لقاء كـ،ـ،ـارثي
الدكتور…..صح بس لو ركزتي هتلاقي نفسك مقدرتيش تشتتي عقلك نعيمه عقل البني ادم معجزه الهيه و صعب اوي تقدري تضحكي علي عقلك في ناس بتفكر انها بتقدر تشتت عقلها بخروجه بقاعده و سط ناس كتير بفرجه علي فيلم بتمارين في الچيم و تفكر انها لو طلعت كل طاقتها في التمرين هترجع مهدوده و تنام و متفكرش بالعكس العقل طول ماهو في مشكله تعباه لو العين نامت هو مستحيل ينام النوم مبيبقاش عميق في ارق في عقل شغال زي المكنه بتبقي فاكره انك مشتتاه بس ممكن و انتي قاعده وسط الناس تتقال جمله بسيطه من اي حد الجمله دي في اي وقت عادي انتي ممكن تعديها لانها حقيقي عاديه بس وانتي عقلك مش مرتاح غصب عنك تتعصبي تعملي مشكله رد فعلك يكون عنيف حتي لو هزار بسيط ممكن تتقبلي الاكتر منه في وقت عادي بس وانتي مش في وقت مناسب هتقلبي فجأه و ممكن تخسري ناس في حياتك بسبب هزار كنتي بتتقبليه في اي وقت
الام كمان يا نعيمه كتر الضغوطات و المسؤوليات مع المشاكل اللي بتواجهها من شريك حياتها او اهلها او شغلها غصب عنها بتقف في بيتها زي الاله تنضف تروق تعمل اكلها بس من غير روح ولو بس حد من ولادها نادي وقال ماما تتحول وتصرخ في وشه و هو مقالش غير ماما وده عشان هي كانت واقفه بتحاول تضحك علي نفسها ان هي بخير بس الحقيقه اللي مش قادره تواجهه نفسها بيها انها كانت واقفه في صراع بين نفسها وعقلها و لما فصلت بصوت ابنها طلعت غضبها كله في صرخه في الحقيقه هي مش عايزه تكون كده ولا عايزه تبان بالصوره دي قدام ابنها او بنتها ولا عايزه تخوفهم او تعمل بينهم حاجز بس هي تعبانه و تصميمها انها تسكت و تكمل و تبقي آله من غير ما تخرج اللي جواها وتعبر هو اللي وصلها لكده والحقيقه كمان ان هي بتبقي تخسر ولادها من غير ما تحس عشان كده ديما نقول اكتر حد بيتاذي من التعب نفسي الاولاد الصغيره فجأه بيلاقوا ماما علي طول متعصبه متنرفزه بتزعق بتصرخ ممكن تضرب و هما شايفين انهم معملوش اي حاجه و يبداوا يبعدوا شويه بشويه و يمكن يخافوا منها يخافوا يقربوايكبروا شويه يبقي في حاجز و مسافه يخبوا يغلطوا عشان كده اول باول لازم نتكلم نطلع اللي جوانا نواجهه نفسنا نرفض من جوانا اننا نستسلم للمشاكل اللي ضاغطه علي اعصابنا و بتخلينا من غير ما نحس نبعد عن اقرب ناس لينا
