لقاء كارثي
لقاء كارثي
ضغط شويه علي ايدها وترها اكتر
كان حاسي بيها وهي بتضغط علي الكوبايه و متخشبه
سليم….بهمس يجنن بصيلي بتحسي بايه يا نسمه
نسمه….و هي بتاخد نفسها وخلاص هتعيط بحس اني مرتاحه و حاسه بالامان بحس ان الدنيا ساكته و في هدوء و انا قاعده معاك و شيفاك
سليم….بابتسامه انا ؟ انا بعمل كل ده؟
رفعت عينها بهدوء و نظرتها كانت مرتبكه جداً هزت راسها براحه
ابتسم سليم و فجأه شال ايده من علي أيدها و سحب الكوبايه حطها علي حرف التربيزه وبسرعه رجع بس المرادي مسك ايدها
بصتلوا بصدمه و ضحكت ضحكه خفيفه حركه كانت كفيله توقف قلبها هزت رجلها جامد و بعدين بصتلوا تاني
نسمه….سليم انت موترني اوي
سليم….بابتسامه عارف و شكلك حلو اوي و انتي متوتره و مكسوفه
بصت علي ايدهم و هي مبتسمه كان قابض علي كفوفها و هي حاسه ان ايدها متخشبه نفسها تضم ايده بايدها بس كانت مكسوفه رجعت بصتلوا تاني بلغبطه
نسمه…..ااااا انا نسيت نسيت كنت هقول ايه
سليم….بضحكه جميله ضغط علي كفوفها اكتر قولي اللي جواكي وبطلي تهزي رجلك واهدي
كنت عماله تبص جنبها و علي الكوبايه كانها بتدور علي اجابه جواها عينها كانت بتلمع و حاسه ان قلبها هيقف محستش بنفسها غير و هي بتسيب ايدها و بتغضط علي ايده و بصتلوا بهدوء
نسمه…..انا بحبك يا سليم
فضل باصصلها مصدوم مكانش متخيل انه مهما ضغط عليها هتتكلم عارف انها خوافه و بتتكسف و بتتوتر بس يظهر انه من كتر ما ضغط عليها و وترها خلاها اتكلمت
فضلت بصاله بهدوء بس التوتر عندها عالي لدرجه انه خاف عليها
ابتسم بهدوء و ساب ايدها و قام وقف بصتلوا بقلق لاقيته لف و قعد جنبها مسك ايدها و باس كفها ابتسمت بتأثر و نزلت دموعها وهي بتضحك
سليم…..بنظره تجنن و انا بحبك و شكلي كده حبيتك من وقت ما لاقيتك متعلقه علي الباب و شبشبك واقع
ضحكت نسمه وهي دموعها بتنزل
ابتسمت و مسح دموعها بهدوء
سليم…..ليه الدموع دي
نسمه….اااا مبسوطه ووو كنت خايفه يعني اكون انا بس اللي عندي مشاعر ليك
سليم….ليه مكانش باين عليا يعني
نسمه…لا يمكن كان باين بس مقولتش حاجه
سليم….كنت مستني احس انك جاهزه اكتر بس كنت مقرر اني اقولك كل حاجه انهارده و حبيت اللغبطه اللي كنتي فيها
نسمه….بابتسامه بس انت وقفت قلبي مش لغبطتني
سليم….بعد الشر عليكي
