لقاء كارثي

لقاء كارثي
أميره أسامه
صاحبة البطل الواحد

. البارت المئه 129.

………………………..

قبل ساعه ونص من وصول عدي عند تقي و سليم عند نسمه..

راح عدي و سليم علي محمود سليم كان ماسك فنجان قهوه و عدي ماسك ساندوتش.

عدي ….حودا تعالي يا قلب اخوك كل انت مكلتش

محمود….تسلم يا غالي و الله انا فعلاً جعان

سليم….وده احلي فنجان قهوه عشان تحبس بيه بعد الاكل

بصلهم محمود و ابتسم و ساب الساندوتش من ايده.

محمود…..ااااااه خير يارب يارب انت عارف اني طيب و غلبان و مش قد الصيع دول

عدي…. بضحك يا عم احنا عملنا ايه بس

سليم…..جايبنلك اكل وقهوه صيع ليه بس

محمود…. ايوووه اكدوا احساسي اكتر بالمسكنه بتاعتكم دي

سليم…. بضحك يعني احنا غلطانين عشان خايفين عليك

محمود…..تصدق بالله انت واخوك ولا ريا وسكينه الدخله بتاعتكم دي فيها مصلحه و من الاخر كده خرجوا اللي في جوفكم

عدي….بابتسامه هو احنا مفضوحين كده علي طول

محمود….اوي و من غير اي مجهود بتتقفشوا بسرعه

سليم…بصحك ده عشان احنا بس سالكين و قلبنا ابيض مش بتوع لف ودوران

محمود….وبتلف وبتدور ليه الوقت يا طيب منك ايه اخلص يلااااا انت وهو عايزين ايه

عدي…..بص ياحودا انت الحته الشمال و ملماش غيرك وانت راجل حبيب قديم و هتحس بينا و بصراحه كده انا وسليم عايزين نروح مشوار كده و انت هتغطي علينا

محمود…بابتسامه حبيب و مشوار خير وقعتوا اوعي يكون اللي في بالي انا شاكك فيكم خدوا بالكم

سليم….ايه اللي في بالك

محمود….مش عارف بس يعني في الفرح كده كان في همسات و نظرات و الدنيا مكانتش تمام

عدي….بضحك طيب من الاخر كده احساسك صح قولت ايه بقي

محمود….نهارك اسود منك ليه انت عارف لو محمد عرف هيعمل فيكم ايه ملاقتوش غير بنت اخو مراته و اخت صاحبتها

سليم….عارف ياعم و اطلع منها انت خليك محضر خير

عدي….اطمن عارف و معملش حاجه

محمود….بابتسامه كمان عارف و ده سبب ادعي اني ارفض لانه لو عرف اني غطيت عليكم عشان تروحوا تصيعوا هيعلقني

سليم….ياعم هو غطي علينا مره اطلع جدع زيه بقي و غطي علينا

محمود…..بضحك محمد بقي شغال خاطبه ولا ايه

عدي…..و انت كمان هتعمل فيها مأذون و هنفرح كلنا ان شاء الله خد بالك غطينا عليك كتير لما كنت بتروح لرحمه ردها بقي