لقاء كارثي

عدي….ضحك غصب عنه كده و منكد عليكي امال لو مش منكد عليكي كنتي كلتي قد ايه

تقي….انت باصصلي في لقمتين

عدي….لقمتين !! انتي واكله اكل يأكل قبيله يا تقي و بعدين نفسي اعرف الاكل ده كله بيروح فين

تقي….انا كده زي القطط باكل وبنكر عايز حاجه

عدي…..والله انا عايز اكسر دماغك و بعدين يابت انا متعصب و متنرفز قدامك سيباني مش طايق نفسي و تقوليلي انا جعانه

تقي….اه جعانه هتأكلني و لا اعزمك انا

عدي….بابتسامه انا زعلان منك يا تقي و بجد علي فكره و مش عشان القستان او نكشك فيا خلاص حطي كل ده علي جنب خلصنا الموضوع

انا علي طريقتك اللي مش عايزه تبطليها و المشكله اني قايلك اكتر من مره يا تقي بلاش تقفلي الموبايل يا تقي لما اتصل عليكي ردي او لما تشوفي المسدچ ردي او متفتحيهاش اكتر لان الحركه دي بتعصب و مع كل ده بتعملي كل ده ممكن اعرف بقي عملتي كده ليه و ازاي اصلا كنتي نازله من غير ما تعرفيني ده انتي يومك اسود

تقي….ما انت كنت قالب عليا و انا كنت عارفه ان صوتك مقلوي مش عشان صاحب و اه بصراحه نكشتك عشان تتكلم و نتصالح و يبقي الصلح من قلبك بس انت اتعصبت و عصبتني و قولت اضايقك شويه

عدي…..بس ضايقتيني كتير الحركه دي بتحرق دمي يا تقي و بتخليني مأريف طول اليوم

تقي….ما انا مكنتش قصدي بس كنت عيزاك تصالحني و كمان يعني كنت ناويه اقولك اني نازله لو كنت اتصلت بيا

عدي….طب ما انا اتصلت بيكي لحد الساعه ثلاثه كنت بتصل و بعدين قولت هسيبها براحتها و بصراحه استحلفتلك وقولت هطلع عينك لما اشوفك

تقي….شوفت بقي لو كنت اتصلت ثلاثه و خمسه كنت رديت عليك و قولتلك

عدي….وحياة امك بتصيعي عليا انا يا تقي

تقي…..يا عم خلاص بقي بطل عصبيه السكر ماشي في البلد هتضيع مني

عدي……بضحك و غيظ منها ماهو بسببك

تقي….انا مقدرش ده انت حبيبي و وحشتني علي فكره

عدي…..بابتسامه بجد

تقي….والله العظيم وحشتني و كنت بضايق نفسي مش بضايقك و يعني متزعلش مني علي الفستان و علي النكش و علي نزولي من غي رما اقولك و علي قفل الموبال حاجه تاني يا عم العصبي

عدي…اه اوعديني مهما نزعل او نتخانق او يحصل بينا مشكله متقفليش موبايلك لاي سبب و تردي عليا سواء كنت غلطان او مش غلطان علب الاقل عشان نتكلم نتخانق نخرج اللي جوانا مع بعض ممكن