لقاء كـ،ـ،ـارثي

عندي لغبطه عارف لما تبقي حاسس انك مش فاهم نفسك ده شعور وحش اوي مبسوطه و فرحانه من كم الحب اللي شوفته من اهلي و اصحابي و رسايلهم ليا بعد ما فتحت الموبايل و حاسه اني تعبانه وانا بعيده عنهم و كمان لسه مش قادره ابقي معاهم بالشكل اللي انا حباه..

الدكتور….انا فاهمك اوي احساس اللغبطه و التوهان و انك متفهميش نفسك احساس صعب و يمكن بشع
في مشكله كبيره يا نعيمه بتواجه معظم الناس انهم مستعدين يسمعوا غيرهم لما يحسوا انهم محتاجينهم

بس للاسف عمرهم ما عرفوا يقعدوا مع نفسهم ديما تلاقي ان اللي بيسمع قادر يسمع لكل الناس و جملة اقعد مع نفسك او اسمع نفسك بتبقي غريبه علي مسامعهم اللي هو ايه ده الدكتور ده مجنون يعني ايه اقعد مع نفسك او اسمع نفسك هو في كده اه طبعا يمكن في ناس بتعرف تقعد مع نفسها زي ما انتي عملتي كده بعدتي و قررتي تقعدي مع نفسك فتره بس انتي لسه يا نعيمه موصلتيش لجملة اسمع نفسك ممكن تبقي جمله غريبه بس تأثيرها لو اتطبق صح هتبقي في مرحله متقدمه جداً يعني ايه بقي تسمعي نفسك يعني انتي جواكي حاجه هي اللي وصلتلك لكل ده بس لسه عقلك رافض يترجمها او يطلعها جايز كمان مشكله اغلب الناس انهم بيبقوا عارفين سبب وجعهم بس مش قادرين يواجهووا نفسهم بيه المواجهه يا نعيمه بتطلب شجاعه كبيره اوي بس اصعب مواجهه و بتحتاج شجاعه كبيره مواجهه النفس سهل اوي اننا نواجه شخص منافق او كداب بكدبه و نفاقه سهل اننا نواجه شخص عزيز علينا انه زعلنا او عمل تصرف غير مقبول

سهل نواجه حد بعيوبه و سهل اننا لما حد يطلب مننا نصيحه او يحب يتكلم معانا في حاجه او تصرف عملوا نقولوا لا انت هنا كده صح انت هنا كنت غلط انت هنا كلامك كان موزون هنا رد فعلك كان غير مبرر بس صعب اوي اننا نواجه نفسنا باللي بنواجه بيه غيرنا ودي بتطلب خطوات كتير اولهم اننا نطلع اللي جوانا و نشوف بعينا غلطنا و ردود افعالنا تصرفاتنا نحكم عليها كأنها مش بتاعتنا نتخيل التصرف ده او رد الفعل لو اتعمل فينا هنقبلوا ولا لا نعترف بكل شجاعه بغلطنا نعاتب و نحاسب و نطبطب و الطبطبه علي النفس دي من اعظم المشاعر اللي لو وصلتيلها هتستغربي قد ايه بتريح

نعيمه…..يمكن كلامك صح بس زي ما قولت المواجهه للنفس دي صعبه اوي و صدقني الموضوع مش بس شجاعه هو قدره يعني لو النفسيه مش كويسه انت غصب عنك بتلاقي نفسك بتهرب من انك تفكر اصلا بتحاول تشتت نفسك في اي حاجه