لقاء كـ،ـ،ـارثي
الدكتور…..بابتسامه هاديه طيب و مشكلتك مع ايمي اللي خليتك تاخدي قرار السفر فوراً كانت بسبب ايه ؟ حست بحاجه ولا حصل بينكم ايه بالظبط
نعيمه….بدموع ايمي اكبر واحده فينا قريبه مننا اوي عندها خبره في الحياه بتقدر تفهمننا من عنينا بتعرف اللي جوانا حتي لو متكلمناش ديماً تقول انا بفهمكم اكتر من نفسي ودي حقيقه.
سرحت و شردت و هي دموعها نازله.
فااش باك…
ايمي….اقعدي هنا انا مش جيباكي عشان تمشي انا عايزه اتكلم معاكي شويه
بصتلها نعيمه بتوتر و قعدت قدامها بهدوء
نعيمه….في ايه يا ايمي ؟
ايمي….انتي اللي فيكي ايه ليه متغيره بالشكل ده جواكي حاجه مخبياها ولو انتي مصممه انه مفيش عينك فضحتكي و تصرفاتك فضحاكي اكتر معندكيش مشكله مع فضل ولا عندك مشكله في الفلوس و مع ذلك بتسيبي شغلك مع نادين
معندكيش مشكله في البيت مع اهلك كل حاجه تمام و احنا معاكي طول الوقت يعني عارفين كويس ان مفيش اي حاجه حصلتلك بس ماشيه تبوظي كل حاجه بتخسري أيه وسلمي و ده مش اول موقف ليكي مع سلمي جرحتيها قبل كده
زي ما عملتي مع امنيه اختي يمكن احنا متعودين علي طريقتك الدبش بس عمرك ما وصلتي للمرحله دي انك تبوظي الدنيا او تجرحي حد
حتي اختك يا نعيمه مسلمتش منك انتي اكتر حد عارف ان نسمه دي طفله ملاك لا بتاعت مشاكل ولا تعرف اصلا ترد علي حد .
حجتك يا نعيمه مكانتش في محلها عشان تسمحلي لنفسك تكسري فرحتها حتي فضل مستغرباكي يعني ايه مش حاسه انك عايزه تكملي طيب لما انتي شايفه كده مالك ومال نسمه اتكلمي يا نعيمه متسيبيش دماغي تسوحني علي افكار محبش اني اروحلها
نعيمه….افكار ايه ؟ تقصدي ايه يا ايمي؟
ايمي…حطي نفسك مكاني يا نعيمه للاسف مش قادره افكر غير في حاجه واحده و يمكن صعب عليا اني اقولها
نعيمه……ايه هي يا ايمي
ايمي…نعيمه انتي في حد في حياتك غير فضل و الحد ده مينفعش يكون في حياتك مش كده يا نعيمه
نعيمه….اااا انتي بتقولي ايه حد حد مين اكيد لا ومال ده بفضل و نسمه
ايمي…..يمكن عشان الشخص ده مثلا رابط بين فضل وسليم
نعيمه….بصدمه تقصدي ايه و بتتكلمي عن مين
ايمي…عشري مثلا يا نعيمه
نعيمه…..بصدمه انتي بتقولي ايه انتي اكيد اتجننتي عشري ده اخويا طب وليله يا ايمي انا هعمل فيها كده انتي شيفاني وسخه اوي كده عشان احب واحد انتوا مرتبطين بيه انتي اكيد اتجننتي انتي عارفه لو ليله سمعتك ممكن يحصل فيها ايه عارفه لو ليله عرفت اللي بتقوليه ده علاقتي بيها هتبقي عامله ازاي عشري ايه اللي بحبه يا غبيييييه
