لقاء كـ،ـ،ـارثي
لو كان عشري حس بيكي و قرب منك كنتي هتكملي؟
وتاني سؤال لما شوفتي عشري وليله بعد جوازهم كان ايه شعورك؟ كنتي مضايقه او غيرانه او بتتمني تكوني مكانها
نعيمه…..سكتت ثواني و نظراتها كانت مصدومه نعيمه لو عشري كان حس بيا وقرب مني مكنتش هكمل و يمكن كنت هخاف أكتر وأبعد أكتر أنا من مجرد فكرة خوفت فلو حصل موقف حقيقي كنت ههرب منه أنا أصلاً ما استحملتش الإحساس نفسه جايز كنت اكرهوا او ينزل من نظري
اما بالنسبه لما شوفتهم بعد الجواز جايز كنت مش كويسه بس في نفس الوقت كنت مبسوطه عشان ليله مبسوطه محستش اني غيرانه منها بالعكس انا بحبها اوي و اي حاجه تفرحها مستعده اعملها عشانها حتي لو هفديها بروحي
الدكتور… خلينا نقف عند كلامك شويةانتي قلتي حاجة مهمة جدا
إن لو عشري قرب منك كنتي هتهربي ويمكن حتى ينزل من نظرك.
ده معناه إن إحساسك ناحيته ماكانش حب كان إعجاب لحظة أو صورة أولى علقت في دماغك.
الحب الحقيقي يا نعيمه ما بيخليش صاحبه يخاف منه بالشكل ده.
وكلامك عن ليله كمان واضح
الإنسان اللي جواه غيرة حقيقية ما بيقدرش يفرح بفرحة اللي قدامه بالشكل ده.
لكن انتي رغم لخبطة مشاعرك كنتي شايفة فرحتها و عايزاها تفضل مبسوطة.
وده يقول إن مشاعرك الأساسية واضحة ونضيفة.
المشكلة اللي حصلت معاكي إنك عملتي حاجة بنسميها نفسيا
تضخيم للفكرة.
جت في دماغك لحظة إعجاب قديمة فا خوفك منها خلاكي تراقبي نفسك زيادة و تفتشي في كل إحساس جواكي لحد ما الفكرة نفسها كبرت وبقت عاملة زي الشبح اللي ملاحقك لكن الحقيقة من كلامك دلوقتي إن قلبك كان متجه ناحية فضل مش ناحية عشري بس خليني أسالك سؤال لو فضل كان قاعد الوقت هنا و سمع كل كلامك ده تفتكري كان هيشوفك خاينه ولا هيقول انك خوفتي من الغلط و عشان كده بعدتي؟
نعيمه…..مفيش راجل يا دكتور ممكن يدي الست عذرها مفيش اجل شرقي ممكن يقبل انه يسمع الكلام ده جايز ممكن يعذر اي ست تانيه بس لما الست دي تبقي تخصه مفتكرش انه هيقبل يسمع اصلا و لو فرضنا انه سمع و سامح و عذر غصب عنه هيفضل الوقت جواه حاجه مكسوره جواه شك مركز و خايف ديماً و العلاقه عمرها ما هتبقي سليمه عشان كده انا قررت ابعد خوفت اغلط او مشاعري تبان عليا لان اخر فتره انا كنت بدات مسيطرش علي نفسي في تصرفاتي و اسلوبي و خوفت مقدرش اسيطر كمان في مشاعري اللي مخبياها يعني اكيد كان هيشوفني خاينه
