لقاء كـ،ـ،ـارثي
فتح عسال الڤديو و سمع صوت صاحبه.
بص يا ميدو ارثر بيعمل ايه من الصبح انا قلقت و طلعت احطلوا اكل لاقيته عمالي يعوي حاولت اسكتوا مرضيش سيبته وروحت حطيت اكل و مايه و نضفت المكان بتاعه و بعدين ببص عليه و بناديه عشان يجي ياكل لاقيته في الوضع ده شايف شكله لا بيعمل صوت ولا بيتحرك و باصص كده زي ما انت شايف كانه متخشب يا صاحبي انا بصراحه خوفت يكون جراله حاجه حاولت احركه مش بيتحرك كأنه ماسك في الارض حتي مش بيقع
فا صورته يا صاحبي عشان افرجك عليه بصراحه خوفت يجرالوا حاجه و تفكر اني اهملت فيه بس الغريب يا ميدو ان كلاب الشارع نفس الحاله بالظبط عشان كده صورته هو ايه ده يا صاحبي .
بصلهم ميدو و كان مضايق علي ارثر جدا
عشري….بصدمه هو ايه ده صحيح
ليله….نهار اسود هي الكلاب اللي هناك دي عامله زيه كده
عسال…..اه نفس الحاله بالظبط
سلمي….طب انا فضولي زاد خلينا نروح نشوفهم
رشيد…..طيب من بعيد بردوا متقربوش اوي انتوا
مشيوا بهدوء علي هناك
عدي…..هو ايه بجد اللي يخليهم يعملوا كده
نسمه……جماعه الحقوا ده في ناس كتير مشيره القطط بتاعتهم بصوا دي واحده صاحبتي منزله صوره القطه بتاعتها واقفه قريب من الشباك و ثابته كده
بصوا علي الڤديو
نسمه…..ودي كمان صوره لقطه تانيه ده مش كلاب بس
وكمان في ولد مصور كلاب في الشارع وده عند بيتنا صح يا نادر
نادر….اه ايه المنظر ده
محمود….بص علي الموبايل بتاعه هو كمان و فضل يحرك الشاشه و يراقب البوستات اللي منشوره في هنا كنان عندي اهو حد منزل
ليله……دي حاله جماعيه ولا ايه الكلاب والقطط اتجننوا
محمود…..اغلب الناس مصوره الكلاب و القطط في الشارع
تقي…..انا خايفه بجد هو في ايه
عسال……استنوا بقي بصوا كده عليهم من بعيد شايفين واقفين ازاي
بصوا كلهم علي الكلاب و فضلوا يقربوا بهدوء لحد ما الشباب قربوا منهم اكتر البنات وقفوا ثواني و بعدين اتحركوا براحه عليهم
رشيد…..بصدمه ابتسم ده بجد
ايمي…..لا حول ولا قوة إلا بالله دول كأنهم حقيقي متحنطين
عدي…..عاملين شبه المجسمات الخشب و الله ايه ده
ليله…..يا ماما منظرهم غريب ليه باصين كده
سلامه……تحسي انهم شايفين حاجه غريبه عملالهم صدمه
محمود…..استنوا كده نصورهم
نادين…..انا خايفه بجد شكلهم يقبض
