لقاء كـ،ـ،ـارثي

عسال….طيب انتي سمعتي او مر عليكي حاجه زي دي

سلمي…..اممم بنفس وصفكم صراحه لا بس اعرف ان الحيوانات ممكن بحصلها تشنج اضرابات حركات غريبه ولا إراديه لو حسوا بأي حاجه غريبه لكن تجمد و كده لا بصراحه هو من فتره كبيره كده بعد الكرونا بفتره شوفت خبر و ممكن تكونوا انتوا كنان سمعتوا عنه في بلد كده مش فاكره هي ايه ان البقر و الغنم حصلهم نفس الحاله اللي بتقولوا عليها دي و كانوا مصورينهم بأعداد كبيره اوي واقفين علي شكل دايره من غير حركه خالص كانهم متحنطين و الحقيقه ان الموضوع لفت نظري تابعته شويه بس مكانش في تفسير علمي فا مش عارفه بصراحه كان خبر صح ولا غلط

نادر…..انا فاكر ايوه الحوار ده

سلامه….وانا كمان سمعت عنه

نادين….طيب وقتها حصل اي حاجه ولا جات الكرونا يعني لو قبل الكرونا يمكن يكونوا حسوا بالوباء ده يعني

سلمي….لا كان بعد الكرونا انا فاكره

ايه…..الكلاب سكتت صح

عسال…..ااا اه مفيش صوت خلاص

حنان…..يا ولاد بلاش تفتحوا اسمعوا الكلام

عسال…..يا امي متخافيش والله ما احنا خرجنا الصبح و كنا واقفين جنبهم مع الراجل و انا لمستهم كمان

ايه…..وانا كمان لمستهم و محصلش حاجه

عشري…..طب وسعوا كده بس نفتح نبص عليهم حتي من بعيد

عسال…..تعالي متقلقش مش بيعملوا اي حاجه حتي لما بيفكوا تاني بيجروا مش بيجوا جنب حد

نادر…..بابتيامه ميدو انت متحمس ليه

عسال…..والله فضول يا نادر و بصراحه بقيت قلقان علي ارثر اوي

فتح عسال الباب بص بهدوء و بعدين خرج و بص من بعيد خرجوا الشباب كلهم وراه و فضلت حنان و نعيمه علي الباب

عسال…..اهمممم هناك شايفين المنظر

ايمي….يا لهوي ايه المنظر ده

ايه….في وراء الڤيلا عندنا من ناحية الڤيلا بتاعتكم هتلاقوا و هناك اهو في تاني و الناحيه دي بصوا قد ايه

رشيد…..ايه ده بجد

حسان…..سبحان الله

عسال…..امال لو قربتوا منهم و شوفتوا منظر بصتهم و عينهم هتعملوا ايه

عشري…..بقولكم ايه يا لنات خليكم انتوا هنا كده و احنا هنبص بصه

سلمي…..انا عايزه اشوف

ايمي….وانا

حسان….خليكوا هنا احسن

ايه….متخافش يا حسان والله ما في حاجه تعالي انت هتستغرب هتحس انك واقف في مكان تحنيط للحيوانات.

رشيد….طيب خليكم احسن من بعيد

عسال…..استنوا الڤديو وصل

عشري…..فرجني كده بقي