لقاء كـ،ـ،ـارثي

حطت تقي ايدها علي راسها و باستها بحنيه فظيعه

تقي….انا خوفت عليكي اوي

ليله….بأبتسامه و هي نايمه في حضنها بجد

تقي…..اه والله بجد انتي مش عارفه غلاوتك عندي و لا ايه

ليله….بضحكه جميله طيب يعني افرضي كان جرالي حاجه و لا موت

تقي…..بعد الشر عليكي يارب انا بدالك

ليله…..بعد الشر يا جزمه متقوليش كده

تقي….و الله كنت هموت عليكي و لو مكنتيش فوقتي كنت هتصل علي بابا

ليله…..بضحك طب وابوكي هيعمل ايه يا بنت الهبله

تقي….انا ايش عرفني بقي انا فجأه لاقيتكم كلكم بتقعوا وراء بعض و انتي كمان وقعتي حسيت اني بحلم و اترعبت

ليله…..بت يا تقي هو انا وقعت علي الارض

تقي…..بضحكه جميله ايه يا بكيزه هانم يا درملي خايفه علي منظرك

ليله…..احيه برستيچي يا بت

تقي…..بضحك لا سلمي رقعت بالصوت لتامر وهو لحقك قبل ما تدبي علي الارض و البلطجي بتاعك جه شالك كأنه شايل بنته

ليله…..بضحك يا اختي يخليه ليا سيد الناس

تقي…..بضحك ما طبعاً انتي يغم عليكي و توقعي قلبي و البلطجي بتاعك تتغزلي فيه

ليله…..بس والله صعب عليا انا و اخوه و فضل وقعنا و هو مش عارف يعمل ايه

تقي….اه فضل ده اللي رعبنا كلنا بصراحه ليها حق سلمي تتوتر كده اصلا يا عيني و هي عماله تفوق فيه كانت بتترعش جامد و باين عليها انها خايفه

ليله…..الحمد لله عدت علي خير اصلا لولا انه تعب اوي كده كان زماني جايبه نعيمه الكلب من شعرها البت مسألتش فيا ولا في نادين وقعدت و فرشت في الارض جنبه

تقي…..بضحك حرام والله دي كانت مرعوبه ياعيني و عماله تعيط

ليله……بابتسامه ما انا هسامحها بس عشان الخضه اللي شربتها دي

تقي…..البلطجي بتاعك جاي و الله ما هقوم

ليله…..بضحك هيجيبك من قفاكي انتي حره

تقي…..بضحك استني ارخم عليه

قرب عشري منهم و هو ماسك القهوه

عشري…..حبيبي هسيبهالك علي التربيزه هنا لحد ما تبرد

ليله…..لا هاتها

عشري…..طيب براحه بس لا تقع عليكي انتي و تقي

ليله…..بأبتسامه استني رايح فين

عشري….هقعد هناك

تقي….بهمس وهي بتضحك يالهوي ده طلع كيوت

عشري….بابتسامه بتضحكوا علي ايه

ليله….اصل تقي بترخم عليك ومش عايزه تقوم قولتلها هجيبك من قفاكي

عشري….بضحكه جميله لا خليكي يا بلطجيه

تقي…..بضحك لا تعللي والله كنت بهزر معاك