لقاء كـ،ـ،ـ،ـارثي
فؤاد….رفع ملف فيه ورق العقد و احنا جاهزين يا متر .
سامي…..تمام هستأذنك بس الخطوة الأولى نراجع الأوراق والتسلسل القانوني لكل المستندات اللي تثبت ملكية البيت وحق نغم موجودة وجاهزة
بص لمريم وهاني بهدوء و صوت ثابت اللي هيحصل هنا أي توقيع أو إقرار بيتم بحضور كل الأطراف وبشكل رسمي أي اتفاق شفوي قبل كده مش هيتم أخذه في الاعتبار
بص على الموجودين وكمل
بعد ما نراجع المستندات ونتأكد من صحتها هنروح للتوقيع النهائي على التنازل واستلام البيت رسمياً الي ان يتم تسجيله في الشهر العقاري
أي اعتراض أو سؤال من أي طرف نسمع ونرد عليه بشكل قانوني وواضح من غير ما يخرج الموضوع عن السياق
فؤاد….تمام و اتفضل العقد اهو تقدر تراجعه براحتك.
حست مريم ان الكلام مش جاي علي هواها خصوصا ان هي مضايقه من لوي الدراع
مريم…..لحظه بس يا متر فؤاد كده بصت علي سامي معلش انا مفهمتش جملتك بتاعت بحضور كل الاطراف دي هما الاساتذه طرف وانا مش واخده بالي ولا ايه يا متر هو مش المفروض ان انا و هاني و الاستاذه اللي قاعده دي احنا الأطراف المعنين بالكلام ده
سامي….اكيد
مريم….امال ايه الحكايه شيفاك يعني بتوجهلهم الكلام و هما اغراب عننا وملهمش في الحوار اصلا
احمد…بصلها بهدوء تقدري تعتبري وجودنا يا استاذه ملهوش اي لزوم غير اننا جايبن بس مع نغم..
معاكي حق احنا مش اطراف في القضيه اللي بينكم احنا زي ما قولت جايين بس عشان نغم فا تقدري تكملي كلامك كأننا مش موجودين المتر يقصد بالاطراف حضراتكم و نغم و بس.
مريم…..حلو اهم حاجه بقي نفتكر ديما ان وجودكم ملهوش لزوم يعني انتوا بالنسبالي زيكم زي رجالتي اللي خرجتهم كملت بابتسامه ثقه وهي رافعه حاجبها بس انا مش هخرجكم
حسان….بهدوء و ابتسامه بسيطه يا استاذه مريم انا شايف انك بتضيعي وقت في حاجه مش موجوده زي ما استاذ احمد قالك احنا هنا عشان نغم و بس يعني مفيش داعي تضايقي نفسك بوجودنا كملوا الخطوات اللي انتوا جايين عشانها وبس
بصتلوا مريم و ابتسمت بهدوء و ركزت مع حسان
مريم….تمام انا بس ست بحب احط النقط علي الحروف و دي حاجه متزعلش
حسان….اكيد حقك و اطمني وجودنا هنا مش هيزعجك
ابتسمت مريم لحسان و هزت راسها بهدوء بصلها هاني بغضب بسيط و بص لحسان
هاني….و هو مفيش حد يقدر يزعجها اصلا و لا انت شايف غير كده يا استاذ
