لقاء كـ،ـ،ـارثي
نعيمه…..مش حكايه هو اللي فاضل
بس يمكن عشان اجرب ما كده كده الكل كان بيجرب و بيتعرف و يمكن وقتها عجبتني الفكره المجنونه بتاعت ايمي زي ما عجبتنا كلنا وقولت ابقي مع صحابي في الحقيقه انا كنت واخده الموضوع هزار تسليه لان مكنتش واثقه ان حد فينا هيكمل او بمعني اصح كنت حاسه ان ممكن اما نقرب نختلف و منقدرش نكمل قولت بالكتير اوي ممكن واحده اتنين بس ان احنا السته و هما كمان تظبط اوي كده و نرتبط كنت حاسه الموضوع خيالي اوي
الدكتور…..حبتيه يا نعيمه؟
نعيمه…..بنظره حزن حبيته بس مع الوقت بقيت اكتشف كل اللي بقولوا حالياً معاك اني كنت حابه ابقي مع صحابي في اي حاجه مش حابه ابقي بعيد عنهم حبيته بس مش الحب اللي كنت اتمناه يمكن فضل مينفعش يترفض او مينفعش ميتحبش بس انا معرفش ليه حصل كده فضل انا مكنتش بحتاجه و مش بلاقيه كان ديما موجود و لما كنت بحس اني مخنوقه اتصل عليه و برتاح معاه اوي بيفهمني مش هنكر اني في مره حسيت بغيره عليه لما شوفتوا متصور و في بنت عملاله اعجاب علي كل صوره
يمكن كمان لما كان يتأخر عليا في الكلام او الاتصال اخاف من الاهمال اللي كان حاصل بين امي وابويا وازعل بجد و من جوايا بيفرق معايا جدا لو اتأخر لو اتصلت ومردش بقلق لما كان يغيب شويه احس انه واحشني لما اشوفوا بفرح بجد لما اعترفلي بحبه كنت مبسوطه و قلبي كان عمال يدق وطايره من الفرح كل حاجه كانت بتقول اني بحبه بس معرفش حصل ايه
الدكتور ..نعيمه طيب هسألك سؤال و تردي عليا بصراحه
بصتلوا نعيمه و اتوترت كأنها عارفه السؤال
الدكتور…..انتي قولتي عجبك فضل و عشري في الشكل و مكنتيش تعرفي لسه شخصيتهم ولا شخصيه الشباب بس هل في حد من الشباب لفت نظرك غير فضل ؟ او خلينا نسأل السؤال بشكل تاني لو كان السؤال اتوجهلك من ايمي في البدايه و قالتلك اختاري كنتي هتختاري فضل و لا انتي اضطريني تختاري عشان مفيش غيره او مثلا عشان اللي عجبك اختاره قبلك حد من البنات
بصتلوا نعيمه بصدمه و حزن و بعدين بصت بعيد و سرحت شويه و بسرعه دموعها نزلت و فضلت ساكته كتير و هو باصصلها و سايبها تاخد وقتها و تخرج مشاعرها براحتها فضلت تعيط كتير اوي تشرب شويه يمكن تهدأ بس مكانتش عارفه تهدا خالص و بدأت تحس برعشه في ايدها
الدكتور…..اهدي يا نعيمه و خدي نفس
