لقاء كـ،ـ،ـارثي
ايه قالت سلامه هو كمان نفس شخصيتها بيحب الضحك و الهزار و مجنون زيها اما نادين كان عاجبها عسال بس اعتراضها الوحيد كان عشان السن لانه اصغر منها بس اقنعناها تجرب مش هتخسر حاجه
وانا قولت فضل طبعاً ايمي قالت خلاص نجرب
الدكتور ….هما صحاب زيكم صح؟
نعيمه…..صحاب بس كمان في منهم قرايب عسال وسلامه ولاد خاله
فضل ابن خال عشري و الباقي صحاب
بس اتعرفنا و زي ما قولت الدقيقه هناك و احنا مش عارفين حتي نفتح الباب و محبوسين كانت بسنه قربنا اوي لدرجه كبيره لدرجه ان ايمي و رشيد اعترفوا لبعض باعجابهم و عسال اعترف لنادين و نادين رغم انها كانت متردده بس كانت مبسوطه و عشري اعترف لليله
كملنا سفريتنا و اتبسطنا و كل حاجه كانت تشبه الحلم و رجعنا بعد اسبوع بس انا وايه و سلمي مكانش لسه الشباب اعترفوا بس لما رجعنا سلامه اعترف و حسان اعترف و فضل كمان كل الخطوات اللي بعد السفريه دي كانت بتحصل بسرعه اوي رشيد طلب ايمي و حددوا بسرعه الجواز و اتجوزوا سلامه و حسان خبطوا ايه وسلمي نادين كتبت كتابها و انا وليله كمان اتخطبنا رحله عاديه جمعتنا صدفه بالشباب غيرت حياتنا في لحظه
بس البنات كانوا مبسوطين اوي فجأه حياتهم اتبدلت حرفياً كل واحده فينا كان عندها هموم مشاكل و فجأه كل ده اتغير
الدكتور….طب وانتي ؟
نعيمه…..انا ايه؟
الدكتور…..كنتي مبسوطه ؟ يعني قولتي إن البنات كانوا مبسوطين و استثنيتي نفسك
نعيمه…..بهدوء بصتلوا مقدرش انكر اني كنت مبسوطه بس كمان انا قولتلك فكره ان حد يدخل وسطنا و احس انه بيقتحم حياتنا بتوترني اه كنت فرحانه عشانهم اوي بس كنت حاسه انهم بيتاخدوا مني و يمكن كمان لما قولت في البدايه لايمي اني هختار فضل كان مسيطر عليا احساس غريب اللي هو هجرب او بمعني اصح كل صحابي اعجبوا واختاروا شاب ليه مبقاش معاهم في نفس الشله احنا صحاب وهما صحاب يعني هنفضل طول العمر مع بعض مفيش واحده فينا ممكن ترتبط بشخص غريب يبقي مش حابب اللمه او ينكد علينا او يبعدنا فا ليه مفضلش معاهم واجرب الحقيقه ان فضل يجنن و كل حاجه كان بيعملها عشاني تبين قد ايه هو محترم طيب جدع بيحبني
الدكتور…..برضوا مش هي دي الاجابه انتي حبيتيه و لا اختيارك ليه كان عشان هو ده اللي فاضل و لا عشان تبقي زي ما قولتي مع صحابك
