لقاء كـ،ـ،ـ،ـارثي

أميره أسامه
صاحبة البطل الواحد

. البارت المئه 143.

………………………..

قبل يوم واحد…

خلصت قاعده البنات و كل واحد فيهم راح علي شغله و راحت نعيمه لاهلها..

نزلت نغم شغلها مع نادين و كانت مستنيه تامر يجي ياخدها عشان تروح معاهم عند المحامي وكانت مرعوبه و مش طبيعيه طول اليوم.

……….

وصلت ايه علي المحل بتاعها و بدات شغلها واتصل عليها سلامه عشان يطمن..

ايه….الوو

سلامه…ايه يا قلبي بتعملي ايه

ايه…كنت بظبط المحل عشان ابدأ شغل

سلامه….عندك شغل كتير انهارده

ايه….خمس كلاب

سلامه…ربنا معاكي يا قلبي فطرتي مع البنات صح

ايه….اه فطرت انت في الشغل

سلامه…انا لسه واصل اهو هشوف الدنيا فيها ايه كده و هستني حد من الشباب يجي و احتمال ابقي اروح ابص بصه كده علي الشقه و شقه ميدو بالمره

ايه …هو ميدو مجاش معاك الكافيه

سلامه….ميدو في المعرض التاني كان بيخصل شويه شغل بس مش عارف راح الشقه عنده ولا لا هبقي اكلموا كده لو راح يبقي اكيد هيبص علي الشقه و يشوف الدنيا فيها ايه و مش هروح انا

ايه….تمام هو كده كده تامر مش هيطول انهارده عشان بابا كام بيكلمني وقال انهم هيروحوا مع نغم للمحامي عشان المفروض ان انهارده خالة نغم هتعمل تنازل علي الشقه و بصراحه انا قلقانه اوي نفسي المشوار ده يخلص بهدوء

سلامه…..ليه مش فاهم هو قلق ولا ايه

ايه….مش عارفه والله يا سلامه بس بصراحه انا خايفه علي تامر و بابا يعني الناس دي مش مريحه خالص خايفه الست دي يبقي معاها رجالتها خايفه يعملوا حاجه لان من كلام نغم هي كانت طمعانه في شقتهمعشان تديها للراجل اللي كان متجوز اختها فا فكرة انها تاخدها منه و تبقي مجبره تعمل ده عشان نغم تتنازل ممكن تعتبرها لوي دراع و خايفه تردها و بابا و تامر لوحدهم

سلامه…..هو المشوار ده عند المحامي اللي تبعكم ولا اللي تبع خالة نغم

ايه…لا طبعا اللي تبعنا المحامي بتاعه شبههم و ملهوش امان هو بابا قال ان تامر ممكن ياخد كام حد من صحابه بس مش هيبقوا في الصوره يعني من بعيد لبعيد بس بابا قلقان مش عايز تامر يتورط في حاجه و في نفس الوقت هو متطمن لاهل نغم

سلامه…..طيب انا هكلم تامر و هشوف هيروح امته بالظبط و هروح معاه

ايه….تروح معاه فين هو انا ناقصه قلق