لقاء كـ،ـ،ـارثي

البارت الثامن و التسعين .

………………………

قبل ما تحصل حاله الإغماء علي الساعه أثنين سمعوا صوت عواء الكلاب جامد أوي قاموا كلهم راحوا ناحيه الباب و كانت ايه الطرف الأكثر حماس و بعدها ميدو اللي كان عنده فضول يفهم اللي بيحصل للكلاب.

حنان…..يا ولاد محدش يخرج عشان خاطري تاني

عسال…..متخافيش يا امي

حنان…..طيب عشان خاطري خليكم

رشيد….متقلقيش يا حنون احنا واقفين اهو

ليله…..طيب انا مش فاهمه حاجه هما رجعوا تاني عملوا الصوت ده ليه

ريهام…..محدش يعرف اصلا بتاع الامن مكانش فاهم اي حاجه هو كل اللي قاله انهم من امبارح الفجر بيعملوا الصوت ده بمعدل كل ساعتين تلاته و بعدين يتجمدوا

عسال……هو تقريباً كده فعلاً الوقت مظبوط زي ما قال لما خرجنا كانت علي 11 تقريباً و الوقت الساعه اتنين يعني من ثلاث ساعات

ليله….ايوه يعني ايه بردوا يتجمدوا

عسال…..والله ما عارف يا ليله هي حاله غريبه جداً في حياتي ما شوفتها ولو كان حد قالي انها حصلت عمري ما كنت هصدق

ايه…..زي ما كنتوا مش مصدقني كده وانا من امبارح الصبح بقولكم في صوت كلاب و انتوا بتكدبوني
سمعتوا الوقت الصوت

نعيمه…..صوتهم يقبض اوي بصراحه بس هما فين مش باينين ليه

ايه…..هما واقفين علي الجنب مش هنشوفهم استني بس الصوت يروح و بعدين نبص عليهم بس عايزين المرادي نصورهم

حنان…..يا ايه اسمعي الكلام بلاش جنان الراجل بتاع الامن قالكم محدش يخرج

حسان…..طب ما بلاش يا جماعه فعلا حد يخرج احسن يعضوا حد واضح انهم كتير من صوتهم

امنيه……هما فعلاً كتير بس لما بيسكتوا مش بيعملوا اي حاجه ولا بيبقوا حاسين انك واقف جنبهم حتي

عشري….يا جماعه لا في حاجه غريبه و لا حاجه هما يمكن بردانين جعانين او يمكن حاسين مثلا برياح او في نوه شديده الحيوانات بتحس

عسال…..ياعم بنقولك متجمدين الكلاب واقفين متسمرين في الارض الامن بيقولي باقي الامن بيسحبوهم سحب من علي الطريق قدام البوابات عشان العربيات متتصدمش بيهم و يعملوا حادثه يعني نش بيتهشوا او يمشوا

ايه…..ميدو انت كلمت صاحبك عشان تسألوا علي ارثر

عسال…..اه صح نسيت استني كده اكلموا وانت يا حوده كلم صاحبك كده

محمود….ماشي.

الاتنين اتصلوا بان علي محمود الاستفراب في ملامحه وكلامه و بان علي عسال القلق علي الكلب بتاعه خلصوا المكالمه و بعدين قفلوا