لقاء كـ،ـ،ـارثي
محمود….اييييه امشي
ريهام….بضحك لا ياعم بهزر مالك كده
محمود…..مفيش بتعملي ايه؟
ريهام….كنت بشوف الشغل تعالي نطلع فوق شويه
مشي جنبها وبص تاني علي الشاب
محمود….مين ده صحيح تعرفيه؟
ريهام….مين ده ؟
محمود….اللي كنتي واقفه معاه
ريهام…..ااااه لا معرفهوش بس بقاله كذا مره بيجي تقريبا دي تالت او رابع مره
محمود….وعايز ايه بقي
ريهام…..يعني ايه عايز ايه ؟
محمود…..عايز ايه يعني كان بيقولك ايه ولا واقفه معاه ليه
فتح ريهام الباب ودخلت و هو دخل وراها
ريهام….لا مكانش عايز انا شوفته المره اللي فاتت و قالي انه كان موجود يوم الاحتفال و عجبه اوي اليوم و كان مبسوط و انهارده لما شافني سلم عليا و بس بيشكرني يعني علي الفطار
محمود…..ليه انتي اللي عملته بأيدك؟
ريهام….بضحك انت بتتريق
محمود….لا والله العظيم مش بتريق اصل يعني ايه واقف يرغي كل ده و عمال يسلم بقلب اوي و في الاخر بيشكرك عالفطار
ريهام….بابتسامه هو انت تمام
محمود….مالي يعني فيا ايه
ريهام….اممم معرفش بس حساك جاي متخانق مع حد و جاي تطلعوا عليا
محمود….وهطلعوا عليكي ليه انا تمام وزي الفل بس الجدع اللي تحت ده مستفز
ريهام….بضحكه جميله طب ليه عملك ايه بس الراجل محترم و ذوق و چنتل ولطيف و بعدين كويس انك تلاقي خد بيشكرك علي يوم حلو علي فطار يعني غيره بيقضي وقت ويمشي عادي
محمود….لا يا شيخه محترم و ذوق و چنتل ولطيف هو عريس متقدملك وبتقولي رأيك فيه
ريهام….بابتسامه بسيطه امممم هو انت متأكد انك بخير
محمود…..هو انتي فيكي ايه شيفاني بشد في شعري بقولك ايه انا ماشي
ريهام…..قامت وقفت بسرعه قدامه استني هنا انت مالك بجد و بعدين جاي في ايه و ماشي في ايه انت كنت جاي في حاجه
محمود….بصلها بنظره ضيق بسيط و طلع من جيبه شوكلت لا كنت جاي اديكي دي سلام
ريهام……بصت علي الشوكلت ابتسمت ااا محمود استني طيب
محمود…..نعم
ريهام…..اولا ميرسي علي الشوكلت
محمود…..العفو
ريهام….ثانياً ممكن تقولي مالك
محمود…..كويس يا ريهام مفيش حاجه
ريهام….انت كده طبيعي يعني اول مره اشوفك متعصب و مضايق بجد انت حصل معاك حاجه انت جاي منين اصلا
محمود…..جاي من الشغل و مروح هنام ساعتين و هنزل و محصلش معايا حاجه
ريهام….متأكد
