لقاء كـ،ـ،ـارثي

أميره أسامه
صاحبة البطل الواحد

. البارت المئه 134.

………………………..

قبل كام ساعه من اتصال نعيمه بالدكتور …

علي الساعه اربعه العصر اتجمع الكل عند ايمي و طبعاً كلمت ايمي فضل عشان يجي كانت خايفه ميجيش بس هو قالها هيجي طبعاً و كان بيتعامل عادي ..

نادين كانت من بدري عندها هي و محمود و بيجهزوا كل حاجه مع التيم اللي جه يظبط المكان و كان من ضمن المدعويين علي الحفله دي المقربين اوي

يعني غير البنات و الشباب و امها و ابوها و محمود و امميه و عمرو

كان في حنان مصطفي نجلاء و نسمه اميمه و قمر حماها و حماتها

و قال رشيد لاخوات عشري بس محدش عرف يجي غير علي و عدي وسليم..

احمد كمان كان موجود هو وتامر و البنات خدوا معاهم نغم اللي كانت مبسوطه اوي مع انها كانت محرجه جدا اول مره تشوفهم معادا نادين طبعاً وفي نفس الوقت كانت فرحانه بعرض الشغل و وافقت من غير تردد

اتجمعوا كلهم ايمي كانت لابسه فستان ابيض و شكلها يجنن و رشيد كمان لابس بنطلون كتان ابيض و قميص ابيض و شكلهم كان حلو اوي

الاجواء كانت جميله و كلها حماس
الديزاين كان مبهج جدا بلالين كتير باللون البينك و الازرق

و علي جنب في زي بوستر كبير مقسوم نصين نص مكتوب عليه boy و نص مكتوب عليه girl
والمفروض انهم يكتبوا توقعهم عليه

و طبعاً معمول بوفيه يجنن و شيك حلو و حادق بس الحلو كان عباره عن كب كيك بنفس اللونين و تورته لونها ابيض مربعه و في النص علامة استفهام و حلويات كتير

و مصور عشان يصور كل الاحتفال
حسان كان جايب معاه هنا عشان يعوضها الفرح بتاع ليله و تتبسط كانت عماله تلعب مع ولاد قمر الصغيرين ومبسوطه اوي

الاحتفال المفروض كان هيبدأ البنات كانوا جوه مع بعض بيكلموا نعيمه

ايمي….والله العظيم لو ما فضلتي فاتحه لا هزعل منك

ليله….متبقيش رخمه بقي احنا عايزينك معانا

نعيمه…..طيب خلاص هفضل معاكم بس ممكن متعرفوش اي حد و خلي حد فيكم يمسك الموبايل من بعيد

ليله….انا هثبته في مكان و عرفيني شايفه ولا لا و هسيبه

نعيمه…..طيب بس انا مش هجيب الكاميرا عليا هبقي شايفه بس مش هجيبها عليا عشان لو حد شاف الموبايل

ليله….ماشي بس انا مش هسيب الموبايل يعني هبقي جنبه ماشي

نعيمه….تمام

نادين….طيب ممكن تتوقعي بقي ايه نوع البيبيهات عشان اروح اكتب علي البورد التوقع بتاعك