لقاء كـ،ـ،ـ،ـارثي

دخلوا بهدوء و دخلت مريم بثقه و نظره في عين نغم رعبتها و نظره هاني ليها كملت عليها و فجأه بكل تلقائيه خوفها اتحكم فيها اوي مدت كفها بهدوء من تحت الطاوله مسكت كف تامر من غير ما تبصلوا لف تامر راسه بهدوء و بصلها مكانتش باصه هي عماله بس تاخد نفسها و بتحاول تسيطر علي خوفها ايدها كانت زي الرصاص من كتر ما هي ساقعه خد تامر نفس هادي و ضغط علي كفها بهدوء و بعدين فضل يشد الضغط علي كفها عشان يطمنها

ابتسم المحامي بتاعهم ابتسامه سمجه و بصلهم..

المحامي….مساء الخير بعتذر عن التأخير يا متر سامي

سامي….مساء النور مفيش تأخير ولا حاجه يا متر فؤاد اتفضلوا يا جماعه واقفين ليه..

قعدوا كلهم و دخل شاب واضح انه بيقدم طلبات

سامي….قهوتكم ايه ؟

فؤاد….مظبوط

هاني….بص لنغم وابتسم سكر زياده

مريم….مظبوط

هز المحامي للشاب راسه و بعدين الشاي خرج

سامي….قبل اي حاجه هستأذنكم بس الرجاله تستني بره يعني مفيش داعي لوجودهم هنا احنا قاعدين قاعده وديه

رفعت مريم كفها بابتسامه ثقه و حركت كفها بهدوء من غير ما تبصلهم خرج الجاردات بره من غير ولا كلمه ..

هاني…..بابتسامه مستفزه احنا خرجنا رجالتنا يا متر ايه القمر بتاعتنا مش هتخرج رجالتها بره

بصلوا تامر بهدوء بس كان مش طايقه خصوصا بعد الي عرفوا من نغم و بصلوا سلامه بابتسامه قرف اما حسان فا بصلوا بهدوء و سكت

سامي…..رجالتكم جاردات يا استاذ هاني انما الموجود هنا مش غريب اظن انتوا شوفتوا الاستاذ احمد قبل كده واستاذ تامر اما الاساتذه فا نسايب الاستاذ احمد يعني مفيش حد غريب

هاني…..وماله اي حد من طرف نغم علي راسنا ولا ايه يا نغم

مبصتش نغم عليه و قلبها كان عمال يدق و ماسكه في ايد تامر..

سلامه…..ربع ايدها علي الطاوله و فرد جسمه و بص للمحامي اااا انا بقول يا متر نبدأ نتكلم في اللي احنا جايين فيه عشان نخلص

فؤاد…..بابتسامه مستفزه و ماله واضح ان الاستاذ مستعجل

سلامه….لا خالص معاك للصبح كمل بابتسامه بس تقدر تقول كده اني مليش في جو المجاملات اللي مبيأكلش عيش

سامي…خاف يحصل توتر في القاعده ااا احممم طيب نبدأ بسم الله فتح الملف قدامه بص للكل بهدوء نبدأ على طول في الموضوع اللي إحنا جايين عشانه اليوم ده كله عشان نخلص مسألة التنازل عن البيت بطريقة قانونية وواضحة