لقاء كارثي

اميمه…..دي حاجه بسيطه انتي مش عروسه

ليله…..هو ايه اللي بسيط و اديكي قولتي عروسه مش بجهز محل ايه كل ده

اميمه….ده مني انا وقمر و اخوكي و الحلو ده من سامح و احمد

ليله….طب ايه كل ده بجد

اميمه….عملالك حجات بتحبيها و جيبالك حجات تحطيها في الثلاجه عندك هتحتاجيها اكيد و خدي دي هديتك

قمر….بابتسامه ودي هديتك

مها…..بضحك خدي بالمره معاهم دي هديتك

كانوا مدينها علب دهب

ليله….يا نهار اسود عليا وعلي سنيني انتوا بتعملوا ايه هعيط والله

اميمه…اسود ليه بس بعد الشر عليكي يا جزمه

ليله….انتوا بتهزروا اميمه ايه كل ده بجد

اميمه….بضحكه جميله دي هديه جوازك افتحي وشوفي يلا

فتحت ليله هديه اميمه كانت جيبالها سلسله دهب واضح انها تقيله

وفتحت هديه قمر كانت جيبالها خاتم و هديه مها برضوا كانت جيبالها خاتم

ليله…..انتوا ايه اللي عاملينوا ده بجد هو مفيش حد غيري اتجوز

اميمه….بضحك لا مفيش هي عروسه واحده بس

قمر…..يابت يا فقر حد يقول للدهب لا

ليله…..كتير اوي يا قمر اللي انتوا عاملينوا ده بجد وانتي كمان ايه اللي عملاه ده يا مها

مها…..بابتسامه احنا عندنا كام ليله و بعدين انتي خيرك علينا

ليله……بت بطلي هبل خير ايه و هباب ايه و الله هعيط و وترتوني انا مش بحب المواقف دي

مها….بضحك تعالي بس هاتي بوسه وانتي قمر كده

ابتسمت ليله و حضنتها و حضنت قمر

ليله…..حبيبه قلبي ربنا ما يحرمني منك

قمر …ولا يحرمني منك يارب و اشوفك ديما مبسوطه

قربت من اميمه وحضنتها اوب و بعدين باست ايدها

ليله….تسلم ايدك يا ست الكل

اميمه….بحب و تأثر مبروك يا احلي عروسه شافتها عيني

ليله….الله يبارك فيكم يارب و يخليكم ليا بس برضوا كل ده كتير اوي ورد وشوكولاته و ايه كميه الخلو اللي تجيب السكر دي و ايه كل الاكل والخزين ده هي الحرب جايه ولا ايه و ايه العصاير دي كملت بضحك انتوا كنتوا جايي تجروا وراء العربيات و لا ركبتوا علي السقف

قمر….بضحك ركبنا عالسقف

اميمه…..جوزك مقصرش يا ليله و مخلاش حد فينا يجيب قشايه و اكيد يعني لازم نشرفك قدامه

ليله….انتوا مشرفني من غير اي حاجه و عشري عارف ده كويس

مها…..عارفين يا ليله بس انتي عروستنا و حقنا نفرح بيكي بطريقتنا

ليله….ربنا ما يرحمني منكم ابداً و يخليكم ليا ااا يلا بقي تعالوا ناخد الحاجه دي و ندخلها عندهم