه مش عايزه افكر كده خالص
سلامه….بعدها عنه و بصلها بتأثر طيب ممكن تهدي اتكلمي يا حبيبي في ايه حاسه بأيه وخايفه من ايه قوليلي طيب بتفكري في ايه خلينا نتكلم بهدوء
ايه…..بدموع و عياط فظيع هو انت ليه فكرت كده يا سلامه انت شوفت ايه انا مش شيفاه ليه عقلك خلاك تفكر بالطريقه دي ليه اصلاً حصل كده بينا وليه عقلي من وقت ما اتكلمت و هو بيروح لاماكن مش حلوه
سلامه…..لمعت عينه بالدموع شدها تاني لحضنه و باس راسها و هو بيتنهد بخنقه فظيعه اهدي يا أيه اهدي عشان خاطري كل حاجه بخير مفيش اي حاجه حصلت انا اسسسسسسف اسف و الله العظيم اسف لو اعرف انك ممكن توصلي للحاله دي مكنتش نطقت يومها لو اعرف انك هتفكري بالطريقه دي مكنتش قولت حاجه خالص مكنتش اعرف انك هتضغطي بالشكل ده بس كان غصب عني و غلاوتك عندي
ايه…..بدموع طيب قولي والنبي انت ليه فكرت كده سلامه انا هتجنن و من وقت ما اتكلمنا انا ليه مش مرتاحه كأنك لفت نظري لحاجه انا مش واخده بالي منها سلامه
سلامه…..حاجة ايه اللي لفت نظرك ليعا بطلي عبط انا اتكلمت في نقطه معينه مش اكتر
ايه….طيب انا ليه بيحصل معايا كده من وقت ما اتكلمت معايا سلامه هو انا المفروض اخاف و مبقاش مرتاحه
سلامه….لا يا عمري
ايه….بدموع فظيعه و تأثر رهيب سلامه انا المفروض اخاف من اخويا يا سلامه
نزلت دموع سلامه و ابتسم بهدوء
سلامه….لا لا خالص خالص يا قلبي ليه بتفكري كده حبيبي هو انا لو بهزر مع سلمي و الهزار معجبكيش و انتي جيتي قولتيلي المفروض افكر في سلمي بطريقه مش حلوه انا معجبنيش الهزار و لفت نظرك بس ده مش معناه انك تفكري في اخوكي بطريقه مش حلوه
ايه…..طب ليه نظراتكم لبعض مش مريحه يا سلامه كلامكم و حتي ردكم علي اي سؤال اتسأل انهارده خلتني مش فاهمه في أيه قلبي مقبوض يا سلامه اااا سلامه والنبي انا مش عايزه اللي في عقلي ده يكون بجد هموت والله هموت يا سلامه
ضمها سلامه و غمض عينه اوي
سلامه…..كل اللي بتفكري فيه ده مش صح انتي بس من وقت ما اتكلمنا و الموضوع ضاغط عليكي و حقك انا عاذرك والله بس يعني تفتكري يا قلبي لو اللي بتفكري فيه ده صح انا كنت هبقي هادي كده لو اللي بتفكري فيه ده صح كان تامر هيبقي معانا الوقت
ايه….طيب هو كان يقصد مين يا سلامه ؟ مين اللي بيحبها دي
سلامه….معرفش يا حبيبي دي حاجه شخصيه هو قال اتنين و مقالش مين و لا حتي قال واحده فيهم أيه اوعي تفكري بالطريقه دي
تامر يا ايه لو بيفكر كده مكانش هيبقي علاقته بيا كويسه و اديكي شايفه يا عبيطه انا و هو كويسين ازاي صح
هزت ايه راسها كأنها حابه تصدقه
سلامه….لو اللي في دماغك ده بجد تامر كان هيكرهني هيتعامل معايا وحش هيحسسك علي الاقل حتي من قبل ما ابقي انا موجودفي حياتك مش كده
هزت راسها تاني وهي بتحاول تلاقي الصدق في عينه
سلامه……هو عمره حسسك بأي حاجه ولا بيتعامل معاكي علي انك اخته؟
ايه…بدموع لا تامر اخويا يا سلامه
سلامه….طيب في ايه بقي وبعدين الراجل اختارني انا وانتي اقرب اتنين ليه بذمتك يا عبيطه لو اللي بتفكري فيه ده صح كان اختارني ده كان طفشني و بعدين يعني اقولك علي حاجه ارجعي هزري ياستي مع تامر لو ده اللي ضاغطك و موصلك للحاله دي و حاسه ان موضوع الحدود ده هيخليكي تتعبي بالشكل ده لا يا ستي هزري و اضحكي و اتعاملي بطبيعتك معاه و انا مش هزعل خلاص انا كمان كنت عبيط واهبل يعني شكلي اتنيلت علي عيني و حبيتك زياده عن الزوم و الموضوع قلب معايا بغيره مش عارف ليه اصلاً ده منظر يتحب
ابتسمت ايه من وسط دموعها
سلامه…..بضحكه جميله وهي دموعه نازله الله يقرفك مسحتي مناخيرك في هدومي ده منظر اتنيل علي عيني و احبه اصلاً و بعدين يعني هو انتي فاكره نفسك يا بت انچلينا چولي و الشباب بتحبك وكده و مقطعين نفسهم عليكي ده انتي بومه
ضحكت ايه و هي دموعها نازله
سلامه…..و علي فكره خليني افتنلك علي تامر كنا بنتكلم عليكي يعني وقالي يوم الفرح انا اللي هسلملك ايه بايدي قولتلوا طب و ابوك قالي لا انا اللي هسلمهالك عشان وهي نازله من علي السلم اكعبلها بذمتك يعني ده واحد بيحب و لا واحد اخته كرهتوا في عيشته و عايز يطلعها مسرح
ضحكت ايه و هي عماله تمشي كفها علي وشها و تمسح دموعها
سلامه….بأبتسامه جميله ايوه كده اضحكي و خدي بالك دي هرمونات دي صح ؟
ايه….بضحك لا والله
