لقاء كـ،ـ،ـارثي

تامر…..اه والله العظيم بس علي فكره بقي انا زعلان منها عشان قالتلي انت معندكش دم

سلمي….وانا كمان

ايه…..اه ما انتوا معندكوش دم قاعدين تتريقوا عليه

سلمي….احنا اتريقنا

تامر…..انا قولتلك بس بابا مينفعش ينزل لاني خوفت من كلامهم و بابا لوحده يحصل حاجه كده ولا كده ولا يغم عليه في الشارع انتي هترضيها يعني

سلامه……هو بيتكلم صح يا ايه يعني لاقدر الله لو حصل حاجه و هو لوحدوا هنبقي قلقانين جدا لحد ما نوصلوا

تامر…..عموما يعني انا هروح ادفنوا بس زعلان

ايه….احسن اتفلق و بردوا هتروح تدفنوا

تامر…..بضحك عايشه معانا بالدراع دي

سلمي…..طب تعالي هاتي بوسه وصالحيني

ايه…..لا مش عايزه سلامه مات يا سلمي

سلامه…..قولنا ايييييه منعيطش

سلمي…..بابتسامه لا مش هتعيط قربت منها باستها معلش يا قلبي متزعليش و النبي هو صغير والجو برد عليه و كان تعبان و اكيد متحملش

تامر…..متزعليش بقي

ليله…..تعالي يا هبله هبقي اجيبلك انا واحد

ايه….سلامه هيجيبلي

سلامه…انا وعدتها نجيب واحد غيره ان شاء الله

ليله….طب خلاص بقي متزعليش ده كويس انه مات وانتي مش هناك كان زمانك قاعده تصوتيلهم

مصطفي….البقيه في حياتك يا ايه ربنا يخليلك سلامه الكبير

ضحكوا كلهم

ايه…..عاجبك كده اخوك بيتريق عليا

سلامه….بضحك اتلم يا رخم

مصطفي…..بضحك طب دي الواحد يروح يعزيها بأيه انا هجيبلك شاي و بن و هعمل علي روحه شويه عضم اوزعهم علي الكلاب

فضلوا كلهم يضحكوا علي مصطفي وكلامه و هي ضحكت عليه و فكوها شويه .

سلمي جالها اتصال من الدكتور اداها رقم دكتور المخ و الاعصاب و قام عشري بره يكلم السواق و اتفق معاه انه يتحرك اول ما النهار يطلع عشان الطريق يكون واضح قدامه و يوصل
عندهم علي الضهر كده و يتحركوا علي طول و رجع دخل تاني.

عشري……يا شباب من بليل بأمر الله كلكم تكونوا مجهزين نفسكم و شنطكم و لما نصحي يكون السواق و صل هنتحرك علي طول

رشيد….اتفقت معاه خلاص

عشري…..اه قولتلوا يتحرك لما النهار يطلع عشان بردوا يكون في امان هو قالي انه اصلا كان هيكلمني بسبب الحوار ده واضح ان الموضوع انتشر والكل عرفوا

رشيد…..يلا خير ان شاء الله

ليله…..بضحكه جميله واتمني يعني بعد السفريه دي منسافرش تاني مع بعض لان واضح ان في حد فينا مش سالك اول سفريه الدنيا اتقلبت و المرادي كمان بيحصل حاجه مش مفهومه