لقاء كـ،ـ،ـارثي
تقي…..بضحك والمصحف لا هطلع عينه
نسمه……بس دمهم خفيف والله
تقي…..عاجبينك اوي
نسمه……لا ما انا كمان هطلع عين سليم متقلقيش
تقي…..بضحك كنت هضحك عليه و هو بيقلدني وانا بقولك يا نسومتي
نسمه…..بضحك انا كمان والله بس مرضتش.
تقي….ايامهم سوده معانا بعون الله
فضلت نسمه تضحك وهي كمان بقت تضحك معاها.
……………..
في مساء اليوم طلع اهل عشري كلهم معادا فضل و سليم و عدي لانهم طلعتا قبل كده و كانوا في الشغل بدل اخواتهم
محمود كمان راح و كان معاه خطيبته في البدايه ليله كانت مكسوفه شويه بس فكت خالص و كانت مبسوطه اوي مع البنات ساره و ملك و كارين و مها و نجود وامينه و البنات اجواز اخوات فضل و قضوا معاهم وقت عائلي جميل و هادي و كله ضحك و عشري ابوه كان عمال يفضحه هو واخواته و اكتشفت ليله ان دمه خفيف اوي .
وطبعاً كانوا جايبنلهم هدايا و الاجواء كلها كانت تجنن وهي وعشري كانوا مبسوطين اوي
………………
اما عند نعيمه من وقت ما نزلت الصبح مرجعتش اتمشت كتبر وبعدين راحت قعدت في مكان كلت و فضلت قاعده شويه و بعدين قامت اتمشت تاني كانت حاسه بهدوء اكتر بعد كده راحت جابت شويه حجات و طلعت علي البيت
………………..
عند نادين و نغم كان باين عليهم التعب اشتغلوا كتير و خلصوا حجات كتير و جهزوها و فهمتها كل حاجه
نادين…..اخيراً خلصنا قوليلي بقي في اي حاجه مش فهماها
نغم….لا خالص والله الموضوع طلع سهل
نادين….هو يبان سهل يا نغم بس اصعب جزء فيه اننا نرتب الاوردرات صح عشان لما يوصل المندوبين نسلم صح مينعش نغلط في اوردر الناس اللي بتبقي مستنيه حاجتها مينفعش بعد انتظارهم يوصلهم اوردر غلط و كمان المندوبين اه كده كده المشوار اللي بيروحوا عليه بياخدوا حسابه بس مش عايزين نتعبهم او نحطهم في موقف مش حلو لان اوقات للاسف ممكن يقعوا مع حد قليل الذوق يسمعهم كلمتين مش حلوين و هما ملهمش ذنب لانهم مش اكتر من توصيل بس
نغم…..هو في حد ممكن يتكلم مع مندوب بطريقه وحشه
نادين….طبعاً يا نغم وحصلت كتير علي فكره المندوبين دول شباب محترمه متعلمه معاهم شهادات و للاسف ده شغلهم بس في ناس لو الاوردر اتاخر مثلا ساعه بسبب ان الطريق زحمه يبهدلوهم بيتعاملوا معاهم كانهم خدم و هما عشان ده اكل عيشهم بيسكتوا بس بتبقي ضعبه انك تجرحي بني ادم كل همه انه خارج يدور علي رزقه عشان كده لازم نبقي مركزين فهمتي
