لقاء كارثي
لقاء كارثي
ايمي…..و الله دي حاجه خاصه بينا بقي اسرار يعني بيني و بين حبيبي الجديد متدخلش
رشيد….رفع حاجبه اكتر و حياة امك
ضحكت و بصتلوا
ايمي……و انت مضايق ليه غيران مثلاً؟
رشيد…..بابتسامه عجبك ؟
ايمي…..مين حبيبي الجديد اه طبعاً
رشيد…الوووووود
ايمي…..بضحك اااااه عجبني عشان من حبيبي
رشيد……بغيظ علي فكره انا اللي بعته هااااا فا اتلمي يا اوزعه عشان مزعلكيش
ايمي…..بابتسامه طب ما انا عارفه ما انا بقولك حبيبي اللي جابه عندي انا حبيب غيرك؟
بصلها بابتسامه و زعل
رشيد…انا زعلان منك علي فكره
ايمي….انت اللي زعلان علي فكره انت اللي مزعلني
رشيد…ماشي بس برضوا زعلان منك عشان سبتيني انام من غير حضنك يا ايمي و كنتي قاسيه اوي امبارح وانهارده كمان
ايمي……والله انت اللي زعلتني بقي واتحمل انا زعلي وحش ما بالك بقي وانا حامل و خلقي في مناخيري و طول الوقت بحاول مطلعش ده عليك بس انت اللي جبته لنفسك
رشيد…..بس هونت عليكي يعني تسيبيني انام كده
ابتسمت ايمي بتاثر و لفت ايدها علي رقبته
ايمي……لا متزعلش انا وحشه بس يعني سيبتك تحضني من ضهري
رشيد….يعني كنتي صاحيه
ايمي…..بدلع و نظره تجنن اممممم و كنت مبسوطه عشان مكنتش هعرف انام من غير حضنك
رشيد….انانيه علي فكره تتبسطي انتي بحضني و انا اتفلق
ايمي…..بحب حقك عليا
رشيد…..بزعل انا مضايق بجد يا ايمي
ايمي…..لا يا روحي متضايقش بس يعني انت اللي زعلتني و انا معملتش حاجه و كمان حاولت اعرف مردتش تقولي
رشيد….انا اسف
ايمي….بحب شبت علي صوابعها وباسته من شفايفه انا اللي اسفه
غمض رشيد عينه و ضمها بكل قوته
رشيد…..ايمي انا تعبان
ايمي…..عارفه
رشيد…..متزعليش مني انا عارف اني كنت رخم شويه
ايمي…..بهمس كتيررر
رشيد….كتير يا ستي ولا تزعلي بس يعني والله غصب عني بصراحه بقي انتي وحشاني و تعبان من غيرك و محتاجك و عارف انه مينفعش كنت متعصب و قومت اطلع غضبي ده في اي حاجه ولما صحيتي قولتلك نامي هشرب سيجاره وراجع بس انتي اللي جيتي ورايا و مكنتش قادر اشوفك وابقي بعيد عنك و طلعت عصبيتي فيكي بس هو ده كل اللي حصل انتي وحشتني اوي و تعبان من غيرك
ابتسمت ايمي و بصتلوا و حطت ايدها علي خده.
ايمي….انت كمان واحشني و محتجاك و تعبانه من غيرك قربت منه و باسته من شفايفه بهدوء و بعدت كان مغمض و بيحاول بتمالك نفسه قربت تاني باسها و بعدين بعد عنها
