تعاهدنا

وقفت عهد وهي دموعها نازله. انا اضعف مما تتصور

يا ادهم انا مش قادره اعمل اي حاجه

ادهم…لا يا عهد انتي مش ضعيفه انتي بس محتاره

عهد…انا مش محتاره يا ادهم انا مش قادره اخد قرار

ادهم….حبي ليكي وحبك ليا مش محتاج قرار يا عهد

عهد….الكلام ده فات اوانه يا ادهم.

ادهم…تقصدي ايه يا عهد

عهد….اقصد ان قلوبنا اتكتب عليها الوجع يا ادهم

اتكتب علينا نحب بعض ونعيش بعيد عن بعض

ادهم….يعني ايه

عهد….يعني خلاص يا أدهم

ادهم…خلاص ايه

بعدت عهد وهي دموعها نازله وفضلت تمشي علي

الباب.
ادهم…عهد استني هنا اقفي انا بكلمك

عهد….هتوحشني يا ادهم

ادهم…بقولك اقفي انا مش هسيبك تمشي

عهد…غصب عني يا ادهم ده طريق لازم نمشيه

ادهم…استني ياعهد بقولك

فتحت عهد الباب وقبل ما ادهم يمنعها قفلت

الباب.
ادهم…عهددددددد.

سلامه…ادهم باشا ادهم باشا اصحي يا أدهم

باشا ..

ادهم…سلامه ..اتصدم ادهم وقام بسرعه يبص في

الأوضه زي المجنون وهو بيدور علي عهد.

ادهم….هي فين كانت معايا هنا راحت فين

سلامه…هي مين بس حضرتك شكلك كنت بتحلم

ولا صابك كابوس انا مكنتش ناوي اصحيك والله

بس جيت احط الحاجه ورصتهالك في التلاجه

لقيت جسمك بيتنفض وبتتحرك كتير وبتقول كلام

مش مفهوم والعرق بينزل من جسمك جريت عليك

اصحيك .

مسك ادهم راسه وقعد عالكنبه

سلامه…اتفضل يا باشا اشرب وأستعيذ بالله كده

شكله كابوس .

ادهم…اعوذ بالله من الشيطان الرچيم …هو انا

بقالي كتير نايم ؟

سلامه…معرفش والله يا باشا بس انا غبت عنك

ساعه بالظبط جبت الحجات اللي نقصاك كلها

ورجعت يا دوب بدأت ارض الحاجه في التلاجه

لقيتك علي حالتك دي قولت مبدهاش بقي اصحيك

أدهم….يعني احنا لسه بالنهار

سلامه….اه ده يادوب العصر لسه مأذن حضرتك بس

عشان قافل الستاير.

ادهم….حاسس اني نمت كتير

سلامه…ولا كتير ولا حاجه ده يادوب عينك غفلت

ادهم…بحزن…طيب جبت الحاجه

سلامه…اه كل حاجه ممكن تحتاجها هتلاقيها موجوده

جبتلك شويه جبن علي حبه اكل وفاكه وجبتلك مايه

وكمان جبتلك الشامبو اللي بتستخدمه عشان اللي

موجود عارف انه مش هيعجبك

ادهم….بابتسامه وعرفت منين بقي انا بستخدم ايه

سلامه….إلا عرفت حضرتك ناسي لما كنت تمشي

من الفندق كنت بتسيبلي الحاجه اللي مش لازماك

وانا فاكر شكله كويس

أدهم…ماشي يا سيدي عموما انا فعلا هحتاجه.