لقاء كـ،ـ،ـارثي
عشري…..ايه اللي حصل
عسال……بيقولي ان ارثر بيعمل نفس الحاجه بالظبط و قالي هبعتلك ڤديو ليه الوقت
محمود…..وانا كمان بيقولي ان الكلاب بتاعته و كوبر بيعملوا زي ما بتقولوا انا بصراحه مش فاهم اوي لاني مشوفتش الكلاب بس كده واضح ان مش الكلاب هنا بس
حسان…..ايوه يعني الكلاب فيها ايه بالظبط وليه بيحصلهم كده يعني لو هنا بس اخر حاجه دماغي فكرت فيها ان يبقي في سبب مثلا من البحر يعني إشارات اجهزه اي حاجه بتتجرب تحت المايه هما حاسين بيها لكن في القاهره غريبه
ايه…..بس انا كلمت بابا قالي ميلو وسلامه مش فيهم حاجه
ايمي…..يمكن في انواع مش بتتأثر
امنيه….يعني ايه انواع مش بتتأثر
ايمي…..يعني علي حسب الفصيله
امنيه…..يا ايمي الكلاب اللي بره اللي شوفناها بتاعت شارع و كوبر و الكلاب بتاعت صاحب محمود كلها نضيفه
عسال…..وانا كلبي چيرمن بردوا
رشيد…..طيب يمكن الانواع الصغيره بتاعت ايه مش بتتأثر
محمود….صاحبي معاه كلبين واحد جريفون و واحد بيكمواه قريبين لبتوع ايه بس سؤال يا ميدو يا مهم هو صاحبك حاطت الكلب بتاعك فين
عسال……عنده
محمود….جوه البيت
عسال…..لا طبعاً في السطح
سكت محمود ثواني و بص لايه
محمود….وانتي يا ايه الكلاب بتاعتك بتقعد في الشقه عادي و لا وقت الموم ليهم مكان
ايه……لا في الشقه عادي معانا
عمرو….اشمعني انت بتفكر في ايه؟
محمود…..اااا مش عارف بس لو كل الكلاب بتتأثر باللي حاصل و الغير مفهوم ده بأختلاف الفصايل فا في حاجه لو بفكر فيها تبقي صح
رشيد…..حاجه ايه ؟
محمود…..الكلاب عند صاحبي فوق السطح بردوا عاملهم مكان كبير و بيسيبهم عادي في السطح و ميدو قال ان كلبه فوق السطح فا كده اكتر حاجه مقنعه في الموضوع ان الكلاب اللي بره اي بيت و مش مقفول عليها هي اللي بتتعرض للحاله دي و الدليل ان ايه بتقول كلابها في الشقه و محصلهمش حاجه.
رشيد…..ايوه بس ده معناه ايه ؟
محمود….مش عارف اكيد في سبب علمي
عسال….يمكن في حاجه في الجو مثلاً كيماويات او غاز معين
فضل…..ايه يا سلمي انتي مش دكتوره
سلمي….بابتسامه انا دكتوره سنان بس علي حد علمي يعني لو في حاجه في الجو زي ما ميدو بيقول البشر تتأثر بيها قبل الحيوانات هما اه مراكز الاحساس عندهم في الحجات اللي ليها علاقه بالطبيعه بتبقي اقوي زي انهم يحسوا مثلا بزلازل اعاصير رياح فياضانات براكين جسم غريب تحت الارض زي اجهزه الاستكشافات و حجات تانيه كتير لكن مهما كانت مراكز الاحساس
عندهم اقوي لو في تلوث في الجو الانسان هيتأثر
