لقاء كـ،ـ،ـارثي
عسال……بص لسلمي ده ايه ده بقي
مصطفي…..اااا طيب بصوا و من غير توتر و انتي عماله تفوقي فيهم انا حسيت بنفس الحوار اينعم انا مفقدتش الوعي زيهم بس انا مكنتش سامع حاجه الدنيا بتلف بيا ومش عارف حتي اتكلم
ريهام…..انا فعلا كنت بكلم مصطفي و مكانش معايا خالص
عشري…..يعني ايه؟ الكلاب بجد اثرت عليهم
سلمي….ااااا يعني هو انا شايفه ان اكتر حد ممكن يرد علي كل الاسئله دي دكتور مخ و اعصاب لان انا معنديش خلفيه لكل ده انا زيي زيكك انا بس كل اللي موترني ان لو الموضوع ده صح نعرف اللي حصل ليهم ده كان في وقتها و لا ممكن يتأثروا بيه
ليله…..يعني ايه يعني انا ممكن اموت بسبب كلب ده انا اروح فيكم في داهيه
ضحكوا كلهم علي ليله
عشري…..كل ده بسبب ايه و فضولها
ايه…..وانا يا بلطجي اصلا احنا خرجنا اول مره محصلناش حاجه
عسال…..بقلق سلمي طيب متعرفيش اي حد نسألوا انا بجد قلقان
سلمي…..اااا مش عارفه يعني ممكن اكلم حد يساعدني في الموضوع ده او لما نرجع هشوف انا الحوار ده
عايزه بس الوقت اطمن علي بابا يا تامر هو لوحده عايزين نطمن عليه و نشوف الكلاب عاملين ايه
محمود…..انا كمان هتصل علي حماده اطمن عليه هو و زوز
……………
بعد وقت بسيط من التوتر الشديد و شدة الاعصاب كل واحد فيهم
كان بيتصل بأهله يطمن عليهم محمود و ايمي و امنيه كانوا متوترين اوي عشان امهم و ابوهم لوحدهم
ونفس الوضع عند سلمي و ايه و تامر عشان احمد
اتصل تامر علي احمد يكلموا
البنات كانوا عمالين يشوفوا الفيس
الڤيدوهات والصور انتشرت اكتر و بدأ يبقي في حاله من الاستغراب عند الناس كلها في اللي واخدها بضحك و اللي واخدها باستغراب و اللي واخدها بخوف لان اللي حاصل ده مش مفهوم.
تامر كان بيتكلم مع احمد و فجأه اتصدم و سكت ثواني كلهم طبعاً بيتكلموا في التليفونات و مع بعض فا مش مركزين اوي
تامر….بهمس مسموع بسيط بتتكلم جد
سلمي….في ايه يا تامر ؟
تامر…..مات ازاي طيب
سلمي……بخوف مين اللي مات
صوتها كان اعلي شويه فا ركزوا مع تامر
بصت ايه بسرعه عليهم و راحتلهم
ايه…..في ايه مين اللي مات ؟
تامر….اااا مفيش بابا بيحكيلي علي حاجه بس
ايه……علي ايه طيب تامر ميلو وسلامه كويسين
تامر…اااا اه استني بس اتكلم
ايه……هات الموبايل كده الووو
