لقاء كارثي
لقاء كارثي
محمود….بضحك فكرتني بزوزو ممكن نروح الماركت انا وهي و تعرف اي حد ست او شاب و تاخد وتدي معاه و فجأه الاقيها بتحكيلوا قصه حياتنا كأنها تعرفوا
عسال….دي مش زوزو دي ريهام بقي يعني في لحظه تضرب صحوبيه مع بنوته بتشتغل في محل لبس مشكلتها انا بتثق بسرعه و دي مش حاجه حلوه فا انا بخاف عليها مش اكتر لان مش اي حد بيفهم الطيبه دي صح ولا اي حد سالك في ناس كتير بتستغل النقطه دي فهمتي
ليله…..بابتسامه طيب احنا كنا بنتكلم عن طريقتهم معاها خدتي ليه الكلام علي نفسك يا هبله يعني لو انتوا ماشين مع بعض لسه هقول معاكي حق انما ده بقي جوزك يا اخره صبري
عسال…..بابتسامه و هو بيمسك خدها بحب عشان هبله
عشري…..بضحكه جميله و هو نايم و فارد نفسه والله دي جميله خالص
ضحكت نادين بهدوء لعشري
ريهام…..طيب خليني اقول بقي كلمتين حلوين في حق ميدو بما اني سبب سوء التفاهم ده عايزه اقولك ان ميدو بيخاف عليكي اوي و بيحبك اوي و بيتعامل معاكي علي انك طفله مش مراته و خدي بالك ده طبع ميدو اصلا اللي بيحبهم بجد بيخاف عليهم اوي ميدو مكانش بيتكلم من منطق اللي هو عشان اخته فا مستحيل يرضي عليا بأي حاجه لا خالص انا فاهمه دماغه و يمكن هو عشان عارفني فا خايف عليا و بصراحه هو معاه حق في كذا نقطه انا فعلاً كده بثق بسرعه بآمن بسرعه كل الناس عندي طيبين و ده غلط اكيد بس صدقيني ميدو مستحيل يرضي عليكي اللي مش هيرضاه عليا
ليله….دي هبله دي سيبك منها
عشري….هاتي هاتي البطاطس ده هي مش عايزه
عسال…..ايه ياخده
نادين….بضحكه جنيله ياكل بس مش ياخده كلوا ده بتاعي
عشري…بضحكه جميله لا ياستي يلا كلي بالف هنا انا مش عايز و متزعليش من ميدو يا هبله ده بيموت فيكي
بصت نادين لميدو بهدوء و مدت ايدها تاخد الطبق بعد ميدو الطبق و رفع حاجبه
نادين…بابتسامه هات
عسال….لا ده بتاعي
نادين…..ماشي خده
ابتسم عسال بحب
عسال….لا ده بتاعك يلا كلي
خدت نادين الطبق و ابتسمت بهدوء ولع عسال سيجاره و هما كملوا كلامهم قعد عسال جنبها و فرد دراعه و خدها في حضنه وهي بتاكل
عسال….بهمس بتزعلي مني انا يا تويتي بقي من كل عقلك متخيله اني راضي عليكي حجات رافضها علي ريهام
بصتلوا نادين بهدوء
نادين…..كلامك كان معناه كده
عسال….عشان عبيطه نودي انا اتجوزت علي فكره و حتي اما بقيتي مراتي بخاف عليكي مني و انتي فاهمه كلامي عن ايه انا بحبك و بحافظ عليكي بكل الطرق لان مينفعش اعمل معاكي غير كده لاني انتي مش زي اي حد خدي بالك انا زعلان
نادين….بصتلوا و هي ضامه شفايفها زي الاطفال زعلان مني
عسال….اه زعلان عشان مش عارف ازاي ده اللي قدرتي تفهميه من كلامي خبط بهدوء صباعه في راسها ازاي عقلك ده خلاكي تترجمي كلامي غلط
نادين…..مش عارفه بس انت كلامك كان معناه كده
عسال….لا كلامي كان عن ريهام و عن اي حد انا مش واثق فيه مش عنك و لا عني
ابتمست بهدوء و قربت واحده من البطاطس ليه
عسال ….لا مش عايز منك حاجه انا مخاصمك و مش هكلمك و هتتعاقبي علي فكره شويه حلوين
نادين ….بضحكه جميله طيب واخدني في حضنك ليه ادام مخاصمني و عايز تعاقبني
عسال….بنظره جميله عشان ده مكانك اصلاً خصامي و زعلي و عقابي ملهمش علاقه بمكانك
ابتستمت نادين بحب و رجعت نامت في حضنه تاني
نادين….طيب امسك بقي البطاطس بتاعتك مش واكله
عسال…..بأبتسامه جميله باس راسها بحب يلا كلي
نادين…لا لما تصالحني
عسال…..طيب مصالحك كلي يلا
رفعت عينها ليها بحب
نادين…..انا بحبك اوي
عسال….و انا بموت فيكي
مسك واحده تاني و اكلتهالوا كلها منها و باس كفها
عسال…..يلا كلي كل الطبق ده
نادين بتنهيده تجنن سندت راسها تاني و فضلت تاكل بهدوء
……………….
بعد ما عدي خد تقي و راحوا قعدوا بعيد عنهم
في الوقت ده سلامه كان قاعد مع نادر و سليم و نسمه و مصطفي ونعيمه وفضل
وعلي جنب قاعد حسان و سلمي و تامر و امنيه و عمرو
ايه كانت جوه في المطبخ و فجأه حست ان في حاجه في قلبها مش طبيعيه دقات قلبها سريعه اوي حاسه بقبضه فظيعه و مره واحده حست انها بتتخنق و جواها ضغط فظيع و طاقه سلبيه افظع كانت كويسه و بتضحك و بتهزر بتتكلم و بتسمعهم و مكانش في اي حاجه خالص و مره واحده بدأت تحس بالاعراض دي حطت مايه في الكوبايه و شربت بسرعه فكرت في الاول انها تعبانه بس شعورها كان بيزيد و بدأت تدمع و بدأت دموعها تنزل بخنقه فظيعه.
حاولت انها تمسك نفسها مسحت دموعها و خرجت علي بره تشم هواء كانت شايفه سلامه واقف معاهم عمالين يضحكوا ويهزروا صوتهم عالي و صوت الاغاني كمان شغال مش عالي اوي بس مسموع كان عندها شعور قوي انها هتتحسن لو سلامها حضنها و عيطت في حضنه بس مكانتش عارفه تعمل ده اكيد قدام الكل مكانتش قادره تروح تنادي عليه لان طبيعي الكل هيشوفها و يتخض مشيت بهدوء علي المكان اللي فيه تقي و عدي مكانتش تعرف انهم جوه قاعدين
بس كانت عايزه تبعد و تخرج من الڤيلا حطت ايدها علي قلبها و ايدها التانيه علي رقبتها.
تقي….بهدوء احممم اا انت كويس
عدي….اه تمام اشمعني
تقي…يعني عشان البيض الي انت كلتوا ده
عدي….بأبتسامه ااااه يعني تمام
تقي…..دي ايه جايه بابتسامه يويو
عدي…..ايه ده هي مالها
تقي….بقلع ايه ده معرفش
قاموا بسرعه عليها
تقي….ايه مالك
ايه….بدموع معرفش معرفش
عدي….في ايه يا ايه انتي تعبانه
ايه….مسكت ايدهم هما الاتنين معرفش
تقي……طيب حاسه بأيه طيب
عدي……نادي حد بسرعه شكلها تعبان
مسكت ايه أيد تقي اوي و هزت راسها بلأ وفضلت تهوي بايدها علي وشها عينها كانت رايحه جايه كأنها شايفه حاجه قدامها او خايفه من حاجه
ايه…..لا لا انا عايزه سلامه سلامه بس
تقي…..عدي طيب روح نادي سلامه بسرعه
عدي…..سلامه ايه دي تعبانه
ايه…..مش عايزه غير سلامه يا عدي
