لقاء كـ،ـ،ـارثي
الدكتور…..جايز كلامك فيه جزء كبير من المنطق بس كمان انا شايف انك قاسيه اوي علي نفسك و الحقيقه اني عندي سؤال تاني مش علي فضل عنك انتي هل بعد كل ده انتي جواكي شعور بالغضب من نفسك حاسه انك مش مسامحه نفسك مثلا علي مشاعرك دي
نعيمه….اوووووي اوي مش مسامحه نفسي علي مشاعري وعلي طريقتي مع صحابي واختي علي اسلوبي و علي كل حاجه عملتها الفتره اللي فاتت
الدكتور….الغضب من النفس أو عدم التسامح مع النفس ده في الحقيقة إشارة على ضمير صاحي مش علامة ضعف.
انتي بتحاسبي نفسك على كل فكرة كل إحساس كل تصرف حتى لو جزء كبير منه ما كانش غلط حقيقي.
اللي حصل الفتره اللي فاتت انتي كنتي تحت ضغط نفسي كبير مش مجرد موقف واحد.
ولما الضغط ده يتراكم كل حاجة صغيرة بتتحول في دماغك لحاجة كبيرة حتى المشاعر اللي جواكي واللي ما عبرتيش عنها.
المهم دلوقتي يا نعيمه إنك تبدأي تفهمي نفسك وتتعاطفي معاها.
مش كل شعور غلط و لا كل فكرة لازم نتحاسب عليها
انتي ما أذيتيش حد عمداً وده اللي بيخلي قلبك نضيف رغم كل اللخبطة اللي حصلت و في النهايه انا مش حابب اضغط اكتر من كده بيتهيألي انهارده احنا قطعنا مسافه كبيره اوي مع بعض.
قبل بس ما ننهي السيشن طالب منك تعملي كام تدريب مهم من بكره لحد ما تحبي ترجعي تاني و نتكلم السيشن الجايه..
اول واحد اول ما تصحي تخصصي كده نص ساعه في مكان هادي او مكان مريح بالنسبالك تغمضي عينك و تقعدي في لحظه تامل وقفي عقلك تماما عن اي تفكير سواء ايجابي او سلبي هتقولي ازاي هقولك تغمضي و تركزي علي نفسك وبس اسمي صوت نفسك ركزي مع ضربات قلبك انسي اي حاجه نص ساعه بس تدي عقلك بريك من اي تفكير..
تاني حاجه كل اللي محتاجه منك ورقه وقلم و تسجلي عليها مشاعرك واحد سلبي و واحد ايجابي في يومك العادي في اي حاجه تخطر في بالك تكتبي اسم شخص محتل تفكيرك جداً طول اليوم حتي لو بعيد عن فضل او عشري خرجي مشاعرك علي الورق بس من غير ما تحاسبي نفسك اجنا خلاص اتفقنا الانسان مش بيتحاسب علي افكاره بيتحاسب علي افعاله انا ممكن اتغاظ من شخص ضايقني او اذاني و جوايا فكره مسيطره عليا اني عايز اقتله تفتكري في حد ممكن يتحاسب علي فكرتة في قتل شخص ولا هيتحاسب لو فكرته اتحولت لفعل
نعيمه….اكيد لفعل
الدكتور….بالظبط يبقي نبطل جلد ذات وعتاب ولوم في نفسنا خلينا ايجابين اكتر
