لقاء كـ،ـ،ـارثي

عشري…..خليكي والاه هقعد هناك

تقي…..تعالي والله كنت هرخم عليك بس طلعت طيب

عشري….بضحكه جميله ماشي يا بلطجيه زي عمتك

تقي…..ما بلاش عمتك دي متفكرش انها كان مغم عليها و لسانها مش هيبقي طويل

عشري….لا حافظ لسانها مبيهمهاش تعب دي

ضحكت تقي و قامت قعدتوا مكانها

ليله….بابتسامه انت بتتكلم عليا

عشري….وانا اقدر بردوا ده انتي قلبي

……………

فضل……والله ما عارف يا محمود انا اصلا من بعد ما صحيت حاسس بصداع و راسي كانت وجعاني شويه و بعدها الصداع راح بس لما خرجنا بره فجأه حسيت بصداع فظيع و معرفش ايه اللي حصل بعد كده

حسان…..هو مسك في ايدي فكرته بيقولي حاجه ببصلوا لاقيت عينه راحت و جسمه بيسيب خضني والله العظيم ثواني بسيطه لاقيت البنات بتصرخ ببص لاقيت سليم و نادين وقعوا مع بعض شويه و ليله والله انا للحظه فكرت الموضوع هزار يعني صدقت فضل في الاول بس لما بقوا اربعه متخيلتش كنت شاكك بصراحه

عمرو…..والله وانا قولت انه مقلب او متفقين بس لاقيت ان الموضوع جد

محمود…..طيب انا عايز اقول حاجه و محدش يتريق عليا

عمرو…..قول

محمود…….انا حاسس ان الاغناء الجماعي اللي حصل ده ليه علاقه بحوار الكلاب

عمرو…..يعني ايه

حسان…..يا جدع مش منطقي

محمود….طب بذمتك منطقي حوار الكلاب ده انت شوفت منظرهم بنفسك و بعدين هو منطقي اربعه مننا يقعوا مره واحده .

عسال…..لا لحظه بس عشان انا واحد موسوس و بصدق انت تقصد عدوي يعني ولا ڤايروس و لا ايه بالظبط

محمود…..مش عارف يا ميدو بس الموضوع غريب

ايه……ايوه بس اشمعني هما احنا خرجنا الصبح و فضلنا واقفين كتير و لمسناهم و محصلش حاجه و خرجنا تاني معاكم و محدش فينا حصلوا كده

عسال…..ايوه صح اشمعني هما الاربعه

محمود…..انا بفترض مش اكتر صراحه مش عارف

رشيد…..انا رأيي ان فضل كان تعبان عادي و ممكن لما حصل توتر بعد ما وقع هما اتوتروا

محمود…..ومنطقي ان كلهم ضغطهك يوطي كده و ينزل بالمنظر ده

عشري…..ايه يا دكتور منطقي ولا مش منطقي

سلمي كانت سرحانه

حسان…..سلمي معانا ولا ايه

سلمي…..ااااا معاكم معاكم علي فكره انا يعني شاكه في اللي بيقولوا محمود بس عشان معنديش دليل مش عايزه اوتركم علي الفاضي

حسان……يعني انتي مقتنعه بالكلام ده علمياً