لقاء كارثي

ريهام…..ماهما بيقولوا البنت مضروبه و متبهدله يعني واضح انها صادقه

نعيمه….حتي لو يا ريهام دي مصيبه و كده هيحطوا نفسهم في مشاكل هما مش قدها عمو احمد اصلا مش بتاع مشاكل ولا ليه فيها و المشكله ان تامر و سلمي اغلب الوقت مش في البيت يعني لاقدر الله لو حصل اي حاجه ولا اهل البنت دي وصلولها مش هيبقي فيه حد في البيت غير ايه و ابوها و ممكن ياذوهم

حنان…..بعد الشر كلمهم يا سلامه و نبههم احسن يحصل حاجه فعلا

نعيمه …..انا هكلمهم و ممكن اروحلهم الوقت يعني انا شايفه انهم يساعدوها بفلوس و يمشوها هي تتصرف بقي

نادين ….ماهي لو البنت صادقه مش هتعرف تتصرف رفعت الموبايل بصوره البطاقه البنت سنها صغير 22 سنه هتعمل ايه لوحدها دي

نعيمه…..ولما هما يتأذوا بسببها يا نادين هيبقي كويس تاخد الفلوس و تروح تبلغ

عسال……ماهي مستنيه الموبايل يتصلح عشان تعرف تبلغ لان الدليل اللي يودي خالتها و جوز اختها في داهيه موجود علي الموبايل

نعيمه…..والله يا ميدو اللي اعرفوا ان دي حاجه هما ملهمش علاقه بيها هما اصلا ميعرفوهاش عشان يستنوا عليها دي مشاكلها مع اهلها تحلها بعيد عنهم انما تقعد معاهم و تجيبلهم مصايب هما ملهمش علاقه بيها لا.

سلامه…..هنا صحيح ملهمش علاقه بيها ولا بمشاكلها بس موقفهم ده غصب عنهم البنت لجأتلهم اكيد مش هيسيبوها

نعيمه….لجأتلهم يبعدوها عن اللي بيجروا وراها يا سلامه لكن اللي خدها فوق و دخلها البيت علي كلتمك يعني ايه و ايه هبله يا سلامه
مش فاهمه بتتعامل بعاطفتها لازم تكلمها واديك شوفت بنفسك وقت مشكله مريم الواد ده لما دخلها عرف يمثل عليها و لولا انت كنت موجود كان هي وابوها اتاذوا

ريهام….ايه طيبه و صدقتها هي جايز البنت صادقه فعلا بس بصراحه انا خايفه يكون اهل البنت عرفوا مكانها او يقدروا يوصلوا ليهم و زي ما نعيمه بتقول ممكن لاقدر الله لو وصلوا ليهم و هي لوحدها مع بباها تحصل مشكله يعني نبهها علي الاقل

حنان….ربنا يسترها يارب هما نيتهم خير اكيد ان شاء الله ربنا هيبقي معاهم

نعيمه…..ماهما نيتهم خير بس لو دول اهل البنت فعلا فا هما واضحين انهم بتوع مشاكل اذا كان مرحموش اللي من دمهم هيرحموا الغريب

عسال…..خير ان شاء الله هو تامر قالي انه مشي علي طول و مخدوش رقم العربيه عشان عنده مشكله في الاكصدام اللي وراء ونازل علي النمره مخبيها