لقاء كـ،ـ،ـارثي
الدكتور…..طيب قوليلي يا نعيمه لو قولتلك اعملي مقارنه بين فضل و عشري في اي حاجه مين هتحسي ان كفته عندك زايده
نعيمه….من غير تفكير فضل طبعاً
الدكتور…..مين اقربهم لقلبك
نعيمه…..فضل اكيد
الدكتور …احنا متفقين اننا نبقي بنتكلم بصراحه
نعيمه….صدقني والله العظيم فضل هو الاغلي والاقرب لقلبي مينفعش اقارنه اصلا بعشري لان اللي بيني وبين فضل كبير اوي يمكن تفكر اني مجنونه او مش طبيعيه بس انا جوايا واثقه ان في حب لفضل بس كمان غصب عني لاقيت نفسي بفكر في عشري مواقفه بتتردد علي عقلي اعجابي بيه في اول مرن شوفته او اول انطباع بحسه بينافس حبي لفضل او بيشوش عليه عشان كده كان لازم ابعد لازم افهم مشاعري صح مينفعش اظلموا مينفعش افضل معلقه نفسي بوهم اعجاب مينفعش حجات كتير انا محصلش بيني وبين عشري اكتر من اللي قولتوا بس انا مش فاهمه ليه بيحصل جوايا كده
الدكتور…..طيب من كلامك فضل هو اللي جواكي و عقلك بس مشوش ليه بعدتي عنه مش يمكن لما كنتي اتجوزتي و كملتي كنتي هتكتشفي ان تفكيرك كان غلط وان حبك لفضل اقوي من تفكيرك في عشري
نعيمه….بدموع خوووفت خوفت اوي انا سيطرت علي نفسي كتير و زي ما قولت كنت رقيبه علي كل تصرفاتي لدرجة ان محدش مسك عليا حاجه و لولا رفضي لموضوع اختي مكانتش ايمي فكرت كده او ربطت المواضيع ببعض بس مش هكدب عليك انا خوفت اوي من نفسي خوفت اغلط اضعف انا بني ادمه و انا لا قد الشيطان ولا قد نفسي بيننا وبين الغلط شعره لو القلب والعقل سيطروا مبنحسش بنفسنا واحنا بنغلط مكانس عندي استعداد ابقي ست متجوزه وخاينه حتي لو بفكر بس مكانش عندي استعداد ولو بسيط اني اعمل كده في ليله مكانش عندي استعداد ابوظ حياة اختي و صحابي ماهو الغلط لما بيحصل كل اللي حواليك بيتاذوا منه حتي لو كسرة عين و انا مستحيل اكسر عين اختي واهلي و اصحابي مستحيل اكون سبب في وجع قلب ليله مستحيل ارضي اني ابقي منبوذه وسط اغلي الناس عندي انا خوفت و مش عيب اني اخاف انا لما بفكر في الموضوع اوي بسأل نفسي انا بحب عشري بلاقي انه لا بسأل نفسي لو لا قدر الله حصل بين عشري وليله حاجه هل انا هبقي مستنيه الفرصه دي برضوا لا
طب انا ليه بفكر فيه عشان مثلا مطولتش اللي كنت عيزاه فا عشان كده لسه متعلقه بيه ولا انا حبيته بجد ؟ انا تعبانه يا دكتور و مش عارفه افوق
