لقاء كـ،ـ،ـارثي
سابتهم و طلعت علي فوق و هي عماله تعيط
تامر…..طب انا مالي طيب
فضلوا يضحكوا كلهم بهدوء
عشري…..اسكتوا بقي مترخموش عليها حرام هي مضايقه اللي بيربي حيوانات بيتعب بجد والله لو حد حصلوا حاجه
عسال…..طيب سلمي خلينا في الحوار ده بقي بجد حاولي تفهمي من اي دكتور في خطر عليهم ولا لا
رشيد….انت لسه مصمم ماهما زي القرود قدامك اهو
عسال……ياعم رشيد انت مش شايف اللي حاصل انا بجد متوتر يكون في خطر عليهم لو في حاجه نلحقهم
فضل……احنا بخير يا ميدو بطل تقلق نفسك و توترنا معاك
سلمي…..ميدو معاه حق نطمن احسن انا هتواصل مع دكتور يحاول يوصلني بدكتور مخ و اعصاب
عسال….طب اعملي كده و النبي يلا و انت يا عشري يعني من رأيي تتصل كده بالسواق و تخليه يجي بدري اكتر
عشري…..الساعه الوقت داخله علي اربعه يا ميدو علي ما يتحرك و يوصل ده لو فاضي يعني هيجي هنا عشره مثلا و اكيد مش هينفع نسافر بليل لو الطريق مش كويس
عسال…..محدش قال ان الطرق مقفوله
حنان….ايوه يا ابني بس هيمشي ازاي علي الطريق لو في كلاب لا قدر الله يخبط في حاجه و يموتنا
عسال…..ماهو حتي لو جه علي معاده قبل الفجر هنمشي في الكريق بليل بردوا هي هي
عشري…..لا مش هي هي يا ميدو عشان انا اصلا مش هخلي الراجل يتحرك بليل احسن يجرالوا حاجه و هو جاي و اكيد مش هنمشي معاه بليل بردوا انا هخليه يتحرك اول ما النهار يطلع يجيلنا هنا بعد الضهر نتحرك علي طول في النور افضل
حسان…..اه كده احسن يا عشري
عسال…..طب وهما لو فيهم حاجه هنسيبهم كده لحد ما نرجع بكره
عشري…..ميدو متوترش اهلي اكتر ما انا متوتر ان شاء الله مفيش حاجه
نادين….ميدو انا كويسه و كلنا كويسين علي فكره يعني خلاص مفيش حاجه بلاش توتر
عشري….اهي اللي بتتوتر من اقل حاجه بتقولك بلاش توتر
سلامه…..ميدو مش عايزين نوترهم و نوتر نفسنا معاهم هي الوقت سلمي تطمن و تطمنا.
حنان…..اهدأ يا حبيبي خير ان شاء الله
هز ميدو راسه لحنان و راح قعد تاني و ولع سيجاره
قربت منه نادين و قعدت جنبه
نادين…..المفروض يعني متوترنيش انت عارف انا بتوتر بسرعه و الموضوع يوتر اصلا ينفع بقي اشوفك كده
عسال…..خايف عليكي يا نادين و خايف عليكم كلكم لو حصل اي حاجه لاقدر الله حتي لو عرفنا نتصرف هتبقي بصعوبه محدش فينا معاه عربيه عايز اطمن لو في اي حاجه المفروض نعملها سلمي عملت اللي عليها و زياده مش هتقدر تعمل اكتر من كده هي دكتورة سنان
