لقاء كـ،ـ،ـارثي
بعتتلها نعيمه رساله اه شايفه
بدأ العد التنازلي يعد و ايمي متوتره اوي و اول ما قال زيرو
قربت ايمي رمت الكوره في الاسطوانه نزلت قدامهم بهدوء لحد تحت و فجأه بقت تفور و بعدين خرجت فووووم كتير زي الالعاب الكيميائيه باللون البينك كل البنات صوتوا و بقوا يتنططوا و هي فضلت تصوت معاهم جضنها رشيد اوي
وعرفوا ان اول بيبي بنوته
كان في حاله من السعاده و الضحك والفرحه و ايمي عماله تضحك و دموعها تنزل و رشيد من الفرحه كان متوتر اوي و مش علي بعضه و ايده فيها رعشه بسيطه
الشاب…..يلا جاهزين نعرف تاني بيبي
ايمي….بابتسامه حطها انت بقي
رشيد…..لا يلا حطي انتي
ابتسمت ايمي و قربت عشان تحط تاني كوره بصت للبنات و هي بتاخد نفس و ابتسامتها واسعه و مبسوطه اوي بدأ تاني العد التنازلي و اول ما قال زيرو بصتلهم بتوتر و بعدين حطت الكوره و بعدت خطوه لوراء مسكت في ايد رشيد المايه بقت تفوووور و بعدين خرجت الفوووم مره واحده بنفس اللون يعني بنتين
حطت ايمي ايدها علي وشها وهي بتعيط و تضحك في حضن رشيد اللي كان مبسوط اوي باسها من راسها و كل البنات عمالين يصوتوا و مبسوطين اوي و مدمعين و فرحتهم تجنن
الشاب…..يلا اخر كوره معانا جرب بقي انت مره
ايمي…..بضحكه جميله يلا انت اخر واحده بقي
رشيد…..بتوتر اوووف ماشي مسك الكوره بهدوء و قرب من الاسطوانه
وبدأ العد التنازلي و الشباب واقفين متحمسين بس البنات طاقتهم اعلي عشان فرحانين بالبنات اوي
وبمجرد ما قال زيرو حط رشيد الموره بهدوء و بعد خطوه مسك ايمي نزلت الكوره بهدوء لحد ما أستقرت تحت و بعدين بدأت المايه تفور جامد و خرجت فوووم باللون الازرق و بمجرد ما رشيد شاف و الشباب صوتهم غطي علي صوت البنات وجريوا كلهم عليه و البنات علي ايمي اللي كانت عماله تعيط
مصطفي و عدي و سليم و تامر و محمود و نادر بقول عمالين يمسكوا الفوم و يطيروا فيهم و بهدلوا الدنيا و بهدلوا هدوم رشيد وايمي البيضا
و بعد كده مسكوا مسدسات بتخرج دخان الوان و اتجننوا كلهم
قرب رشيد حضن ايمي حضن قوي و شالها من الارض كان فرحان فرحه متتوصفش و هي قلبها مكانش مبطل دق
نعيمه كانت عماله تضحك و تعيط معاهم و أتمنت لو كانت معاهم عشان تحضن ايمي ابوها حضنها و زوزو و حماها وحماتها فرحتهم كانت كبيره اوي و مبسوطين جدا
