لقاء كـ،ـ،ـارثي
نعيمه….بدموع و وجع فظيع صدقني انا مش وحشه انا مش كده كان غصب عني انا بني ادمه عدي مشاعر و قلب ممكن اعجب بشخص انبهر بشخص يلفت انتباهي شخص بس ان انا و صاحبتي يعجبنا نفس الشخص لا مكنتش حابه ده يحصل و لما حصل انا منطقتش و خدت جنب و بعدت من غير ما اي حد يحس و كملت عادي
الدكتور…..نعيمه انا عايزك بس تعرفي حاجه واحده انا هنا مش عشان احكم عليكي انا مش قاضي ولا من حقي اشوفك وحشه انا هنا بس عشان اسمعك و احط ايدي علي وجعك الاساسي عشان اخليكي تتكلمي و ترتاحي و تخرجي كل اللي تاعبك واللي انتي حاسه بيه قولي كل حاجه يا نعيمه من غير ما تحطي بينا اي حواجز.
مين هو ؟ او ايه اللي لفت نظرك ليه ؟
نعيمه….بوجع و انهيار حطت ايدها علي وشها وفضلت تعيط
الدكتور….قولي يا نعيمه خرجي اللي جواكي و طلعي اللي ضاغط عليكي
نعيمه….رفعت وشها و بصتلوا و قالتها لاول مره و اعترفت و واجهت نفسها وحست ان الصوت بقي يتردد كأنه صدي خارج من جواها نطق لاول مره عشررري
الدكتور…..وده كان نصيب مين في صحابك ؟
نعيمه…..اقربهم لقلبي بصت بعيد و هي دموعها بتجري و نطقت أسمها ليله.
الدكتور…..طيب والوقت هي لسه اقربهم لقلبك؟
نعيمه…..بدموع هي جوه قلبي الاول والوقت و بعدين و هتفضل جوه قلبي دي ليله يعني احلي حاجه في حياتي
الدكتور…ليه مقولتيش في البدايه ؟
نعيمه…..مكانش ينفع خلاص هي اختارت
الدكتور …بس انتوا قولتوا هتتعرفوا يعني حتي لو اعجبتوا بنفس الشخص مش عيب مكانش في حد هيزعل من التاني لان مفيش حب
نعيمه….حتي لو زي ما بتقول مش انا اللي تخسر صاحبتها عشان راجل ولا انا اللي ادخل منافسه مع صاحبتي عشان راجل انا ادوس علي اي راجل في الدنيا ولا اني اخسر صاحبه عمري يمكن ليله كانت في البدايه داخله الموضوع استفزاز من شخصيته هي عنيده و هو زيها فا شخصيته استفزتها بس حتي لو هي داخله الموضوع كده و مكانتش كملت مستحيل كنت اقرب
الدكتور….حبتيه؟
نعيمه…..انا اعجبت بيه بطريقته ديماً اي بنت لو دخلت مكان وسط ميت شاب بيلفت انتباهها واحد فيهم ممكن في الشكل في الكاريزما في قعدته طريقته ممكن هزاره ممكن تقله لبسه اهتمامه بنفسه ممكن كلمه منه او موقف كل واحده فينا ليها تايب معين و الكونتاكت اللي بيحصل في الاول بيكون غصب عنك حاجه شدت مش اكتر
