لقاء كـ،ـ،ـارثي
فضل……اوي بجد انا مخافش منهم و هما بيتحركوا بس منظرهم يقبض فعلاً
عمرو……هما ليه طيب باصين علي البحر ممكن زي ما قالت سلمي في حاجه في البحر او حاسين بأي إشاره
حسان……سبحان الله بجد ايه ده
عسال…..لو حد قالكم علي المنظر ده هتصدقوا
حسان……لا طبعاً
سلامه……مستحيل ده مش بيرمشوا حتي
مصطفي….هو لو لمستهم هيجروا
عسال……قرب منهم لا خالص اهو
ايه……تعالي المسهم
سلامه…..ايه ارجعي هنا ابعدي عنهم
ايه…..متخافش والله مش بيتحركوا ولا حاسين بينا
عشري…..بضحكة صدمه هو ايه ده بجد
امنيه…..لا وفي هناك كمان شايفينهم
نسمه……الراجل بتاع الامن بيقول كمان ان قدام خالص في كتير علي الشاطئ
سلمي….هو الغريب كمان ان لا حركتنا مأثره عليهم ولا حتي صوتنا
عسال…..لا الراجل كان بيتكلم معانا عادي و صوتنا كان عالي مفيش خالص
نادر…..من بعيد ابتسم تعالي يا خوافه شوفي
نعيمه…..لا شكراً مش عايزه ارجعوا بقي والنبي
حنان…..كفايه يا ولاد تعالوا
سلامه….متخافيش يا امي والله
مصطفي……علي فكره شكلهم بجد يرعب
قربت سلمي و هي سرحانه و مصدومه وقفت تصورهم
تامر……سلمي انتي وايه ما ترجعوا شويه بجد بقي
سلمي…..لحظه يا تامر متخافش
رشيد….يا تري حاسين بأيه دول
ولا يا تري مصيبه ايه مستنيانا و احنا منعرفش
فضل…..ايه بتكتشفي ايه يا سلمي هتغيري تخصصك
سلمي…..بصت لفضل بابتسامه هي حاله مثيره للاهتمام و الله يا فضل
و غالباً دي ممكن تتسمي Freeze Response يعني تجمد من خوف شديد و بيتهيألي اعراضه واضحه اوي يعني الطبيعي للكلب عموماً انه يهرب لو حس بخطر او يهاجم لكن هنا في حاله هلع لدرجه ان الكلاب واقفه ساكنه في مكانها زي التماثيل
عيون مفتوحه بشكل مرعب لا صوت و لا نباح ولا حتي انين عشان تحسسك انها بتتألم كمان الجسم متصلب اوي ديله بين رجليه زي ما انت شايف كده ودانه مضمومه لوراء
في حاجه علميه اكيد تفسر الحاله دي الكلاب ده shock يعني صدمه عملت تغيير في الوعي السلوكي للكلاب
نادين….بخوف سلمي كفايه بجد انا اترعبت
ليله……خلونا نرجع يا جماعه بجد
قرب فضل وقف جنب حسان
عشري….اكيد لو الموضوع انتشر و اكتر من حد سجل حالات الكلاب و القطط دي لازم يكون في تفسير
ليله…..ابعدي بقي يا سلمي و انتوا كمان بتصوروا ايه علي فكره في طاقه سلبيه حصلت كده غريبه
