لقاء كـ،ـ،ـارثي

سلامه…..نبطل عياط بقي و علي فكره هو مات عشان كنتي مسمياه سلامه ينفع يعني تقوليها في وشي كده سلامه مات ما انا عايش اهو ياجزمه قدامك

ايه…..بضحكه من بين دموعها انا سميتوا سلامه عشان انت اللي جبتوا و عشان بحبك

سلامه….ياعمري انا و انا بحبك اكتر و مش عايزك تزعلي ابداً دموعك دي غاليه عليا و قلبي بيوجعني لما بشوفك بتعيطي كده و عد والله هجيبلك واحد جميل اوي واقولك المرادي يا ستي هاخدك معايا كمان تختاريه بنفسك

بعدت عن حضنه و بصتلوا

ايه…..سلامه هو احنا لما نتجوز هنسيبهم انا مش عايزه اسيبهم عيزاهم معايا

سلامه…..بابتسامه و الله لو حبيبي القمر ده عايزهم معاه انا موافق طبعاً معنديش مشكله و بعدين كمان ده بيتك المهم انتي و استاذ ميلو و الاستاذ الجديد اللي هيجي اللي ان شاء الله ميبقاش اسموا سلامه لو وافقتوا ان انا اكون معاكم ابقي مشكور والله

ايه….بضحكه جميله لا هنوافق طبعاً انت اصلا هتبقي مسؤول عننا كلنا

سلامه…..بحب وانا موافق بس والله اللي ما هيسمع فيكم الكلام هيتعلق و انتي اولهم

ايه….لا احنا مؤدبين

سلامه….ان شاء الله هنشوفلهم مكان كويس في البيت و هجيبلهم بيت حلو كده ينفع يكون جوه الشقه في ركن كده خاص بيهم زي بيوت القطط كده و نجيبلهم لعب و هدلعهم مبسوطه

ايه…..بأبتسامه مبسوطه ربنا يخليك ليا يا احلي سلامه في الدنيا

سلامه…..و يخليكي ليا يا عمري ممكن بقي منعيطش تاني ابداً و تنزلي معايا و اي حد يتكلم في موضوع الكلب ده منعيطش تاني اتفقنا

ايه…..حاضر والله

سلامه….يلا هاتي ايدك و تعالي ننزل تحت

ايه…..يلا

…………..

اتصلت سلمي علي دكتور زميلها بس هو اكبر منها بكتير طلبت منه انه يوصلها بدكتور مخ و اعصاب ضروري و شحرتلوا باختصار ان الموضوع ليه علاقه بموضوع الكلاب
اللي حاصل و منتشر قالها انه هيتصل بدكتور مخ و اعصاب استشاري كبير هيفهموا و ياخد منه اذن انه يديها رقمه و تتواصل معاه

قفلت معاه و استنت شويه لحد ما يرد عليها.

كانوا كلهم قاعدين في الڤيلا بتاعت البنات جوه لان الجو كان برد بره و بعد اللي حصل اغلبهم كان مقلق ان الحوار يكون ليه علاقه بالجو كمان فا فضلوا انهم يقعدوا جوه.

نزلت ايه مع سلامه بص تامر بهدوء و ابتسامه بسيطه

سلامه…..انت يا عم تامر انت وعدتها بكره تروح تدفنوا صح