تعاهدنا
تعاهدنا
ممكن يبصلك عشان ظروفنا فهمتي لازم تثبتس العكس
لازم تقفس علي رجلك وتسمعي كلامي.
عهد…انا مليش دعوه بأي حد انا مش عايزه غير أدهم
وبس حتي لو هيشوفوني اقل واحده في الدنيا
ارجوكي يا مامي خليكي معايا وبلاش تيجي عليا
خلاص مش عايزه اتجوز ادهم بس كمان مش عايزه
اتجوز غيره ارجوكي..
سهام….عشر دقايق تكوني لابسه مفهووووم.
نزلت دموع عهد بقهر وبعد وقت بسيط كانت رضخت
لأمر والدتها وخرجت مع عاصم ..طول الطريق
سرحانه في الطريق ودموعها بتخونها غصب عنها
حاسه انها بتخون ادهم بخروجها مع عاصم..
سرحت في الطريق وهي بتفتكر كل حاجه كانت بتعملها
مع ادهم…
ياريت لو حد يوصله علي لساني يوصله اني حاولت
بس فشلت ومقدرتش في بعده اعيش حياتي أتبدلت
بعده بشوف كله شبه بعضه ووقفت الحياه في بعده
علي بالي مبيسبنيش …قلوله تعب اوي كفايه وحاولوا
تحننوا قلبه انا محتاجله ويايا اعيش باقي الحياه جمبوا
وحشني هزرنا في كلامنا سهرنا خناقنا احلامنا ونفسي
تاني ترجعلي وارجع اللي كان بينا.💔
مسحت عهد دموعها قبل ما عاصم يشوفها كان جواها
نار صعب اي حد في الدنيا يحس بلهيِبها احساسها
وهي قاعده جمب عاصم إحساس مميت محدش
يقدر يحسه غير اللي جرب يعيش نفس موقفها.💔
شافت ساره عاصم وهو رايح ياخد عهد بعربيته
وكالعاده مقدرتش تعديها من غير ما تزود شرها.
لقطتلهم كام صوره من بعيد ومن غير تردد
عملت اكونت سريع عالفيس ودخلت لادهم
بعتتله الصور وابتسمت برضا لما فتح ادهم الرسايل
بعد كام ساعه من وصولها…💔😔
