لقاء كـ،ـ،ـارثي
تالت حاجه ودي الاهم بالنسبالي انتي اختارتي تبعدي و تسافري و تسيبي البلد خالص و اختارتي الوحده حلو تمام بس عابزك تنزلي اخرجي اتمشي اقعدي في مكان اتفرجي علي اي حاجه انتي لوحدك بس بلاش تبقي لوحدك و حابسه نفسك غيري جو خرجي طاقه اشغلي نفسك القاعده في البيت و الحابسه هتزود اللي احنا فيه مش هتقلل بالعكس دي ممكن تدخلنا في انتكاسه احنا في غني عنها لانك هتركزي اكتر تمام يا نعيمه
نعيمه ….بهدوء تمام
الدكتور….اخر سؤال خلينا ننهي بيه السيشن حاسه بايه بعد ما اتكلمتي انهارده وخرجتي كل اللي جواكي و واجهتي نفسك ؟
نعيمه….بهدوء حاسه براحه بسيطه حاسه ان في مكان جوه قلبي بدأ وزنه يخف شويه جايز اكون لسه مش كويسه لسه مش مرتاحه اوي بس حاسه ان الضغط اللي كان جوايا بدا يفك شويه
الدكتور ….جميل خطوه حلوه و ان شاء الله الفتره الجايه مع الالتزام بالتدريبات اللي قولتلك عليها الوضع هيبقي احسن بكتير و السيشن الجايه انا واثق انك هتبقي احسن
نعيمه….ان شاء الله و ميرسي اوي يا دكتور بجد
الدكتور…..ولا اي حاجه المهم تبقي خير واي وقت تحبي تتكلمي و نعمل السيشن الجديده انا موجود
نعيمه….تمام مع السلامه
الدكتور…..سلام يا نعيمه
………….
قفلت نعيمه و فضلت قاعده شويه ساكته و متنحه و بعدين مسكت المايه شربت و سابتها وقامت وقفت قدام الشباك ربعت أيدها و سكتت خالص .
…………..
انتهي اليوم و جه يوم جديد..
قامت نعيمه عملت اول تدريب و خدت نص ساعه ترتاح فيهم و تفصل و يمكن في الاول مكانتش قادره و مش عارفه تركز بس حاولت و ركزت علي صوت نفسها و دقات قلبها و غمضت و قدرت توقف عقلها خالص عن التفكير حست بعده براحه كبيره خلصت وقامت فطرت و بعدين راحت خدت شاور و قررت تنزل تتمشي مكانتش عارفه هي راحه فين ولا هتقدر تتمشي اصلا ولا لا بس نزلت.
……………….
عند ايمي و رشيد..
ايمي…..رشيد رشيد
رشيد…..ايه يا حبيبي
ايمي….صباح الخير مش هتقوم ولا ايه
رشيد….صباح النور الساعه كام
ايمي…12 يا قلبي
رشيد….بجد
ايمي….اه والله يلا قوم
رشيد…..ماشي قومت اهو خلاص انا ايه اللي نيمني كل ده
ايمي…..بابتسامه شكلك كنت مرهق
رشيد….بابتسامه حط ايده علي بطنها القمرات بتوعي عاملين ايه
ايمي…..بابتسامه كويسين قولي بقي مش ناوي نختارلهم اسامي
