لقاء كـ،ـ،ـارثي

مصطفي….لا معلش بقي هو انتوا ال12 اللي فيكم حد مش سالك لان اول مره مكناش معاكم فا انتوا المرادي اللي نحس علينا

ليله….تصدق ممكن انا خلاص بطلت اسافر معاهم هجرب بس السفر مع عشري لوحدنا لو عدت يبقي انا وهو تمام معدتش يبقي حد فينا

ايمي….انا ورشيد سافرنا علي فكره فا احنا براءه من اللعنه دي

رشيد….بضحك ايوه صح السفريه كانت حلوه سلكوا نيتكم بقي

ليله….احنا هنجرب و نسافر بعد الجواز عدت علي خير يبقي الباقي بقي يشوف عشان نعمل عليه أكس و منسافرش معاه تاني لان سمعتنا كده بقت زي الزفت و شكلنا منحوس

حنان…..والله كلها اقدار و صدف المهم انكم بخير

عشري…..والله انا بدأت اتشائم من الشتاء مع اني بحبها بيحضل فيها حجات مش مفهومه خصوصا الشتاء دي

حسان…..ياعم عادي انت عايش في كون طويل عريض كل شويه بتتفاجئ بحاجه جديده المهم فعلاً اننا بخير

سلمي…..طيب ممكن بقي حبه هدوء عشان اتصل بالدكتور و نفهم ولا هنقضيها رغي ولا اخرج اكلموا لوحدي

عشري….انتي لسه مكلمتيهوش ؟

سلمي….خدت رقمه وهو مستني اتصل عليه

عشري…..طيب يلا احنا ساكتين اهو خلينا نفهم

عسال…..هدوء بقي يا شباب عشان تعرف تتكلم واحنا نطمن

سلمي….يلا هتصل

حسان….بقولك ايه ابقي افتحي الاسبيكر احسن

ايمي….اه خلينا نسمع و نركز معاكم

سلمي….اوك

اتصلت سلمي علي الدكتور كان اسمه شريف العقاد.

سلمي….مساء الخير دكتور شريف؟

شريف…مساء النور ايوه انا

سلمي…مع حضرتك دكتوره سلمي احمد دكتور مدحت اكيد عرف حضرتك اني هتصل عليك

شريف….ايوه قالي اهلا وسهلاً اتشرفت بيكي يا دكتور

سلمي….الشرف ليا والله اولاً اسفه علي الازعاج و ثانياً شكراً عشان حضرتك هتديكي من وقتك شويه

شريف…..مفيش ازعاج ولا اي حاجه و انا تحت امرك الحقيقه دكتور مدحت لسه قافل معايا هو شرحلي باختصار استفسارك بس انا مفهمتش منه اوي فا اكيد احب اسمع منك

سلمي….طيب اوك بص يا دكتور هو الحقيقه انا مش عارفه استفساري هيكون طبياً واقعي ولا لا بس انا هشرح لحضرتك اللي حاصل باختصار عشان وقت حضرتك

شريف…..لا اتفضلي براحتك انا معاكي

سلمي…..يعني اكيد حضرتك سامع بموضوع ظاهره الكلاب و القطط الي حاصل من امبارح ده

شريف…..طبعاً بس هو الحقيقه مش حاصل من امبارح او يمكن يكون انتي مركزتيش فيه لانه مكانش لسه ملفت للنظر هو الموضوع تقدري تقولي انه من اسبوع حاصل