لقاء كـ،ـ،ـارثي
الدكتور….طيب و طباعهم كانت واحده و لا اكتشفتي بعد وقت انه لا؟
نعيمه…..يمكن طباعهم فيها من بعض بس اكيد في فرق في بعض الحجات و يمكن الفرق ده بالنسبالي مكانش قوي عادي الطبيعي ان كل واحد ليه شخصيته بس مع الوقت معرفش حسيت اني مش حاسه ان اختياري لفضل عموما كان صح
الدكتور…..طيب ومع الوقت كنتي بتنجذبي لعشري اكتر يعني حاولتي تعبري عن مشاعرك او خانتك مشاعرك قدامه او قدام اي حد
نعيمه…..بدموع خالص ولا مره بالعكس انا في مره هو زعل ليله و يمكن في الوقت ده كرهتوا بجد اه مش هنكر ان شخصيته بتعجبني بس عمري ما عملت اي حاجه تبين ده انا كنت واقفه لنفسي بالمرصاد مينفعش اغلط مينفعش اقرب مينفعش احب او انجذب كل حاجه متنفعش اتحرم عليا خلاص سواء كان مع ليله او لا خلصتتتت
يمكن اوقات كنت بعمل زي ما انت قولت ان الام بتضغط علي نفسها لحد ما تنفجر في ولادها انا كمان كنت كده بجلد نفسي طول الوقت انتي غلط يا نعيمه متفكريش كده يا نعيمه دي ليله يا نعيمه هتبقي خاينه يا نعيمه و اتسحل مع فضل و في الشغل ابقي مبسوطه او يمكن كنت فاكره اني مبسوطه و الاقي نفسي مع اي موقف بسيط افتكر اجلد نفس واضغط ارجعي يا نعيمه مش انتي يا نعيمه دي ليله يا نعيمه فوقي يا نعيمه اترجم ده بعد فتره بعصبيه علي اي حد بطريقه هجوميه بكلام واسلوب مش كويس زي ما عملت مع ايه و سلمي وزي ما عملت في اختييييي كملت بدموع لأن لسوء الحظ اختي حبت اخو عشري وقتها انا كنت تعبت و قررت ابعد عن فضل عشان ارتاح لان اللي جوايا صراع مش بيقف ما بين اني جزء جوايا مبسوط مع فضل و بيحبه و جزء تاني لسه واقف عند اول ساعتين في اول سفريه مع اول موقف لفت نظري لعشري و ارجع تاني بس قولت لا انا كده غلط لازم اوقف عقلي لازم ارتاح لازم اقف علي ارض صلبه و افوق نفسي بميت قلم بس في الوقت ده اختي اعترفت بحبها لاخوه وقتها رفضت بأسوء طريقه و هددت اختي انها لو مبعدتش عنه انا هتصرف معاها اتحججت قدامها ان جواز القرايب هيعمل مشاكل و انها لازم تسيبه عشان متبوظش حياتي بس انا من جوايا كنت خايفه كملت بدموع ااااه كنت خايفه ان قربها من اخوه يخليني ابقي قريبه من عشري اكتر اذا كنت انا عايزه اسيب فضل عشان ابعد عن العيله كلها تقوم اختي تحب اخوه مقدرتش انا عارفه اني غلط بس الضغط خلاني بوظت الدنيا بوظت علاقتي باختي و اصحاب عمري بقيت بتصرف غلط بحكم علي الناس غلط بجرحهم مبحسش بغيري ولا بهتم بوجعه حسيت اني لا عندي قلب ولا رحمه بس كان غصب عني كان كل اللي مسيطر عليا اني احافظ علي ليله و علاقتي بيها
