لقاء كـ،ـ،ـارثي
تقي…..بضحك انتي مركزه ليا يا ست انتي ما تركزي مع عيالك
ليله….مين دي ايمي لا يا قلبي ايمي ممكن تبقي عندها بلاوي مشغوله بيها و مركزه مع الكل دي مينفعش حد يسطعبتها
تقي……بضحك خبره يعني
ايمي…..اه خبره و اريال كمان مؤخراً
ريهام….بضحك الحمد لله انا براءه
ليله….بضحك متقلقيش قريب هتركز معاكي
ايمي…..لا مركزه متقلقيش
ريهام…..بضحك انا معملتش حاجه انا بقيت امراه عامله و مش مركزت غير في الشغل
ايه….لا متقلقيش هتفضل مركزه معاكي لحد ما تبقي امراه عامله و بتحب
ريهام…. بضحك لما احب اصلا هروح اقولها من نفسي
ايمي…..بضحك تعالي با بت هاتي بوسه جدعه مش زي العيال الواطيه دي .
فضلوا يضحكوا ويهزروا وبعد كده انضموا للشباب
فضل كان بيضحك معاهم و يهزر و كان مفيش اي حاجه البنات كانوا شويه متاخدين منه مكسوفين محرجين مش عارفين يقولوا ايه بس هو كان بيتعامل عادي جداً
حتي مع نسمه و نجلاء و نادر بيضحك و يتكلم بس رافض يتكلم في موضوع نعيمه حتي هما من نفسهم مكانوش قادرين يفتحوا الموضوع خالص يمكن الكل كان مستغربوا و بالاخص البنات لانه كان طبيعي جداً بس كانوا فاهمين انه بيعمل كده عشان يحافظ علي كرامته قدامهم
قضوا يومهم و بعد وقت بدأوا يمشوا ..
……………….
عند نعيمه قعدت قدام اللاب توب و حطت السماعات في ودنها كان قدامها مايه و مناديل و منظر البلد قدام عينها بليل تجنن.
بصت بهدوء علي اللاب توب و اتصلت بالدكتور…
الدكتور…..بابتسامه اخبارك ايه يا نعيمه
نعيمه….بأبتسامه هاديه بخير الحمد لله
الدكتوره….ايه الغيبه دي كلها انا توقع تتصلي و نعمل السيشن بعد سفرك بيومين مثلا بالكتير يا تري الغيبه دي كانت ليه
نعيمه….يمكن كنت لسه بحاول استقر و يمكن كنت حاسه اني مش قادره اتكلم و كمان من وقت ما جيت كنت قافله الموبايل يادوب فتحته من يومين تلاته طمنت اهلي و صحابي كنت هتكلم معاك بس حسيت اني مش قادره او مش مستعده لسه
الدكتور….جميل و الوقت حاسه انك قادره تتكلمي
نعيمه…..بتوتر بسيط بيتهيألي ايوه حاسه اني عايزه اتكلم في حجات كتير ممم مش عارفه جوايا شعورين مختلفين عن بعض شعور منهم اني حاسه براحه بسيطه و الشعور التاني اني لسه زي ما انا في حاجه ضاغطه علي قلبي يمكن لو خرجت هرتاح
