لقاء كـ،ـ،ـارثي
الدكتور…..طيب حسيتي في مره انك غيرتي منها او مواقفه معاها اتمنيتي انتي اللي تبقي بدالها
نعيمه….بوجع خالص انا كنت لما اشوف ليله مبسوطه من اي موقف مع عشري ابقي فرحانه من قلبي عشانها مفتكرش ان في موقف حصل خلاني اضايقت او اتعصبت او اتمنيت ان ابقي مكانها و يمكن طول ما كنت بشوفوا معاها عمري ما حسيت اني مضايقه او مش علي بعضي يمكن كمان انا مش حاسه ان جوايا مشاعر لعشري يعني انا كل اللي سيطر عليا اول انبهار اول موقف و يمكن في مواقف تاني بس محصلش بيني وبينه حاجه تخلي مشاعري تكبر بالعكس انا كل اللي واصله ليه الوقت ده يمكن عشان بس فكرت فيه الطبيعي ان البني ادم لما يحس انه ممكن يغلط او مشاعره تسوقوا يفرمل و انا عملت كده كنت عايزه ابعد عن فضل عشانه كنت عايزه اختي تبعد عن اخوه عشان مقربش تاني جايز بدأت ارجع اتوتر اكتر لما ليله كانت قربت تتجوز
من ناحيه انه هياخدها مني كانت ضاغطه عليا و من ناحيه تانيه شايفه انه خلاص اللي بفكر فيه مينفعش فكرة انه كان كل فتره يجي علي بالي من غير مقدمات كانت بتموتني انا مش خاينه و مينفعش اكون كده مينفعش يجي في بالي ولا افكر فيه
الدكتور …..كان عندك امل ان يبقي في بينكم علاقه؟
نعيمه…..بدموع خالص قولتلك سواء كان مع ليله او لا هو أتحرم عليا بس مشاعري دي مش بأيدي اوقات عقلي يقولي اني وحشه اوي و زباله اني فكرت فيه و اوقات تانيه قلبي يقولي لا مش ذنبك انتي اللي اختارتيه في الاول هو عجبك قبل ما هي تقول او يعجبها انا ضايعه من بين عقلي وقلبي عارفه ان دي خيانه و في نفس الوقت ربنا شاهد عليا اني عمري ما تخطيت حدودي ولا اظهرت اي حاجه كنت طبيعيه لدرجه اني لما سافرت و حصل كل ده لحد الوقت محدش فاهم السبب حتي فضل نفسه عمره ما حس اني بفكر في حد غيره او بان عليا اني نفسياً تعبانه بسبب حاجه زي دي
ولو سألتهم ممكن يفكروا في كل حاجه تخطر علي بالك الا دي لاني مش خاينه والله العظيم ولا موقف حصل مني يبين ان كان في حد في عقلي سواء عشري او غيره انا يمكن بعد ما ليله اختارت عشري في البدايه اه حسيت بصدمه بس زي ما قولت خدت خطوات كتير لوراء و كملت عادي و اختارت فضل و مشيت معاه و اعترفلي واعترفتلوا
كنت حاسه اني مبسوطه بس لما كنت اشوف عشري في اي موقف او تجمع احس ان عقلي بيرجعني و أكمل عادي كنت طول الفتره دي في صراع بحاول اني انساه او اعمل نفسي مش واخده بالي منه انا من كتر ما كنت بضغط علي نفسي و طبيعيه قدامهم و مش باين عيا اي حاجه و محافظه اني مغلطتش او يظهر عليا كدبت علي نفسي وصدقت اني مبسوطه
