لقاء كـ،ـ،ـارثي
نعيمه….اااا خليني الاول ارد علي السؤال التاني ااا بشرود اه يمكن ايمي و كان قبل سفري بيوم مش من فتره طويله و يمكن كمان قرار السفر كان في دماغي بس انا خرجت من عندها واخده القرار اني مش هستني لحظه ولازم امشي و يومها كمان حجزت علي طول و بليل كنت عندك
الدكتور….عشان كده كنتي جايه منهاره ؟
نعيمه…..ايوه
الدكتور…..حصل بينكم ايه؟ ممكن تحكيلي
نعيمه…..ممكن بس خليني الاول احكيلك الحكايه من البدايه خالص من اليوم اللي غير حياتنا كلنا
بصت نعيمه لبعيد و هي بتفتكر
كان يوم عادي زي اي يوم قررنا انا والبنات ناخد اجازتنا الثانويه و نفصل من الشغل و التعب و نروح نقضي كام يوم في دهب و احنا متعودين نروح بمجرد ما الجو يبدأ يبرد و المدارس تبدأ عشان نبقي علي راحتنا و نفصل من الزحمه و الدوشه و اتحركنا بليل كنت متحمسه اوي كالعاده في اي مكان بيجمعنا مع بعض مكانش في واحده فينا عارفه ان السفريه دي هتغير حياتها و لا كنا نعرف ان الرابط الي بينا ممكن يجمعنا بست شباب اصحاب و في طريقنا سرحت انا و ليله و نادين و سألتهم ايه مواصفات شريم حياتكم كل واحده فيهم قالت ايه هي المواصفات اللي بتتمناها
و انا فاكره كويس قولت
يكون راجل وقت اللزوم ويكون شديد و في نفس الوقت وهو في أشد درجات غضبه يبقي حنين بيحب الضحك و الهزار و معاه احس اني مش ببطل ضحك في عز انشغاله يكون في جزء بسيط جواه بيفكر فيا يحسسني ديماً اني اهم أولوياته مكانش عندي مواصفات في الشكل كل اللي كنت محتاجاه طباع.
و كملنا كلام و في الطريق بدأ الجو يقلب هواء شديد ساقع مع ان الجو مكانش لسه برد كل حاجه بتطير عاصفه و تراب و الدنيا بقت لونها اصفر كنا ماشين في الاول براحتنا بس لما الجو باظ كده سرعنا و قولنا حتي لو وصلنا بدري عن معاد استلام الڤيلا نبقي وصلنا وخلاص و نستني شويه بس الجو باظ اكتر سيول و عاصفه ثلجيه و لما وصلنا
كانت نادين تعبت مننا لان بيجيلها بانيك اتاك من الجو ده جرينا علي الڤيلا و فضلنا نخبط و فتحولنا الشباب و دي كانت اول مره نشوفهم استأذنا منهم ندخل بس نادين عشان تعبانه ابتسمت بهدوء بس كانوا ذوق و قالولنا ندخل كلنا و هما اللي ساعدونا و دخلوا العربيات جوه و جابوا منها شنطنا الجو في الوقت ده كان دمر كل حاجه الثلج مكانش بيقف وعمال يعور فينا دخلنا و قعدنا و نادين هديت شويه كنا محرجين منهم في الاول لاننا وصلنا قبل معادنا بساعتين بس ذوقهم و طريقتهم معانا ضيعت الاحراج
