لقاء كـ،ـ،ـارثي
الدكتور…جميل انتا نعترف باخطائنا و جايز كمان حصل كده عشان تراجعي نفسك و علي فكره انتي بداتي تواجهي نفسك يا نعيمه من غير ما تحسي موقفهم معاكي خلاكي تحسي قد ايه ان التصرف اللي حصل منك تجاههم كان غلط و دي مواجهه حلوه الاعتذار والاعتراف بالخطأ مواجهه في حد ذاتها لنفسك ااا طيب قوليلي يا نعيميه اي اكتر رساله اثرت فيكي
نعيمه…..بالسلب ولا الايجاب
الدكتور ….الاتنين لو حابه
نعيمه…..لو بالايجاب فا الحقيقه كلهم انك تحس انك شخص مرغوب فيه حتي و انت كلك عيوب بتخلي عندك طاقه بتحسن شويه من نفسيتك بتديك امل انك ممكن تغير من نفسك و هما مستعدين يقبلوك تاني في حياتهم و بالسلب اني وجعتهم اكيد اني مش معاهم اني لغبطت حياتنا شويه
الدكتور…..طيب لو قولتلك اختاري رساله لشخص واحد هزتك شويه حركت مشاعرك مثلا او ضحكتك او نزلت دموعك او خليتك تتمني تبقي في وسطهم
نعيمه….هو الحقيقه في رساله هزتني بس و جعتني و كانت من خطيبي
الدكتور …ينفع اعرف مكتوب فيها ايه؟
نعيمه…بصت لبعيد بنظره حزينه قالي انا عمري ما هسامحك والحقيقه اني متوجعتش منه انا اتوجعت عليه لاني لما قررت اسافر وابعد هو كان اول واحد قررت ابعد عنه و بعتلوا مع نادين صاحبتي بوكس فيه الشبطه واي حاجه تخصه و كتبتلوا رساله اني مش هقدر اكمل و قولتلوا سامحني ابتسمت بوجع بس هو مسامحنيش و يمكن ده كان طلب مش في وقته مني لانه الطبيعي ميسامحنيش
الدكتور…..بتحبيه يا نعيمه ؟
نعيمه…..بحبه فضل شخص مينفعش ميتحبش بس لما تحس ان جواك في شك في الحب ده يبقي لازم تبعد و تفهم وتعرف انت عايز ايه
الدكتور….طيب ليه مقولتيش كده ليه ؟ ليه محاولتيش مثلا تتناقشي معاه في ده يمكن كان يقدر يفهم و يديكي عذرك و تبعدوا بس وانتوا مع بعض او يبقي هو مقتنع لان الطريقه اللي بعدتي عنه بيها مستحيل تقنعه و هو شايفك بعين الظالم مش المظلوم
نعيمه…..مكنتش هقدر علي فكره مش شخصيه ضعيفه و لا شخصيه مش بتعرف تواجه بس في حجات بتبقي مجبور عليها لانك مهما شرحتها اللي قدامك مش هيفهمها هتجاوب فا هيسأل هترد و هيرجع يسأل لحد ما تلاقي نفسك قدام سؤال مباشر مش عارفه اجابته او عارف بس جايز اجابته دي تبوظ اكتر ما تصلح عشان كده مقدرتش اوجه و بعدت.
الدكتور……طيب انا الحقيقه عندي سؤالين حابب اسألهم الاول
انتي قولتي يا نعيمه ان ظروف معرفتك انتي و صحابك بخطيبك و الشباب كانت صدفه باحته و هما اللي خلوكي تشوفي اسمك بشكل تاني و وجودهم في حياتكم عموما غير حياتكم تقدري تحكيلي بدايه اليوم ده و في سؤال كمان هل في حد من صحابك عمل معاكي موقف زعلك زي ما انتي زعلتيه يعني موقف ممكن كل فتره تفتكريه يتحسي انك مضايقه
