لقاء كارثي
لقاء كارثي
نادين…خدي بالك من نفسك والف سلامه عليكي
نغم…..الله يسلمك
نعيمه….باي يا نغم
نغم….مع السلامه
خرجوا بره هما الاربعه و سابوها لوحدها في الاوضه.
سلمي….بهدوء تعالي شويه يا نعيمه
ايه وسلمي كانوا متضايقين اوي من طريقتها مع نغم راحت معاهم علي اوضه سلمي و قفلت سلمي الباب
سلمي….بصتلها بهدوء نعيمه ليه كده بس انا قولتلك بلاش تضايقيها
نعيمه…اضايق مين و انا اتكلمت
سلمي….كل ده و متكلمتيش يا نعيمه انال لو اتكلمتي كنتي عملتي ايه هو ايه اللي لازم تجيبي فلوس هتعيشي ازاي و اهلك شكلهم بتوع مشاكل و ناويه تطولي هنا مش كده يا نعيمه امال لو مكنتش نبهت عليكي
نعيمه….هو في ايه يا سلمي قلباها دراما ليه و انا قولت ايه غلط ما طبيعي تنزل تشتغل عشان تجيب فلوس امال هتعيش منين و هي ملهاش حد و اه اهلها بتوع مشاكل وده من كلامكم و كلامها انا مجبتش حاجه من عندي خالتها خاينه و جوز اختها زباله و كل عيلتها ضدها عشان بيعبدوا القرش و سؤالي هتفضل قد ايه مجرد سؤال عادي
سلمي….انتي بجد شايفه انه عادي
ايه….بهدوء مش كده يا نعيمه في طريقه احسن من دي ملاحظتيش ان البنت وشها جاب الوان
نعيمه….هو انتوا بجد مكبرين الموضوع ليه علي فكره انا خايفه عليكم انا جايه هنا اصلا عشان عرفت من سلامه اللي حصل و قولت اجي اشوف في ايه
سلمي….يا حبيبتي انا عارفه بس الطريقه يا نعيمه مش احسن حاجه و حتي يا ستي لو اهلها ناس قذره نراعي مشاعرها عشان متزعلش
نعيمه…..مشاعر ايه يا سلمي دي واحده متمرطمه من اهلها و مضروبه و اختها ميته بسبب اهلها دول تفتكري يعني هتزعل لما اقولها اهلك بتوع مشاكل انا لو مكانها و قالتلي كده هقولها و زيدي عليهم انهم زباله
سلمي….مش صح يا نعيمه بتوجع صدقيني حتي لو احنا عارفين انهم زباله بنتوجع لنا حد يحط ايده عالجرح احنا مش بنختار اهلنا يا نعيمه و لما بنتوجع منهم بنبعد بس بنتأثر اوي لما نتعاير بيهم لان طلعوا او نزلوا بيفضلوا اهلنا
ايه…..وهي ملهاش ذنب في كل ده و بعدين هي قاعده عند ناس اغراب عنها و مضطره لانها معندهاش مكان تروح فيه غير الشارع و اكيد محروجه لوحدها فا سؤالك انتي مطوله هنا كان مش في محله يا نعيمه.
نعيمه….علي فكره انا مستغرباكم انتوا واقفين بتحاسبوني عشان واحده غريبه
