تعاهدنا
تعاهدنا
عند أدهم كان قاعد في البلكونه سرحان
في الشارع وزحمته وصوت البحر اللي حاسس بيه
من بعيد لكن مش شايفه من الليل اللي حل
فجأه سمع صوت الباب توقع يكون سلامه
او ست تهاني صاحبه البانسيون قبل ما يقوم يفتح
لقي الباب أتفتح .
أدهم….عهد انتي هنا بجد.؟
جريت عليه أدهم بدموع وأنهيار أترمت في حضنه
حضنها أدهم بكل قوته مسك راسها بكف ايده
ضغط عليها بحب وشوق مش مصدق انك هنا
عهد…وحشتني يا ادهم.
أدهم…مش اكتر مني ياعهد تعالي اقعدي
مسكها من كفها وراح بيها عالكنبه انتي ازاي جيتي
وعرفتي مكاني أزاي ؟ وازاي تيجي متأخر كده
عهد…انا جيت لوحدي يا ادهم أستنيت مامي نامت
وخرجت من غير ماهي تعرف حتي مجبتش اي
هدوم معايا عشان اعرف اجي وطبعا اول مكان جه في
بالي اسكندريه عشان عارفه انك بتحب المكان هنا
أدهم…ايوه طيب عرفتي مكاني ازاي
عهد…سألت عليك في فنادق كتير كنت ديما تنزل
فيهم.. بس ملاقتكش هناك حسيت وقتها اني فقدت
الأمل ومبقتش عارفه اعمل ايه ارجع ولا استني
حاولت اكلمك كتير انت قافل موبايلك وسايبني
تعبانه من غيرك يا ادهم..
مسك ادهم ايدها قربها من شفايفه بحب حقك عليا
مكنتش قاصد ابعد بس كنت محتاج افصل واقفل
اي حاجه توصلني باي حد.
عهد…بس انا مش اي حد يا عهد انت عاهدتني يا ادهم
انك عمرك ما هتقفل موبايلك واي وقت هحتاجك هلاقيك
قولتلي ان حتي لو احنا زعلانين من بعض مش هتختفي
وهترد عليا اي وقت.
ادهم…طيب بلاش عياط انا اسف والله حقك عليا
كملي عرغتي مكاني هنا أزاي.
عهد…لما كلمتك وانت مردتش فضلت قاعده عالبحر
افكر ازاي اوصلك وفعلا انت في اسكندريه ولا لا
أفتكرت بسرعه سلامه قولت لو انت جيت هنا
اكيد هتكلمه. دورت بسرعه علي رقمه لاقيته وبسرعه
كلمته وعرفت منه انك فعلا هنا وهو اللي جابني عندك
ومشي.
ابتسم ادهم بحب عمري ما شكيت لحظه في ذكائك
عهد….بس انت تعبتني اوي لحد ما وصلتلك
ادهم…وانا تعبت اكتر عشان اوصلك ومش عارف
عهد…بس انا جتلك اهو و وصلتلك يعني تقدر توصلي
ادهم….ممكن أسألك سؤال.
عهد…طبعا
ادهم…انا خايف افرح واصدق احساسي عشان كده
عايز اعرف جيتي ليه ورايا.
عهد…بدموع جيت عشانك يا ادهم جيت عشان
مقدرش اتخيل حياتي من غيرك
ادهم….وسهام يا عهد هتسبيها عشاني
عهد…مش عارفه يا ادهم هي مهما كان امي
ادهم…وانا حبيبك يا عهد انا ادهم اللي انتي عارفه
