لقاء كـ،ـ،ـارثي
نعيمه….بهدوء معاك حق و يمكن انا واجهت العصبيه و الخناق اللي ملهوش داعي مع امي مع انها طيبه اوي بس انا مفتكرش اني اتكلمت مع امي في اي مشكله تخصني عمري ما اتعرضت لاي موقف وروحت كلمتها فيه مش عشان مش هتسمعني بس لانها كانت علي طول هي اللي بتتكلم تحكيلي بابا عمل ايه شوفتي ابوكي اتصرف ازاي شوفتي ابوكي بيضايقني ازاي مكنتش بحس اني لاقيه وقت ليا معاها ويمكن كمان كنت بنسي انا عيزاها في ايه لاني بلاقي نفسي اتسحلت في مشكله جديده معاها يمكن مبعدتش عنها ولا خوفت منها و لا حصل الحاجز ده زي ما بتقول بس كنت بتلاشي اني اكلمها في حاجه ما بصدق الاقيها كويسه اقول خلاص بلاش انكد عليها او اشغلها معايا كفايه انها مبسوطه و يمكن اوقات كنت ببقي محتاجه بجد اتكلم و اول ما اروحلها الاقيها هي اللي بتشتكي فا اسكت
الدكتور…..و هو ده الحاجز الحاجز مش بس خوف يا نعيمه ولا مشكله ممكن تحصل و لا عنف الحاجز انك تلاقي مفيش حد يسمعك او تبقي واثقه ان الشخص اللي قدامك ده مش بيفكر غير في نفسه مش قاصد ان والدتك انانينه بس هي كمان مضغوطه و من كتر الضغط عقلها مش مخليها تفكر فيكي او في مشاكلك هي مرتاحه ان نعيمه الشخص اللي بيسمعها و بس ويمكن عشان انتي كل مره بتروحي بتسمعي و مبتقوليش انا محتجاكي فا هي شايفه انك كويسه و بخير و بالتالي انتي بقيتي من جواكي عارفه ان ماما مش هتسمع ماما هتشتكي هي وبابا فا متكلمش افضل و ده الحاجز
نعيمه…..صح انا اكتر حد كان بيسمعني صحابي هما اكتر ناس بجد سمعتني و اهتمت جايز هما كمان عندهم مشاكلهم بس بيسمعوا و الحقيقه اني مع الوقت بقيت اصلا ارتاح معاهم اكتر بقيت لما احس اني محتاجه حد اول حد افكر فيه هما مش اهلي
الدكتور…..العقل و القلب ديماً بيميلوا للشخص اللي بيسمع بيهتم بيسأل و بيفهم من غير ما نتكلم لما تبقي زعلانه و ساكته و مش بتتكلمي يفهموكي من عينك عشان كده تلقائياً بتلاقي نفسك راحه ليهم من غير ما تحسي او بترفعي عليهم تليفونك و تحكي من غير ما توقفي
نعيمه…..صح ده اللي بيحصل
الدكتور….اممم طيب قوليلي يا نعيمه خلينا نبعد عن النقطه دي شويه و احكيلي كده حاسه بايه و انتي لوحدك او ايه شعورك وانتي في بلد غير البلد
نعيمه…..خدت نفس طويل اااا مش عارفه مشاعر كلها متضاربه انا شخص مش بيحب الوحده حتي وانا مضايقه مبعرفش اكون لوحدي
بس اول مره احس اني عايزه ابعد انهارده واحده من صحابي ايمي اكبر واحده فينا اللي حكيتلك عنها كانت بتعرف نوع البيبي و متجمعين و انا كنت معاهم و شوفت كنت مبسوطه بس في نفس الوقت مضايقه اني مش معاهم كان نفسي اكون جنبها و جنب صحابي حسيت باحساس غريب اني مفتقداهم اوي جايز شعوري اني في بلد تانيه عادي شويه يعني انا جيت البلد هنا اكتر من مره و بحبها اوي و برتاح فيها يعني مش بحس فيها بالغربه او اني بعيد بالعكس بس يمكن المرادي السفريه مختلفه شويه
